Sekaraia 1:12 - Chuukese Bible

¹² Mürin, nöün ewe Samol mi Lapalap we chon läng a üra, ‘Ai Samol mi Unusen Manaman, inet kopwe eäni ümöümöch ngeni Jerusalem me ekewe telinimwen Juta, pun ka song ngeniir lon ekei fik ier?’

Sekaraia 1:12 Iomraidhean Croise

2. Kronika 36:21

Ren ei a pwönüetä mine Jeremaia a apasa fän alon ewe Samol mi Lapalap, pwe ewe fanü epwe pwapwaäsini an kewe ierin sapat. Lon ükükün ekewe rän meinisin ewe fanü a tala, a fisitä ekewe ierin sapat, tori fik ier ra wesila.

Kölfel 102:10

pokiten watten om lingeringer. Pun en ka angeei o pöütieila.

Kölfel 102:13

En kopwe ütä o eäni tong ngeni Sion. A tori fansoun om kopwe ümöümöch ngeni, ewe fansoun ka pwoneela a war.

Kölfel 69:5

Ai Kot, en ka silei ai kewe föför mi mwäl, nge ai kewe tipis üa föriir resap mon senuk.

Kölfel 74:10

Ai Kot, ifa ükükün fansoun än ekewe chon oputakem repwe esitok? Ifa usun, repwe turunufasei itom tori feilfeilachök?

Kölfel 79:5

Ai Samol mi Lapalap, ifa ükükün fansoun om kopwe song ngenikem? Epwe tori feilfeilachök? Ifa usun, om lingeringeritikem epwe chök ngetenget usun ekkei?

Än Salomon Afalafal 3:3

A wor fansoun niela pwal fansoun apöchökülätä, a wor fansoun ataela pwal fansoun aüetä.

Aisea 47:6

Iwe, üa songeiti nei aramas o atolongeer lon itengau, üa pwal asechirelong lepoum, nge en kosap tongeer. Ka fen uwätä efoch waas mi fokun chou won afaren ekewe chinlap.

Aisea 63:9

Püsin i a amanaueer, sap eman chon läng. Ren an chen me tong ngeniir a angaseer, a ekiretä o mwäreer lon ekewe fansoun lom.

Jeremaia 12:4

Ifa ükükün fansoun än ewe fanü epwe pwasapwas, nge fetilin lon iteiten mälämäl epwe pwasala? Ekewe man me mansüsü ra ärela pokiten ekewe aramas mi nom lon ewe fanü ra föföringau, ir ekewe aramas mi apasa, “Kot esap küna mine sa föri.”

Jeremaia 15:17

Üsap nom lon mwichen chon kütta ar pwapwa, üsap pwal etiir le meseik. Üa äkäleman won ai pokiten poum a nom woi, pun en ka auraei ren song.

Jeremaia 29:10

Pun iei alon ewe Samol mi Lapalap, ‘Are a wes ekewe fik ier fän iten Papilon, ngang üpwe ämwakemi. Üpwe apwönüetä ai pwon ngenikemi o aliwinikemi ngeni ei leni.

Jeremaia 30:18

Iei alon ewe Samol mi Lapalap, “Nengeni, üpwe aliwinisefäli nei aramas ngeni fanüer o tongei lenier. Jerusalem epwe kaüsefäl won lerasan me lom, nge ewe imwen king epwe kaütä won wesewesen lenian.

Taniel 12:6

Iwe, eman leir a aisini ewe mwän mi üföüf üf mi pwechepwech o ütä asen ewe chanpupu, “Ifa ükükün fansoun tori ekei mettoch mi amwarar repwe wes.”

Taniel 9:2

Lon aeuin ierin mwün ngang Taniel üa aleani me lon puk usun mine ewe Samol mi Lapalap a aiti ngeni ewe soufos Jeremaia, pwe Jerusalem epwe tala lon ükükün fik ier.

Apakuk 1:2

Ai Samol mi Lapalap, ifa ükükün fansoun ai üpwe siö ngonuk pwe kopwe awora om alilis, nge kopwap aüselinga? Ifa ükükün fansoun ai üpwe siö ngonuk fän iten ewe angangen mwänewüs, nge kopwap amanauakem?

Sekaraia 1:8

“Lepwin ewe a wor künaei. Üa küna eman mwän mi wawa eman oris mi par. A nom lein ekewe mwoosor lon ewe lemol mi chökis. Nge lükisökürün a wor pwal ekoch oris mi par, tiketikepar me pwech.

Sekaraia 7:5

“Kopwe üreni aramasen ewe fanü meinisin, pwal ekewe souasor: Lupwen oua echikefel me ngüngüres lon alimuen me afisuen maram lon ekei fik ier, ifa usun, oua wesewesen echikefel fän itei?

Ipru 7:25

Iei mine a tongeni amanaua chokewe meinisin mi arap ngeni Kot ren i fansoun meinisin, pun a manau tori feilfeilachök pwe epwe tüngor ngeni Kot fänäsengesiir.

Pwärätä 6:10

Ra kökkö fän mwelier mi leüömong, “Äm Samol mi Unusen Manaman, ka pin o let. Ifa langatamen fansoun tori om kopwe apwüngü ekewe aramas won fanüfan o kopwe ngeniir chappen ar nikeemila?”