Rut 2:6 - Chuukese Bible

⁶ Nge ätewe a pälüeni, “Neminan ewe fin Moap a eti Naomi le liwinto seni ewe fanü Moap.

Rut 2:6 Iomraidhean Croise

Keneses 15:2

Nge Apram a apasa, “Ai Samol me ai Kot, met ka tongeni ngeniei, nge esap wor nei. Nei chon angang Elieser seni Tamaskus epwe wöüni wöüi meinisin.”

Keneses 24:2

Iwe, Apraham a üreni ewe meilapen nöün kewe chon angang mi nemeni an kewe pisek meinisin, “Kopwe sökalong poum fän aföi,

Keneses 39:4

Iwe, Potifar a ümöümöch ngeni Josef, iei mine a afili pwe epwe angang ngeni. A seikätä Josef pwe epwe tümwünü imwan me pisekin meinisin.

Mateus 20:8

Nge lupwen a tori lekuniol, ewe mine an ewe tanipin wain a üreni nöün we chon souwan, ‘Kopwe köri ekewe chon angang o ngeniir liwinin ar angang. Kopwe popuetä ren ekewe amüchülan chon angang mi kükümwir le tolong tori chokewe mi akom le tolong.’

Mateus 24:45

“Iwe, iö chök ewe chon angang mi allükülük o tipachem? Ätewe an masta epwe seikätä pwe epwe nemeni nöün kewe chon angang o ngeniir wiser mongö lon fansoun fich.

Rut 1:16

Nge Rut a üra, “Kosap apiitaei pwe üpwe likituk. Kopwe mwüt ngeniei pwe üpwe etuk. Ia en kopwe feila ie, pwal ngang üpwe feila ie, nge ia en kopwe nonom ie, pwal ngang üpwe nonom ie. Aramasom repwe pwal aramasei, nge om Kot epwe pwal ai Kot.

Rut 1:19

Iei usun ekewe ruoman ra mwinemwinela Petleem. Iwe, lupwen ra tori Petleem, chon ewe telinimw meinisin ra mwökütüküt rer. Nge ekewe fin Petleem ra ais, “Ifa usun, wesewesen iei i Naomi?”

Rut 1:22

Iei usun Naomi a liwinto me Moap, nge Rut ewe fin Moap pwülüen nöün we a eti. Iwe, ra tori Petleem, lupwen fansoun resin parli a popuetä.

Rut 2:5

Iwe, Poas a aisini ewe mi nemeni ekewe chon angangen räs, “Nöün iö ena föpwül?”

Rut 2:7

A tüngor ngeniei pwe üpwe mwüt ngeni an epwe rusifengeni ekewe umwun parli mi tur seni ekewe chon angangen räs. Iwe, a feito lesosor o likiitü le rurus tori iei, nge esamwo asösö fän eu.”