Sekaraia 2:1 - Chuukese Bible

¹ Iwe, a pwal wor künaei. Üa küna eman mwän mi amwöchü efoch selin aükük lepöün.

Sekaraia 2:1 Iomraidhean Croise

Aisea 54:16

Nengeni, üa förätä ewe chon angang ngeni mächä, a säipöü ewe ekkei o wusi ewe mächä pwe epwe föri eu pisekin maun mi afeiengau. Ngang üa pwal förätä ewe chon kata pwe epwe atai.

Jeremaia 31:39

Iwe, seni ikenan ewe selin aükük epwe feil wenewenewu tori ewe chuk Karep, mürin epwe kul ngeni Koa.

Jeremaia 48:25

Än Moap pöchökül a wesila, nge an pwora a ükütiu. Ngang ewe Samol mi Lapalap üa kapas.

Isikiel 40:3

Lupwen a uweeila ikenan, üa küna eman mwän, inisin a usun chök molupolupen piras. Iwe, a ütä lükün ewe asamalap o amwöchü lepöün eu selippich mi pwech, pwal efoch wokun aükük.

Isikiel 40:5

Iwe, üa küna ewe Imwenfel me eu tit a nom pwelin ünükün. Iwe, ewe mwän a angei an wokun aükük, ükükün langataman engol fiit, o aükü ewe tit ren. Iwe, chööchön won ewe tit ükükün engol fiit, nge tekian pwal engol fiit.

Isikiel 47:3

Lupwen ewe mwän a feila ötiu, a amwöchü efoch selin aükük o aükü ükükün limepükü wone iach. Mürin a emwenieilong lon ewe koluk, nge ewe koluk a tori kirupun pechei.

Isikiel 47:4

Iwe, a aüküsefäli ükükün limepükü wone iach o emwenieila lon ewe koluk, nge a tori pwäsuki. Mürin a pwal aüküsefäli ükükün limepükü wone iach o emwenieila lon ewe koluk, nge a tori won wilai.

Taniel 7:7

Mürin, üa küna ewe afömanün mönümanau, a fokun eniweniw o eniuokus, a pwal fokun pöchökül. Ngiin mi langatam ra usun chök mächä, a ochei o atatakisi liapan, a pwal purätiu meinisin mine a lusun. Iwe, sokun ei mönümanau a sokola seni ekewe mi akom mwan, a pwal wor engol mächän.

Sekaraia 1:16

Iei mine üa liwinla Jerusalem pwe üpwe pwäri ai tong ngeni. Imwei epwe kaüsefäl lon, pwal Jerusalem epwe kaüksefäl,’ iei alon ewe Samol mi Unusen Manaman.

Sekaraia 1:18

Mürin a pwal wor künaei. Üa küna fofoch mächän kow.

Pwärätä 11:1

Mürin eman a ngeniei efoch wok mi wewe ngeni efoch wok minen aükük. Iwe, a üreniei, “Kopwe feila o aükü än Kot we imwenfel me ewe rongen asor, kopwe pwal aleani chokewe mi fel lon.

Pwärätä 21:15

Iwe, ewe chon läng mi kapas ngeniei a amwöchü efoch wokun aükük mi för seni kolt, pwe epwe aükü ewe telinimw, asamalapan me tittin.