Rut 3:13 - Chuukese Bible

¹³ Iwe, kopwe chök nonom lon ei pwinin. Nge lesosorun lesor sipwe pi are ätewe epwe föri wisan ngonuk usun wisen märärin pwülüom. Are epwe föri ina usun, a öch. Nge are esap mochen föri wisan ngonuk, üa akapel iten ewe Kot mi Manau pwe üpwe föri wisei ngonuk. Iwe, kopwe chök kokon tori lesosorun lesor.”

Rut 3:13 Iomraidhean Croise

Jeremaia 12:16

Iwe, are repwe etiwa än nei aramas lamalam ren unusen leluker o eäni akapel, ‘Mwo manauen ewe Samol mi Lapalap,’ usun ra aiti ngeni nei aramas pwe repwe eäni akapel iten Paal, mürin repwe fefeitä me lein nei aramas.

Jeremaia 4:2

are oupwe pwon fän akapel itei fän let, pwüng me wenechar, mürin chon ekewe mwü repwe kütta ar feiöch me rei, repwe pwal mwareitiei.”

2. Korint 1:23

Ngang üa köri Kot pwe nei chon pwärätä, i a silei letipei. Iwe, üsap mochen aweiresikemi, iei mine üsap chüen ekiekin feila Korint.

Ipru 6:16

Are eman aramas a eäni eu akapel, a akapelü iten eman mi tekia seni püsin i. Iwe, ei akapel a alükülükü met a pwon o aükätiu än aramas anini meinisin.

Soukapwüng 8:19

Iwe, Kition a üreniir, “Ir pwii, nöün inei. Mwo manauen ewe Samol mi Lapalap, are ousap nirela, üsap pwal nikemiila.”

Rut 2:20

Iwe, Naomi a kapas ngeni Rut, “Amwo ewe Samol mi Lapalap epwe afeiöchü Poas. Kot esap likitala an eäni kirikiröch ngenikich chon manau me ekewe mi mäla.” Naomi a pwal üra, “Ätewe eman märärich mi kan ngenikich, eman mi wisen tümwünükich.”

Rut 3:12

Mi pwüng pwe ngang eman märärin pwülüom we mi wisen tümwünuk, nge mi wor eman märärin mi kan ngonuk lap seniei.

Rut 4:5

Iwe, Poas a üreni, “Mi öch. Nge lon ränin om kopwe möni ewe fanü seni Naomi, kopwe pwal angei Rut ewe fin Moap pwülüen ewe mi mäla, pwe kopwe aupwätiu mwirimwirin ewe mi mäla pwe repwe fanüeni fanüan.”

Rut 4:6

Nge ewe mwän a apasa, “Are iei usun, üsap mochen möni ewe fanü, pun mwirimwiri kewe resap tongeni fanüeni me mürin. Kopwe siwiliei le möni, pun ngang üsap tongeni möni.”