Rut 1:15 - Chuukese Bible

¹⁵ Iwe, Naomi a üreni Rut, “Nengeni, pwülüen pwin pwülüom we a fen liwinla ren aramasan me an kewe kot. Kopwe chök pwal tapwela mürin.”

Rut 1:15 Iomraidhean Croise

2. King 2:2

Iwe, Elias a üreni Elisa, “Üa tüngor ngonuk pwe kopwe le nonom ikei, pun ewe Samol mi Lapalap a tinieila Petel.” Nge Elisa a üra, “Mwo manauen ewe Samol mi Lapalap, pwal mwo manauom, üsap likituk.” Iei mine ra mwinela Petel.

Kölfel 125:5

Nge chokewe mi rikila ngeni ekewe al mi pwor kopwe asechirela fiti ekewe chon föföringau. Kinamwe epwe nom lon Israel.

Kölfel 36:3

An kewe kapas ra mwäl me chofana. Esap chüen föri föför mi mirit me mürina.

Sefanaia 1:6

Üpwe ärala chokewe mi kul seni ar tapwela müri, chokewe resap küttaei ika resap angei öüröürer me rei.”

Numperis 10:30

Nge Hopap a üreni, “Üsap etikemi. Üpwe liwinsefäliti poputän fanüei me aramasei.”

Lukas 24:28

Nge lupwen ra arap ngeni ewe sopw ra mochen feila lon, Jesus a tipin föri usun itä nge epwe sopwela an sai.

Ipru 10:38

Ekewe chon pwüng repwe manau ren ar lükü Kot. Nge are eman leir epwe liwinsefäl, ngang üsap pwapwaiti.”

Josua 24:15

Nge ika ousap mochen angang ngeni ewe Samol mi Lapalap, ikenai oupwe filätä iö oupwe angang ngeni. Oupwe filätä ika oupwe angang ngeni ekewe kot ämi kewe lewo ra angang ngeniir me lon ewe fanü pekilan ewe chanpupu Oifrat, ika än chon Amor kewe kot mine fanüer we oua nom lon. Nge ngang me chon leimwei, äm aipwe angang ngeni ewe Samol mi Lapalap.”

Josua 24:19

Nge Josua a üreni ekewe aramas, “Ämi ousap tongeni angang ngeni ewe Samol mi Lapalap, pun i eman Kot mi pin, i pwal eman Kot mi lukomong. Esap mochen amusala ämi pupungau me tipis.

1. Johannes 2:19

Ekei aramas resap wesewesen chon ach mwich, ina popun ra likitikich. Pun are repwe chon ach mwich, repwe chök nonom rech. Nge ar likitikich a afatatä pwe ir resap wesewesen chon ach mwich.

Soukapwüng 11:24

Ämi oupwe fanüeni ewe fanü Kemos ämi we kot a ngenikemi. Nge äm aipwe fanüeni ekewe fanü meinisin ewe Samol mi Lapalap a ngenikem.

Rut 1:14

Mürin ra kechüsefäl fän leüömong. Iwe, Orpa a mitiri inen pwülüan o liwiniti fanüan we, nge Rut a chök romi.

Rut 1:16

Nge Rut a üra, “Kosap apiitaei pwe üpwe likituk. Kopwe mwüt ngeniei pwe üpwe etuk. Ia en kopwe feila ie, pwal ngang üpwe feila ie, nge ia en kopwe nonom ie, pwal ngang üpwe nonom ie. Aramasom repwe pwal aramasei, nge om Kot epwe pwal ai Kot.