Sekaraia 10:1 - Chuukese Bible

¹ Oupwe tüngorei ewe Samol mi Lapalap pwe epwe apüngatiu ewe ütten leres lon fansoun. Ewe Samol mi Lapalap mi föri ekewe kuchun üt epwe fangeto ngeni aramas püngün üt pwe irä repwe mär lon ekewe tanipi.

Sekaraia 10:1 Iomraidhean Croise

1. King 17:1

Iwe, eman sofos itan Elias seni Tispe lon Kiliat a üreni Ahap, “Mwo manauen ewe Samol mi Lapalap ewe Koten Israel, ewe Kot üa angang ngeni, esap püngütiu amurenipwin ika üt lon kei ier tori üpwe kapasefäl.”

Hiop 29:23

Ra witiwitiei usun ar witiwiti püngün üt, ra etiwa ai kewe kapas usun fanüfan a ünümi ewe ütten leres.

Kölfel 104:13

Seni won leniom mi tekia ka achöchönü ekewe chuk. Fanüfan a urela ren om kewe feiöch.

Kölfel 135:7

I ewe mi atötäi ekewe kuchu me lesopun fanüfan, a förätä inefi fiti püngün üt, a pwal atowu asepwäl seni an lenien iseis.

Kölfel 65:9

Ka tümwünü fanüfan o achöchönü, ka föri pwe a pwülüöch o fanüeräs. Ka aurala ekewe chanpupu ren koluk. Ka ngeni chon fanüfan ener mongö. Iei usun mine ka föri ngeni fanüfan:

Kölfel 72:6

Amwo epwe usun chök üt mi püngütiu won fetil mi pwüküfö, pwal usun chök üt mi achöchönü fanüfan.

Än Salomon Fos 16:15

Wopwapwan won mesen eman king iei asisilan pwe mi wor manau, an ümöümöch a usun chök ekewe kuchu mi apüngätiu ütten mwen leres.

Aisea 30:23

Iwe, Kot epwe ngenikemi üt fän iten ekewe pwükil oua amorafeili won pwül, pwe repwe mär, epwe pwal ngenikemi föün wiich mi somola lon fansoun kinikin. Lon ena fansoun nöümi pwiin man repwe mongö lon lenien fetil mi watte.

Aisea 44:3

Üpwe ninätiu koluk won fanüen chon kaka, üpwe pwal apupu chanpupu lon leni mi pwasapwas. Iwe, üpwe anomu Ngüni won mwirimwirum kana, pwal ai feiöch won noum kana.

Aisea 5:6

Iwe, üpwe föri mine ewe tanipi epwe pön ren. Esap wor eman epwe fichitolei irän ika tuw pwülün lon, nge pötöwölingau me iräfölüföl repwe märitä lon. Iwe, üpwe allük ngeni ekewe kuchun üt pwe resap püngütiu won.

Jeremaia 10:13

Lupwen a kapas, ekewe kolukun fän läng ra ngüngü. A pwal föri ekewe kuchu pwe repwe ässitä seni ekewe lesopun fanüfan. A föri inefi fiti üt o awarato asepwäl seni an lenien iseis.

Jeremaia 14:22

Ifa usun, a wor eman me lein än chon ekewe mwü kewe anümwäl a tongeni apüngätiu üt? Ifa usun, ekewe läng ra tongeni püsin apüngätiu üt? Äm Kot Samol mi Lapalap, äm aia anomu äm apilükülük womw, pun en ewe mi föri ekei mettoch meinisin.

Jeremaia 5:24

Ousap ekieki lon lelukemi, ‘Ousipwe meniniti ewe Samol mi Lapalap ach we Kot, mi fang ngenikich üt lon fansoun öch, mi fang ngenikich ewe ütten lefen me ütten leres o awarato ngenikich ewe fansoun kinikin iteiten ier.’

Jeremaia 51:16

Lupwen a apasawu mwelian, ekewe koluk fän läng ra ngüngü. A pwal föri ekewe kuchu pwe repwe ässitä seni ekewe lesopun fanüfan. A föri inefi fiti üt o awarato asepwäl seni an kewe lenien iseis.

Isikiel 34:26

Üpwe uwato feiöch wor, pwal won ewe fanü ünükün chuki mi pin, üpwe apüngätiu üt lon fansoun fich, nge ewe üt epwe eu ütten feiöch.

Isikiel 36:37

Iei alon Kot ewe Samol mi Lapalap, “Üpwe awirisefäli än chon Israel tüngor o achomongeer usun epwi pwiin sip.

Osea 10:12

Oupwe tuw ämi pwül esamwo tu me mwan. Oupwe amora pwüng fän itemi pwe oupwe kini ewe ua tong ellet. Pun a tori fansoun ämi oupwe kütta ewe Samol mi Lapalap tori epwe war o awarato manau womi.

Osea 6:3

Ousipwe achocho ngeni ach sipwe silei ewe Samol mi Lapalap. Usun mal a tö iteiten lesosor, iei usun epwe fokun waroto. Epwe wareitikich usun püngün üt, usun ekewe ütten leres mi achöchönü fanüfan.”

Amos 4:7

Üa pwal amwöchü senikemi üt lon fansoun epwe fokun wor üt fän iten fotämi irä. Üa apüngätiu üt won eu telinimw, nge üsap apüngätiu won pwal eu. Üt a püngütiu won eu mälämäl, nge pwal ewe eu mälämäl esap püng üt won.

Mika 5:7

Mürin ekewe mi chüen manau seni mwirimwirin Jakop repwe wewe ngeni amurenipwin seni ewe Samol mi Lapalap me lein chomong mwü, repwe pwal wewe ngeni üt won fetil. Resap eäni apilükülük aramas ika älälei och seni chon fanüfan.

Johannes 16:23

Lon ena rän ämi ousap chüen aisiniei och. Enlet, üpwe wesewesen ürenikemi: Semei epwe ngenikemi meinisin mine oua tüngor fän itei.

1. Korint 3:6

Ngang üa fotuki ekewe pwükil, Apolos a atütüür, nge Kot a amäriiretä.

Tuteronomi 28:23

Iwe, ewe läng asemi epwe usun chök piras, nge ewe fanü fami epwe usun chök mächä.

James 5:7

Iei mine ämi pwii kana, oupwe mosonotam tori ach Samol epwe war. Oupwe nenengeni usun än eman chon tanipi mosonotam le witiwiti pwe fanüan epwe awora ua mi fokun aüchea. A mosonotam le witiwit an epwe püngütiu ewe üten leräs me üten lefeng.