Sekaraia 1:2 - Chuukese Bible

² Iwe, ewe Samol mi Unusen Manaman a tini Sekaraia pwe epwe üreni ekewe aramas, “Ngang ewe Samol mi Lapalap üa fokun song ngeni ämi kewe lewo.

Sekaraia 1:2 Iomraidhean Croise

2. King 22:19

ka pwal apwetetei lelukom o atekisonok me fän mesei, lupwen ka rongorong mine üa apasa usun feiengauen ei leni, pwal usun feiengauen aramasan, pwe repwe wiliti och minen eniwokus me anümamau. Iwe, ka kamwei üfom o kechü fän mesei, iei popun ngang üa pwal aüselinga om iotek.

2. King 23:26

Nge ewe Samol mi Lapalap esap ükütiu seni an lingeringer mi fokun watte, pun a chüen song ngeni chon Juta, pokiten ekewe föför meinisin Manasa a föri.

Esra 9:13

Iei mwo ekei riaföü ra fis ngenikem pokiten äm kewe föför mi ngau me äm kewe tipis mi chomong, nge äm aia silei pwe om apwüngükem, en äm Kot, a kis seni liwinin äm tipis, ka pwal mwüt ngenikem ekoch mi chüen manau.

Kölfel 60:1

Ai Kot, ka pöütikeemila o akufukem, ka pwal song ngenikem. Kose mochen kopwe apöchökülasefälikem.

Jeremaia 32:23

Nge lupwen ra tolong lon ei fanü o fanüeni, resap aleasochis ngonuk ika föri pwüngün om allük. Resap fokun föri och usun mine ka allük ngeniir pwe repwe föri. Iei mine ka awarato wor ekei feiengau meinisin.

Jeremaia 44:6

Iei mine üa asasawu ai lingeringer me ai song won ekewe telinimwen Juta me ekewe alen Jerusalem o kenirela, pwe ra tatakis o pönüla usun a fis tori ikenai.”

Kölün kechü 5:7

Äm kewe lewo ra tipis, nge iei resap chüen manau. Nge äm aia mwärelong fän liwinin ar kewe föföringau.

Isikiel 22:31

Iei mine üa awarato ai song wor, üa aroserela ren choun ai lingeringer o liwini ngeniir liwinin ar föför,” iei alon Kot ewe Samol mi Lapalap.

Isikiel 8:18

Iei mine üpwe apwüngüür fän ai song. Üsap achikeer, üsap pwal eäni tong ngeniir. Inamwo are repwe kechü ngeniei fän leüömong lon ar iotek, üsap fokun aüselingeer.”

Sekaraia 1:15

Nge üa fokun song ngeni chon ekewe mwü mi nom fän kinamwe. Pun lupwen üa ekis song ngeni nei aramas, ir ra alapala ar afeiengaueer.

Sekaraia 7:12

Ra apöchöküla leluker pwe a pöchökül usun fau, pwe resap rongorong ekewe allük me ekewe kapas, ngang üa tini ngeni Ngüni, nge ekewe soufosun lom ra asile ngeni ekewe aramas. Iei popun ngang ewe Samol mi Unusen Manaman üa fokun lingeringeritiir.

Sekaraia 8:14

Iei alon ewe Samol mi Unusen Manaman, “Lupwen ämi kewe lewo ra asongaei, üa ekiekietä pwe üpwe afeiengaueer, nge üsap piitela.

Föför 7:52

Ifa usun, mi wor eman soufos ämi kewe lewo resap ariaföüü? Ra niela nöün Kot kewe chon künö, chokewe ra arongato me lom usun waren nöün Kot we Chon Angang mi pwüng. Iwe, iei ämi oua afangamä i o niela.