Sekaraia 10:2 - Chuukese Bible

² Ekewe aramas ra kütta ar alilis seni ekewe uluulun anün leimw me ekewe soupwe, nge palüan me rer a chofana o lomotongau. Ekewe soutan ra apworausa tan mi mwäl, nge ar kapasen achipachip ra pön. Iei mine ekewe aramas ra malechfeil usun sip, ra riaföü pokiten esap wor ar chon mas.

Sekaraia 10:2 Iomraidhean Croise

Keneses 31:19

Nge lupwen Lapan a feila pwe epwe fichi ülen nöün kewe sip, Rahel a soläni nöün saman we uluulun anün leimw.

1. King 22:17

Mürin, Mikaia a apasa, “Üa küna chon Israel meinisin pwe ra toropasfeil won ekewe chuk usun sip esap wor ar chon mas. Nge ewe Samol mi Lapalap a üra: Ekei aramas esap wor ar samol. Iteiten eman me eman epwe liwiniti en me lenian fän kinamwe.”

Hiop 13:4

Nge me remi, ämi oua aöchü mettoch ren ämi kapas chofana, ämi meinisin oua usun sousäfei esap wor lomotemi.

Hiop 21:34

Pwota oua mochen achipaei ren kapas lomotongau? Esap chüen wor och lusun ämi kapas pälüen, nge kapas chofana chök.”

Aisea 41:29

Nengeni, ir meinisin anümwäl chök, esap wor och mine ra tongeni föri. Ekei uluulun anümwäl ra asepwäl chök.”

Aisea 44:25

Ngang ätewe mi apatala manen ekewe soufos chofana o aitengaua ekewe soupwe, üa pwal esita ekewe chon tipachem o siwili ar tipachem ngeni umwes.

Aisea 44:9

Iwe, ir meinisin mi föri uluulun anümwäl esap wor aüchear, esap pwal wor lomoten ekewe mettoch ra aücheani. Iwe, chon fel ngeni ekewe uluulun anümwäl ra chun o wewengau. Iei mine repwe lichipüng o säw.

Aisea 46:5

Iö oupwe awewe ngeniei pwe üpwe wewe ngeni, nge iö a tongeni wewe ngeniei?

Jeremaia 10:8

Ir meinisin ra tiparoch o umwes. Pun ifa usun, repwe tongeni angei öüröürer seni uluulun anümwäl mi för seni mwüch?

Jeremaia 14:13

Mürin üa üra, “Ai Kot Samol mi Lapalap, ka silei pwe ekewe soufos ra üreni ekewe aramas pwe esap wor maun, esap pwal wor lengita, pun en kopwe ngeniir kinamwe esap müchüla me lon ei fanü.”

Jeremaia 14:22

Ifa usun, a wor eman me lein än chon ekewe mwü kewe anümwäl a tongeni apüngätiu üt? Ifa usun, ekewe läng ra tongeni püsin apüngätiu üt? Äm Kot Samol mi Lapalap, äm aia anomu äm apilükülük womw, pun en ewe mi föri ekei mettoch meinisin.

Jeremaia 23:17

Ra kapasfochofoch ngeni chokewe resap mochen aüselinga aloi, ‘Oupwe feiöch.’ Nge ngeni chokewe mi ülöförea lon leluker ra apasa, ‘Esap wor och feiengau epwe torikemi.’”

Jeremaia 23:32

Oupwe aüselinga mine ngang ewe Samol mi Lapalap üa apasa: Nengeni, üa ü ngeni chokewe mi osuni ar tan mi chofana, chokewe mi apworausa ekewe tan o atoka nei kewe aramas ren ar kapas chofana me ar tunosikesik. Ngang üsap tinirela ika akünöör, iei mine resap fokun alisi ekei aramas. Ngang ewe Samol mi Lapalap üa kapas.”

Jeremaia 27:10

Pun mine ra osuni ngenikemi a chofana, epwe aselipato ämi oupwe toau seni fanüemi. Ngang üpwe asükemiila pwe oupwe rosola.

Jeremaia 27:14

Ousap aüselinga än ekewe soufos kapas, lupwen ra ürenikemi pwe ousap angang ngeni ewe kingen Papilon, pun mine ra osuni ngenikemi a chofana.

Jeremaia 27:9

Iei mine ousap aüselinga alon nöümi kewe soufos, nöümi kewe soupwe, nöümi kewe soutan, nöümi kewe souawarawar ika nöümi kewe sourong mi ürenikemi pwe ousap wisen angang ngeni ewe kingen Papilon.

Jeremaia 28:15

Mürin üa üreni ewe soufos Hanania, “Kopwe rongorong Hanania, ewe Samol mi Lapalap esap tinuk, nge en ka föri pwe ekei aramas ra lükü mine a chofana.

Jeremaia 29:8

Ngang ewe Samol mi Unusen Manaman, ewe Koten Israel üa ürenikemi pwe ousap tup ren nöümi kewe soufos me nöümi kewe soupwe mi nom leimi. Ousap aüseling ngeni ekewe tan ra eäni.

