Nöün Paulus Toropwe ngeni ekewe Souläng lon Rom 9:4 - Chuukese Bible

⁴ Ir nöün Kot kewe aramas a filiiretä. I a atolongeer lon tettelin nöün o a pwäri ngeniir an ling. I a föri an we pwon ngeniir o ngeniir ekewe Allük. Ra fel ngeni Kot fän pwüng o angei än Kot kewe pwon.

Nöün Paulus Toropwe ngeni ekewe Souläng lon Rom 9:4 Iomraidhean Croise

Keneses 15:18

Iwe, lon ewe rän ewe Samol mi Lapalap a föri eu pwon ngeni Apram o apasa, “Üpwe ngeni mwirimwirum kana ei fanü, seni ewe chanpupun Isip tori ewe chanpupu mi watte itan Oifrat,

Keneses 17:10

Iei ai we pwon ngonuk me mwirimwirum kana oupwe apwönüetä: Nöümi ät meinisin repwe sirkomsais.

Keneses 17:2

Iwe, üpwe anüküchara ai pwon lefilei me en, üpwe pwal fokun achomonga mwirimwirum.”

Keneses 17:7

Iwe, üpwe apwönüetä ai we pwon lefilei me ämi me mwirimwirum kana lon tettelir meinisin. Ai we pwon epwe nonom tori feilfeilachök pwe ngang üpwe om Kot, üpwe pwal än mwirimwirum kana Kot.

Keneses 32:28

Nge ewe mwän a üreni, “Kosap chüen iteni Jakop, pwe kopwe iteni Israel . Pun ka fiu ngeni Kot me aramas, nge en ka win.”

1. King 8:11

ina mine ekewe souasor resap chüen tongeni föri ar angang lon pokiten ewe kuchu. Pun än ewe Samol mi Lapalap ling a aurala ewe imwenfel.

Nehemia 13:29

Ai Kot, kopwe chechemeni ekei aramas, pun ra alimengaua ewe wisen souasor, ra pwal atai ewe pwon en ka föri ngeni ekewe souasor me ekewe mwän seni ewe ainangen Lefi.

Kölfel 147:19

A aronga ngeni nöün aramas an kapas, a ngeni chon Israel an kewe allük me pwüüng.

Kölfel 63:2

Üa mochen künok lon imwom mi pin pwe üpwe nengeni om manaman me om ling.

Kölfel 73:1

Ellet, Kot a kirikiröch ngeni chon Israel, ngeni chokewe mi limöch leluker.

Kölfel 78:61

A föri pwe ewe pworofel, asisilen an manaman me ling, epwe oolong lepöün chon oputeer.

Kölfel 89:3

En ka apasa, “Üa eäni eu pwon ngeni ätewe üa filätä, üa pwon fän akapel ngeni Tafit nei we chon angang:

Kölfel 89:34

Üsap atai ai pwon ngeni ika siwili eu ai kewe kapas üa apasa ngeni.

Kölfel 90:16

Kopwe pwäri ngeni noum kewe chon angang om kewe föför, pwal om manaman mi ling ngeni nöür kewe.

Ekistos 12:25

Iwe, lupwen oupwe tori ewe fanü ewe Samol mi Lapalap a pwon pwe epwe ngenikemi, oupwe tümwünü pwüngün angangen ei rän.

Ekistos 34:27

Mürin, ewe Samol mi Lapalap a üreni Moses, “Kopwe makei ekei kapas, pun ai pwon ngonuk me ekewe chon Israel a nom lon ekei kapas.”

Ekistos 4:22

Mürin, en kopwe kapas ngeni Farao, ‘Iei alon ewe Samol mi Lapalap: Israel nei mwänichi.

Ekistos 40:34

Mürin, ewe kuchu a pwölüela ewe imwenfel seni mangaku, nge lingen ewe Samol mi Lapalap a aürala lon.

Aisea 41:8

Nge en Israel nei chon angang, en mwirimwirin Apraham, chiechiei we üa filuketä,

Aisea 46:3

Iwe, ewe Samol mi Lapalap a apasa, “Oupwe rongorong, ämi mwirimwirin Jakop, ämi chon Israel meinisin mi chüen manau. Üa amwöchükemi o tümwünükemi seni ämi uputiu.

Aisea 5:2

Iwe, a tuw ewe pwül o ionawu ekewe fau me lon, a pwal fotuki irän wain mi fokun mürina won. Nge lukalapan a aüetä eu imwen mamas o föri eu lenien puri föün wain lon. Iwe, a witiwiti an epwe afisätä ua mi öch, nge ewe tanipi a chök afisätä ua mi ngau.

Aisea 60:19

Iwe, kosap chüen eäni saramen akkar lerän ika tinen maram lepwin pwe repwe asaramok, pun ngang ewe Samol mi Lapalap üpwe om saram tori feilfeilachök. Ngang om Kot üpwe om ling.

Jeremaia 31:20

Ifa usun, Israel esap nei mwän mi achengicheng? Ifa usun, sap i nei üa pwapwa ren? Inamwo ika üa kulu söküri ngeni, nge üa chüen chechemeni. Iei mine lelukei a positi i, üpwe fokun eäni ümöümöch ngeni. Ngang ewe Samol mi Lapalap üa kapas.

Jeremaia 31:33

Nge iei ewe pwon mi fö üpwe föri ngeni chon Israel lon ekana rän: Üpwe atolonga ai kewe allük lor o makeretiu lon leluker. Iwe, üpwe ar Kot, nge ir repwe nei aramas kana.

Jeremaia 31:9

Repwe feito fän kechü, repwe iotek lupwen üpwe aliwinireto. Üpwe emwenirela ünükün chanpupu, repwe fetal won efoch al mi wenechar, ia resap chepetek me ie. Pun üa eman sam ngeni Israel, nge Efraim nei mwänichi.”

