Rut 2:12 - Chuukese Bible

¹² Ewe Samol mi Lapalap epwe liwini ngonuk meinisin mine ka föri, nge liwinum epwe unus me ren ewe Samol mi Lapalap ewe Koten Israel, ewe ka feito ren pwe kopwe op fän pöün.”

Rut 2:12 Iomraidhean Croise

Kölfel 17:8

Kopwe tümwünüei usun chök fituken lon mesom, kopwe aopaei fän nürün poum,

Kölfel 19:11

Ren ekei allük ngang noum chon angang üa angei ai fön seniir. Eman mi apwönüetä epwe angei liwinin mi lapalap.

Kölfel 36:7

Ai Kot, om tong ellet a fokun aüchea. Aramas meinisin ra op fän nürün poum.

Kölfel 57:1

Kopwe ümöümöch ngeniei, ai Kot, kopwe ümöümöch ngeniei, pun üa eänuk lenien op. Üa op fän nürün poum, tori ewe mölümölün feiengau a feil seniei.

Kölfel 58:11

Iwe, aramas repwe apasa, “Ellet, ekewe chon pwüng ra angei liwinir. Ellet, mi wor eman Kot mi eäni kapwüng won fanüfan.”

Kölfel 61:4

Kopwe mwüt ngeniei pwe üpwe nom lon imwom mi pin lon unusen manauei, pwe üpwe kinamwe le op fän poum.

Kölfel 63:7

Pun en ai soualilis, üa köl fän pwapwa me fän nürün poum.

Kölfel 91:4

epwe pwölü ngonuk pöün kewe pwe kopwe op fan. An allükülük epwe tümwünuk o epeti senuk feiengau.

Än Salomon Fos 11:18

Eman aramasangau a angei winnen an angang nge esor iammürin, nge eman mi föri föför mi pwüng epwe angei liwinin mi nonomola.

Än Salomon Fos 23:18

Pun ellet epwe wor om apilükülük lon fansoun mwom, nge kosap lichipüng lon om apilükülüköch.

Jeremaia 31:16

Kopwe ükütiu le kechü o tölüpwasei mesom, pun om angang fän iten noum kewe epwe wor lomotan, repwe liwinto seni fanüen chon oputer.

Mateus 23:37

“Jerusalem, Jerusalem! Ka niela ekewe soufos o mone fau ngeni ekewe chon künö Kot a tinato reöm! A fän fite ai mochen achufengeni noumw kewe aramas usun eman inelapen chuko a amwichafengeni nöün kana fän pöükässin, nge ämi ousap mochen.

Mateus 5:12

Oupwe pwapwa o mwanek, pun liwinimi epwe watte lon läng. Iei usun ra pwal ariaföüü ekewe soufos mi akom mwemi.

Mateus 6:1

“Oupwe tümwünüfichi, pwe ousap föri ämi föförün pwüng mwen mesen aramas pwe repwe küna mine oua föri. Pun are oupwe föri iei usun, ousap angei och liwin seni Sememi mi nom läng.

Lukas 6:35

Nge ämi oupwe echeni chon oputakemi o föföröch ngeniir. Oupwe mwütätä pisekimi ngeniir, nge ousap ekiekin angesefäli. Mürin oupwe angei liwinimi mi watte o wiliti Nöün Kot ewe mi Unusen Tekia. Pun Kot a kirikiröch ngeni chokewe resap sile kilisou, pwal ngeni ekewe aramasangau.

Kolose 2:18

Ousap mwüt ngeni eman epwe angei senikemi winnemi, ewe mi apasa pwe a tekia pokiten künaan mi mürina, a pwapwaiti an epwe atekisonamwälietiu o fel ngeni chon läng. Ei sokun aramas a sikesik ren ekiekin fituk, nge esap wor popun an epwe föri iei usun,

2. Timoty 1:18

Ach Samol epwe ümöümöch ngeni lon ewe Ränin kapwüng! Ka fokun silei usun ükükün an alisiei me lon Efisos.

2. Timoty 4:8

Seni iei a iseis ngeniei ewe mwärin pwüng, ewe win ach Samol ewe Soukapwüng mi pwüng epwe ngeniei lon ewe Rän. Nge esap ngeniei chök, nge pwal ngeni chokewe meinisin mi fokun witiwiti an wareto.

Ipru 11:26

A ekieki pwe an küna itengau fän iten ewe Mesaia a aüchea seni wöün Isip, pun a nenengeni ewe liwin epwe angei me mürin.

Ipru 11:6

Esap wor eman a tongeni apwapwai Kot are esap wor an lükü. Pun iö a feito ren Kot epwe fokun lükü pwe mi wor Kot, nge epwe ngeni chokewe mi kütta i liwiniir.

Ipru 6:10

Kot esap eäni föför esepwüng, esap manlükala ewe angang oua föri me ewe chen oua pwäri ngeni i lupwen oua alisi chiechiemi kewe souläng, nge oua pwal sopwela le alisiir.

Rut 1:16

Nge Rut a üra, “Kosap apiitaei pwe üpwe likituk. Kopwe mwüt ngeniei pwe üpwe etuk. Ia en kopwe feila ie, pwal ngang üpwe feila ie, nge ia en kopwe nonom ie, pwal ngang üpwe nonom ie. Aramasom repwe pwal aramasei, nge om Kot epwe pwal ai Kot.

Rut 2:11

Nge Poas a pälüeni, “Üa fen rong meinisin mine ka föri ngeni inen pwülüom seni fansoun mälan pwülüom we. Üa pwal silei usun om likitala semom me inom me poputän fanüom o feito ren eu mwichen aramas kosap sileer me mwan.

Rut 2:13

Mürin Rut a üreni, “Ka fokun ümöümöch ngeniei, ai samol, pun ka echipaei o kapas pwetete ngeni noum chon angang fefin, inamwo ika sap ngang eman lein noum kei chon angang fefin.”

Rut 4:15

I epwe echipok o fokun tümwünuk lon om chinlap, pun a upu seni pwülüen noum we mi tongeek o öchü ngonuk lap seni füman noum mwän.”

1. Samuel 24:19

Ifa usun, ika eman mwän epwe seretä won chon oputan, epwe tongeni amanaua? Amwo ewe Samol mi Lapalap epwe liwini ngonuk mine a mürina ren mine ka föri ngeniei ikenai.

1. Samuel 24:20

Iei üa silei pwe en kopwe wesewesen king, nge ewe mwün Israel epwe fisitä reöm.