Sekaraia 1:6 - Chuukese Bible

⁶ Ifa usun, ai kewe kapas me ai kewe allük üa allük ngeni nei kewe chon angang ekewe soufos resap küw ämi kewe lewo? Iei mine ra ekieksefäl o üra: Usun mine ewe Samol mi Unusen Manaman a ekiekietä pwe epwe föri ngenikem fän iten äm kewe lapalap me föför, iei usun a föri ngenikem.”

Sekaraia 1:6 Iomraidhean Croise

2. King 15:12

Iei usun ewe pwon ewe Samol mi Lapalap a eäni ngeni Jehu a pwönüetä, “Mwirimwirum kana repwe nom lon ewe wisen king lon Israel tori arüanün tettelin aramas.”

Hiop 6:29

Üa tüngor ngenikemi pwe oupwe ekieksefäl, ousap föri och mi pwüngingau. Oupwe ekieksefäl iei chök, pwe epwe pwä pwe ngang üa pwüng.

Aisea 21:17

Nge ekewe chon Ketar mi chüen manau, ir chon likapich me chon pwora, repwe chokükün. Ngang ewe Samol mi Lapalap, ewe Koten Israel, üa kapas.”

Aisea 44:26

Nge lupwen nei chon angang a osuni och, lupwen üa tinala nei chon künö pwe epwe pwärätä mine üa akota, üpwe pwal fokun apwönüetä mine üa eäni kapas. Üa apasa usun Jerusalem pwe epwe sosefäl, pwal usun ekewe telinimwen Juta pwe repwe kaüsefäl, nge mine a ta me wor üpwe aüsefälietä.

Aisea 55:1

Ewe Samol mi Lapalap a apasa, “Ou etto, ämi meinisin mi kaka, oupwe feito o ün seni ewe koluk. Ämi mi wöüngauen moni, oupwe feito o angei enemi. Oupwe feito o angei ünümemi wain me milik, nge ousap möni.

Aisea 55:11

iei usun ai kapas esap liwinto rei fän pön, pwe epwe afisätä mine üa tipeni o apwönüetä mine üa akünöü ngeni.

Jeremaia 23:20

Än ewe Samol mi Lapalap song esap kul tori epwe afisi o apwönüetä mine a ekiekin föri. Lon ekewe fansoun repwe feito oupwap weweöchiti.

Jeremaia 26:15

Nge oupwe chök silei pwe ika oua nieila, oupwe atoto womi pwal won ei telinimw me aramasen lon liwinin chan eman esap wor an tipis. Pun a let pwe ewe Samol mi Lapalap a tinieito remi pwe üpwe asile ngenikemi ekei kapas meinisin.”

Jeremaia 28:17

Iwe, lon ewe chök ier lon ewe afisuen maram, ewe soufos Hanania a mäla.

Jeremaia 32:24

Ekewe chon Papilon ra senätä ewe ororen maun pwelin ünükün ewe telinimw. Iwe, ra maun ngeni pwe repwe liapeni. Pokiten ewe maun, ewe lengita me ewe mätter, ewe telinimw epwe oolong lepöür. Ka püsin küna pwe a fisitä mine ka kapas usun.

Jeremaia 36:28

“Kopwe angei pwal echö toropwe o makei lon ekewe kapas meinisin mi fen mak lon ewe aeuin toropwe, Jehoiakim ewe kingen Juta a kenala.

Jeremaia 39:16

pwe epwe üreni Epet-melek ewe re Itiopia, “Iei alon ewe Samol mi Unusen Manaman, ewe Koten Israel: Iei üpwele apwönüetä ai kei kapas üa üra fän äsengesin ei telinimw, pwe üpwe afeiengaua, nge üsap afeiöchü. Nge lupwen epwe pwönüetä, en kopwe küna ren mesom.

Jeremaia 4:4

Ämi chon Juta me chon Jerusalem, oupwe apwönüetä ämi pwon ngeniei, ngang ämi Samol mi Lapalap, o apinikemi fän itei. Are ousap föri ei, ai lingeringer epwe towu usun ngetengeten ekkei, pokiten ekewe föför mi ngau oua föriir. Epwe ngetenget, nge esap wor eman epwe kunuela.”

Jeremaia 44:2

Iei alon ewe Samol mi Unusen Manaman, ewe Koten Israel, “Ämi oua küna ekewe feiengau meinisin üa atoto won Jerusalem, pwal won ekewe telinimwen Juta meinisin. Nengeni, tori ikenai ra eu leni mi pönüla esap wor eman a asoor,

Jeremaia 44:28

Nge chokewe mi chüen manau o liwin seni ewe fanü Isip ngeni ewe fanü Juta repwe chokisikis. Mürin, chokewe mi chüen manau repwe silei än iö kapas a pwönüetä, ai ika ar.

Jeremaia 44:29

Ngang ewe Samol mi Lapalap üpwe alletä ngenikemi pwe üpwe apwüngükemi lon ei leni, pwe oupwe silei pwe ai kewe kapasen afeiengauakemi repwe fokun pwönüetä.

