Rut 2:13 - Chuukese Bible

¹³ Mürin Rut a üreni, “Ka fokun ümöümöch ngeniei, ai samol, pun ka echipaei o kapas pwetete ngeni noum chon angang fefin, inamwo ika sap ngang eman lein noum kei chon angang fefin.”

Rut 2:13 Iomraidhean Croise

Keneses 32:6

Iwe, ekewe chon künö ra liwinto ren Jakop o apworausa ngeni, “Aia churi Esau pwiüm we. Iwe, i epwe feito pwe epwe churuk, nge föpükü mwän ra eti.”

Keneses 33:10

Nge Jakop a üreni, “Apwi, are üa küna ümöümöch me reöm, kose mochen kopwe etiwa ai we lifang ngonuk. Ellet, lupwen üa küna mesom usun chök nge üa küna mesen Kot, pun ka etiwaei lon om ümöümöch.

Keneses 33:15

Iwe, Esau a apasa, “Kose mochen üpwe likiti ngonuk ekoch kei mwän mi nom rei.” Nge Jakop a üreni, “Ina chök i. Amwo üpwe chök küna ümöümöch me reöm, ai samol.”

Keneses 33:8

Iwe, Esau a aisini, “Met ka mochen ren ekewe mwich meinisin üa churiir?” Nge Jakop a pälüeni, “Üa mochen küna ümöümöch me reöm, ai samol.”

Keneses 34:3

Iwe, leluken Sikem a pach ngeni Tina nöün Jakop we föpwül, pwe a fokun tongei o fos pwetete ngeni.

Keneses 43:14

Amwo ewe Kot mi Unusen Manaman epwe föri pwe ewe mwän epwe ümöümöch ngenikemi, pwe epwe aliwini ngenikemi pwimi Simeon me Peniamin. Nge are ese chüen wor nei, iwe, sipwe fetei.”

2. Samuel 16:4

Mürin, ewe king a üreni Sipa, “Meinisin mine än Mefiposet iei en kopwe eäni.” Nge Sipa a üra, “Üa asamoluk. Ai samol me ai king, amwo üpwe küna ümöümöch me reöm iteiten fansoun meinisin.”

Än Salomon Fos 15:33

Ach niuokusiti ewe Samol mi Lapalap iei alen ach kaiö tipachem, nge ach sipwe atipetekisonakich, a iei akomwen ach angei iteüöch.

Osea 2:16

Lon ena rän epwe aita ngeniei pwe ngang pwülüan, nge esap chüen aita ngeniei pwe ngang an anü Paal. Ngang ewe Samol mi Lapalap üa kapas.

Filipi 2:3

Ousap föri föförün apangau are föri och ekiekin sikesik, nge oupwe tipetekisonfengen lefilemi, ousap ekieki pwe oua mürina seni ekewe ekoch.

Soukapwüng 19:3

Mürin, pwülüan we a ütä o feila mürin, pwe epwe fos pwetete ngeni o aliwinisefäli. Nge eman nöün chon angang me ruoman aas ra eti. Iwe, neminewe a emwenalong lon imwen saman, nge lupwen semen ewe föpwül a küna, a etiwa fän pwapwa.

Rut 2:12

Ewe Samol mi Lapalap epwe liwini ngonuk meinisin mine ka föri, nge liwinum epwe unus me ren ewe Samol mi Lapalap ewe Koten Israel, ewe ka feito ren pwe kopwe op fän pöün.”

Rut 2:14

Iwe, lupwen fansoun mongö Poas a üreni Rut, “Etto ikei, kopwe mongö ekis pilawa o ottuku lon ei wain.” Iwe, a momotfengen me ekewe chon angangen räs, nge Poas a ngeni och föün wiich mi kapwich. Iwe, a mongö tori a mötüla, nge a chüen wor lusun.

1. Samuel 1:18

Iwe, Hana a üra, “Amwo ngang noum chon angang fefin üpwe küna ümöümöch me reöm.” Mürin a feila o mongö, nge won mesan esap chüen wololilen.

1. Samuel 25:41

Iwe, Apikael a chapetiu lepwül o apasa, “Ngang nöün chon angang fefin üa molotä pwe üpwe angang ngeni o talü pechen nöün ai samol kewe chon angang.”