Jeremaia 37:19

Ikafair nöümi kewe soufos ra osuni ngenikemi o üra, ‘Ewe kingen Papilon esap feito pwe epwe maun ngenikemi me ei fanü?’

Jeremaia 50:17

Iei alon ewe Samol mi Lapalap, “Chon Israel ra usun chök sip mi toropas, ekewe laion ra cherela. Ewe kingen Asiria a akomwen ocheer, mürin Nepukatnesar ewe kingen Papilon a ineei chüür.

Jeremaia 51:23

Üa aea en le niela chon mas me nöür pwiin sip. Üa aea en le niela chon tanipi me nöür kewe mönün tuw pwül. Üa pwal aea en le niela kepina me nöüwis.”

Jeremaia 6:14

Ra atupun säfeni kinasen nei aramas ren ar apasa, ‘A wor kinamwe, a wor kinamwe,’ ngei ese wor kinamwe.

Jeremaia 8:11

Ra atupun säfeni nei aramas ren ar apasa, ‘A wor kinamwe, a wor kinamwe,’ ngei esor kinamwe.

Kölün kechü 2:14

Künan noum kewe soufos fän itom ra mwäl o chofana. Resap pwäri ngonuk om kewe tipis, pwe repwe epeti senuk om kopwe oola. Nge osunier fän itom ra mwäl o atuputup.

Isikiel 21:21

Pun ewe kingen Papilon a üla lekeangen ekewe ruofoch al pwe epwe pwee. Iwe, a wichiki ewe lenien föün likapich, a aisini an kewe uluulun anümwäl o nengeni ammünün an mönün asor.

Isikiel 21:29

Nöümi soufos ra küna mine a mwakel, nge nöümi soupwe ra chofana ngenikemi. Ewe ketilas epwe pökü üen ekewe chon föföringau, a tori ränir, ewe ränin apwüngün lesopolan.

Isikiel 34:5

Iei mine ekewe sip ra toropasfeil, pun esap wor ar chon mas. Iwe, ekewe manmwacho ra ocheer.

Isikiel 34:8

Mwo manauei, ngang Kot ewe Samol mi Lapalap üa apasa: Nei sip kana ra oola pwe ekewe manmwacho ra ocheer, pun esap wor ar chon mas. Iwe, nei kewe chon mas resap kütta nei sip kana, pwe ra püsin tümwünüür, nge resap tümwünü nei sip kana.

Osea 3:4

Iei usun chon Israel repwe nonom fansoun langatam, nge esap wor ar king ika nöür samol, resap asor, esap pwal wor ar ür mi pin, ar uluulun anümwäl me ar uluulun anün leimw.

Mika 2:12

Ngang üpwe fokun achufengenikemi, ämi chon Israel meinisin mi chüen manau. Üpwe achufengenikemi usun sip ra chufengen lon lenier, usun epwi pwiin sip mi nom lon ar lenien mongö. Ewe leni epwe ti ren aramas.”

Apakuk 2:18

Met lomoten eu uluulun anümwäl? A chök och mettoch eman aramas a püsin auluulu. Esap tongeni pwäri ngonuk och ngei chofana echök. Met feiöchün ngeni ewe chon föri pwe a lükü eu uluulun anümwäl esap tongeni kapas?

Sekaraia 11:17

Feiengauen ei chon mas mi lomotongau a likitala ewe pwiin sip. Amwo ewe ketilas epwe pökü pöün me pelifichin mesan. Pöün epwe fokun pwasala, nge pelifichin mesan epwe wesewesen chunela.”

Numperis 27:17

epwe akakomweer le emweniir lon mettoch meinisin, pwe noum mwichen aramas esap wewe ngeni eu pwiin sip esap wor ar chon mas.”

Mateus 9:36

Nge lupwen a küna ewe mwichen aramas, a fokun tongeer, pun ra nom lon watten osukosuk me weires usun sip kana esap wor nöür chon mas.

Markus 6:34

Iwe, lupwen Jesus a tötiu seni ewe wa, a küna eu mwichen aramas mi chomong. Iwe, a fokun tongeer, pun ra wewe ngeni sip esap wor nöür chon mas. Iei mine a popuetä le afalafala ngeniir chomong mettoch.

Tuteronomi 13:2

are ewe asisil ika manaman a kapas usun a fis, nge mürin a pwal apasa: Ousipwe fel ngeni pwal ekoch kot o angang ngeniir, sokun kot ousap sileer me mwan,

Soukapwüng 18:14

Mürin, ekewe limman mwän mi piin feila pwe repwe operi ewe fanü ünükün Lais ra üreni chiener, “Ifa usun, oua silei pwe lon eu ekei imw a wor echö efot, ekoch uluulun anün leimw me eu uluulun anü mi fal, a kapachetä silifer won? Iei mine oupwe ekieki mine oupwe föri.”