Sekaraia 1:5 - Chuukese Bible

⁵ Ikafa ir ämi kewe lewo? Ifa usun, ekewe soufos ra manau tori feilfeilachök?

Sekaraia 1:5 Iomraidhean Croise

2. King 13:14

Iwe, lupwen a tori Elisa ewe samau epwe mäla ren, Jehoas ewe kingen Israel a feila ren, a kechü ngeni o üra, “Semei, semei! En ewe chon peni Israel mi manaman.”

2. King 13:20

Iwe, Elisa a mäla, nge ra peiaseni. Iteiten ier ekoch mwichen sounfiu seni Moap mi küt liaper ra sou tolong lon ewe fanü Israel.

Kölfel 90:10

Iwe, ierin manauem ra tori fik, nge are eman a pöchökül, a tori walik ier. Nge lon ekewe ier a chök masou ren angang me weires. Ra müttir wesila usun chök aia ässila.

Än Salomon Afalafal 1:4

Eu täppin aramas ra morola, eu täppin ra fisitä, nge fanüfan a chök nonomfochofoch.

Än Salomon Afalafal 12:5

Iwe, kopwe niuokus le feitä won chukuchukutä, kopwe pwal niuokus le fetal won al. Mökürom epwe üwan. Iwe, kopwe fokun weires le fetal, nge om mochen meinisin epwe ükütiu. Pun aramas repwe feila ngeni ar lenien asösö lon peiaser, nge chon ngüngüres repwe fetal won al.

Än Salomon Afalafal 12:7

Iwe, kopwe chechemeni Kot mwen inisum epwe liwiniti pwül, pun a pop seni pwül, pwal mwen ngünum epwe liwinla ren Kot, ewe a ngonuk.

Jeremaia 36:28

“Kopwe angei pwal echö toropwe o makei lon ekewe kapas meinisin mi fen mak lon ewe aeuin toropwe, Jehoiakim ewe kingen Juta a kenala.

Kölün kechü 5:7

Äm kewe lewo ra tipis, nge iei resap chüen manau. Nge äm aia mwärelong fän liwinin ar kewe föföringau.

Johannes 8:52

Iwe, ekewe chon Juta ra üreni, “Iei äm aia silei pwe eman anün rochopwak a wänuk. Apraham a mäla, pwal ekewe soufos ra mäla, nge en ka apasa pwe iö a aleasochisi om kewe kapas esap fokun mäla.

Föför 13:36

Pun Tafit a föri mine Kot a akota ngeni lon fansoun manauan, mürin a mäla, a peias ren an kewe lewo, nge inisin a pomach.

Ipru 9:27

Aramas meinisin repwe mäla fän eu chök, nge mürin Kot epwe apwüngüür.

1. Samuel 25:1

Iwe, Samuel a mäla, nge chon Israel meinisin ra mwichefengen pwe repwe kechüeiti. Iwe, ra peiaseni lon lenian lon Rama. Mürin, Tafit a feitiu lon ewe fanüapön Paran.