Rut 2:4 - Chuukese Bible

⁴ Mürin, Poas a feito seni Petleem, a kapong ngeni ekewe chon angangen räs o apasa, “Ewe Samol mi Lapalap epwe etikemi.” Nge ir ra pälüeni, “Ewe Samol mi Lapalap epwe afeiöchuk.”

Rut 2:4 Iomraidhean Croise

Keneses 18:19

Iwe, üa fen afili pwe epwe aiti ngeni nöün me chon leimwan me mwirimwirin kana usun ar repwe aleasochisiei o föri mine a pwüng me wenechar. Iwe, are repwe föri iei usun, ngang ewe Samol mi Lapalap üpwe atoto won Apraham mine üa fen pwon ngeni.”

Keneses 28:3

Amwo ewe Kot mi Unusen Manaman epwe afeiöchuk, epwe pwal aupwuk o achomongokola pwe kopwe wiliti eu mwichen aramas mi chomong.

1. Kronika 2:51

Salma semelapen chon Petleem, me Haref semelapen chon Pet-kater.

Kölfel 118:26

A feiöch ätewe mi feito fän iten ewe Samol mi Lapalap. Äm aia afeiöchükemi seni lon imwen ewe Samol mi Lapalap.

Kölfel 134:3

Ewe Samol mi Lapalap, ewe mi föri läng me fanüfan epwe afeiöchükemi seni Sion.

Jeremaia 31:23

Iei alon ewe Samol mi Unusen Manaman ewe Koten Israel, “Lupwen üpwe aliwinisefäli ekewe aramas ngeni fanüer, repwe apasasefäli ekei kapas me lon ewe fanü Juta me telinimwan kewe, ‘Ewe Samol mi Lapalap epwe afeiöchuk, en leni ia pwüng a nom ie, en chuk mi pin.’

Numperis 6:24

‘Ewe Samol mi Lapalap epwe afeiöchükemi o tümwünükemi,

Lukas 1:28

Ewe chon läng a feito ren Maria o üreni, “Kinamwe epwe toruk! Ewe Samol a nom reöm, a pwal fokun afeiöchuk.”

2. Tesalonika 3:16

Ach Samol, i popun ach kinamwe, epwe püsin ngenikemi kinamwe fansoun meinisin pwal ekis meinisin. Ach Samol epwe nonom remi meinisin.

1. Timoty 6:2

Nge ekewe amanau mi nom fän nemenien ekewe masta mi souläng resap turunufasei ar kewe masta pokiten ir pwiir souläng. Nge repwe alapala ar achocho le angang ngeniir, pun chokewe mi feiöch seni ar angang, ir chon lükü Kraist ra chen me rer. Ikei ekewe kapas kopwe aiti ngeni ekewe souläng o pese ngeniir pwe repwe aleasochis ngeni.

2. Timoty 4:22

Ach Samol epwe eti ngünum. Än Kot ümöümöch epwe nonom remi meinisin.

Josua 24:15

Nge ika ousap mochen angang ngeni ewe Samol mi Lapalap, ikenai oupwe filätä iö oupwe angang ngeni. Oupwe filätä ika oupwe angang ngeni ekewe kot ämi kewe lewo ra angang ngeniir me lon ewe fanü pekilan ewe chanpupu Oifrat, ika än chon Amor kewe kot mine fanüer we oua nom lon. Nge ngang me chon leimwei, äm aipwe angang ngeni ewe Samol mi Lapalap.”

Soukapwüng 6:12

Iwe, nöün ewe Samol mi Lapalap we chon läng a pwä ngeni Kition o üreni, “Ewe Samol mi Lapalap a etuk, en sounfiu mi pwora.”

Soukapwüng 6:16

Iwe, ewe Samol mi Lapalap a üreni, “Ngang üpwe etuk, nge en kopwe akufu chon Mitian usun chök om kopwe akufu eman chök aramas.”

Rut 2:3

Iei mine Rut a feila lon ekewe tanipi o rusi umwun parli mi tur seni ekewe chon angangen räs. Iwe, a fis pwe a tori tanipin Poas, ätewe seni ewe ainangen Elimelek.

Rut 2:5

Iwe, Poas a aisini ewe mi nemeni ekewe chon angangen räs, “Nöün iö ena föpwül?”

Rut 4:11

Mürin ekewe aramas meinisin me ekewe ätemirit mi nom arun asamalapen ewe telinimw ra apasa, “Fokun äm chon pwärätä. Amwo ewe Samol mi Lapalap epwe föri pwe pwülüom we epwe usun chök Rahel me Lea ra aupwätiu ekewe ainangen Israel. Amwo kopwe feiöch me lon ewe eterekesin Efrat, kopwe pwal iteüöch lon Petleem.

1. Samuel 17:37

Ewe Samol mi Lapalap mi amanauaei seni ewe laion me ewe pear epwe pwal amanauaei seni ei re Filistia.” Saul a üreni Tafit, “Kole feila, ewe Samol mi Lapalap epwe etuk.”