Jeremaia 44:6

Iei mine üa asasawu ai lingeringer me ai song won ekewe telinimwen Juta me ekewe alen Jerusalem o kenirela, pwe ra tatakis o pönüla usun a fis tori ikenai.”

Jeremaia 5:14

Iei popun ewe Samol mi Lapalap ewe Kot mi Unusen Manaman a apasa, “Pokiten ekewe aramas ra apasa ekei kapas, ngang üpwe föri pwe ai kewe kapas repwe usun chök ekkei me lon awom, nge ir repwe usun chök mwüch. Iwe, ewe ekkei epwe kenirela.”

Kölün kechü 1:18

Ewe Samol mi Lapalap a pwüng, nge ngang üa aleasolap ngeni an kapas. Oupwe aüseling, ämi chon ekewe mwü meinisin, oupwe nenengeni ai riaföü. Nei kewe föpwül me nei kewe alüal ra oola.

Kölün kechü 2:17

Ewe Samol mi Lapalap a föri mine a ekiekietä, a afisätä an kapasen apwüng a piin apasa me lomlom. A kata, nge esap eäni tong. A awinna chon oputom o apwapwaar ren om feiengau.

Kölün kechü 3:42

“Äm aia tipis o ü ngonuk, nge en kosap amusala äm tipis.

Isikiel 20:43

Ikenan oupwe chechemeni ämi kewe föför meinisin oua alimengauakemi ren. Oupwe püsin anioputakemi ren ekewe föföringau meinisin oua föriir.

Isikiel 37:11

Mürin, Kot a üreniei, “Nöün aramas, wewen ekei chü ekewe aramasen Israel meinisin. Nengeni, ra apasa, ‘Chüch kewe ra pwasapwas, ach apilükülük a morola, sa fokun ärela.’

Taniel 4:28

Ekana mettoch meinisin ra fis ngeni ewe king Nepukatnesar.

Osea 5:9

Lon ewe ränin apwüng Israel epwe tala. Üa asilefeili lein ekewe ainangen Israel usun ewe feiengau epwe fokun fis ngeniir.

Osea 9:15

Iwe, ewe Samol mi Lapalap a üra, “Pokiten ar föföringau meinisin mi fis me lon Kilkal, üa popuetä le oput ir me ikenan. Üpwe asürela me lon fanüei pokiten ar kei föför mi ngau. Üsap chüen tongeer. Nöür kewe souemwen meinisin ra ü ngeniei.

Amos 9:10

Nge ekewe chon tipis meinisin me lein nei aramas repwe mäla lon maun, ir chokewe mi apasa, ‘Esap wor och feiengau epwe torikich.’”

Sekaraia 1:7

Iwe, lon aruuen ierin mwün Tarius, lon rüe me rüanün ränin ewe engol me aeuin maram, iei ewe maram Sepat, ewe Samol mi Lapalap a kapas ngeni ewe soufos Sekaraia. Iwe, Sekaraia a üra,

Malakai 3:18

Mürin, oupwe tongeni alefilasefäli lefilen eman chon pwüng me eman aramasangau, lefilen ätewe mi angang ngeni Kot me ätewe esap angang ngeni.”

Numperis 23:19

Kot esap eman aramas pwe epwe chofana, esap pwal i nöün aramas pwe epwe ekieksefäl. Ifa usun, epwe apasa och, nge esap föri? Ika epwe pwonei och, nge esap apwönüetä?

Numperis 32:23

Nge are ousap apwönüetä ämi pwon, oua tipis ngeni ewe Samol mi Lapalap. Oupwe silei pwe liwinin ämi tipis epwe fokun torikemi.

Numperis 33:56

Are osap asürela, ngang üpwe föri ngenikemi mine üa ekiekin föri ngeniir.”

Mateus 24:35

Läng me fanüfan repwe morola, nge ai kapas kana resap fokun morola.

Tuteronomi 28:15

“Nge are ousap aleasochisi alon ewe Samol mi Lapalap ämi we Kot, ousap pwal tümwünüöchü le apwönüetä an kewe allük me pwüüng meinisin üa allük ngenikemi ikenai, mürin ekei anümamau repwe feito womi o nonom mwemi.

Tuteronomi 28:2

Ekei feiöch meinisin repwe feito womi o akom mwemi, are oupwe aleasochisi alon ewe Samol mi Lapalap ämi we Kot.

Tuteronomi 28:20

Iwe, ewe Samol mi Lapalap epwe tinato womi anümamau, fitikoko me apwüng lon meinisin mine oua föri tori oupwe mäla o müttir rosola pokiten ämi föför mi ngau me ämi likitala Kot.

Tuteronomi 28:45

Ekei anümamau meinisin repwe torikemi, repwe tapwerikemi o tokumweekemi tori oupwe rosola, pun ousap aleasochisi alon ewe Samol mi Lapalap ämi we Kot, ousap pwal tümwünü an kewe allük me pwüüng a allük ngenikemi.

1. Tesalonika 5:4

Nge ämi pwiim kana, ousap nonom lon rochopwak, pwe ousap serengau ren ewe Rän usun än eman serengau ren eman chon solä.