Isikiel 1:28

Iwe, usun lapalapen ewe resim a pwä lon kuchu lupwen püngün üt, iei usun lapalapen ewe saram ünükün ewe mi mot. Iei usun lapalapen lingen ewe Samol mi Lapalap. Iwe, lupwen üa küna ei, üa chapetiu lepwül o rongorong mwelien eman mi kapas.

Osea 11:1

Ewe Samol mi Lapalap a apasa, “Lupwen Israel a eman semirit, ngang üa tongei. I nei mwän üa körawu seni Isip.

Numperis 7:89

Iwe, lupwen Moses a tolong lon ewe imw mangaku ia aramas ra churi Kot ie, pwe epwe kapas ngeni ewe Samol mi Lapalap, a rongorong eu möngüngü a fosowu seni lefilen ekewe ruoman kerop mi nom won öppüngün ewe pworofel. Iwe, Kot a kapas ngeni Moses.

Mateus 21:33

Iwe, Jesus a üra, “Oupwe rongorong ngeni pwal eu pworausen awewe: A wor eman soufanü mi fotuki eu tanipin wain, a föri eu tit ünükün, a tuw eu pwang fän iten ewe lenien üchüch föün wain o aüetä eu imwen mamas mi tekia lon. Mürin a awisa ekoch chon mälämäl pwe repwe tümwünü an tanipin wain. Iwe, a saila lon eu fanü toau.

Johannes 1:17

Kot a ngenikich ekewe allük ren Moses, nge ümöümöch me let a torikich ren Jesus Kraist.

Johannes 1:47

Lupwen Jesus a küna pwe Nataniel a feito ren, iwe, a apasa usun, “Iei i eman wesewesen re Israel, esap wor och mine a mwäl won.”

Föför 2:39

Pun iei met Kot a fen pwon ngenikemi me nöümi kana pwal ngeni chokewe meinisin mi toau, ir meinisin ewe Samol ach we Kot a püsin körireto ren.”

Nöün Paulus Toropwe ngeni ekewe Souläng lon Rom 3:2

Ewer, a chomong ar feiöch lon chomong sokun pekin! Aeuin, Kot a lükü ngeniir an Kapas.

Nöün Paulus Toropwe ngeni ekewe Souläng lon Rom 8:15

Pun ewe Ngün Kot a ngenikemi esap nöünikemi chon angang pwe oupwe niuokus, nge ewe Ngün a atolongakemi lon tettelin nöün Kot. Iwe, ren atufichien ewe Ngün sia kökkö ngeni Kot, “Sam! Semei!”

Nöün Paulus Toropwe ngeni ekewe Souläng lon Rom 9:6

Ngang üsap apasa pwe än Kot we pwon esap pwönüetä. Pun sap chon Israel meinisin ra nöün Kot aramas.

2. Korint 11:22

Ra apasa pwe ir re Ipru, pwal ngang. Ra apasa pwe ir chon Israel, pwal ngang. Ra apasa pwe ir mwirimwirin Apraham, pwal ngang.

Kalatia 3:16

Iwe, Kot a föri an pwon ngeni Apraham me mwirimwirin we. Lon ekewe Toropwe mi Pin esap mak “mwirimwirin kana”, wewen chomong aramas, nge a mak “mwirimwirin we”, wewen eman chök aramas, iei i Kraist.

Efisos 2:12

Lon ena fansoun oua imwü seni Kraist. Oua chon ekis, nge ousap pachelong lein ekewe aramas mi fil me ren Kot. Esap wor wisemi lon ekewe pwon mi longolong won än Kot pwon ngeni nöün kewe aramas, pwe oua nonom lon ei fanüfan, nge esap wor ämi apilüköch, esap pwal wor ämi Kot.

Tuteronomi 14:1

“Iwe, ämi nöün ewe Samol mi Lapalap ämi we Kot. Iei mine ousap nekelekelei inisimi ika reipöpöla möküremi, lupwen oua letipeta ren eman mi mäla.

Tuteronomi 29:1

Ikkei kapasen ewe pwon ewe Samol mi Lapalap a allük ngeni Moses fän iten ekewe aramasen Israel me lon ewe fanü Moap, lükün ewe pwon a fen föri ngeniir me fäsonun ewe chuk Horep.

Tuteronomi 29:14

Iwe, ewe Samol mi Lapalap a föri ei pwon fän akapel, sap ngenikemi chök,

Tuteronomi 31:16

Iwe, ewe Samol mi Lapalap a üreni Moses, “A arapakan om kopwe le mäla o nom ren om kewe lewo. Mürin, ekei aramas repwe föri usun chök angangen lisowu ren ar fel ngeni pwal ekoch koten ewe fanü ia repwe feila ie. Iwe, repwe likitieila o ataela ai we pwon üa föri ngeniir.

Tuteronomi 4:13

Iwe, Kot a asile ngenikemi an pwon, ekewe engol allük, a allük ngenikemi pwe oupwe aleasochisiir. A pwal makeer won rüepek fau mi chöpöp.

Tuteronomi 7:6

Pun ämi eu mwichen aramas mi pin fän iten ewe Samol mi Lapalap ämi we Kot. A afilikemi seni lein ekewe aramas meinisin mi nom won fanüfan, pwe epwe nöünikemi.

Ipru 9:1

Iwe, ewe aeuin pwon a wor allükün fän iten än aramas repwe fel ngeni Kot, pwal eu leni mi pin aramas ra föri fän iten ar repwe fel lon.

Ipru 9:10

Pun ekei sokun asor ra chök masoueni mongö, minen ün me sokopaten angangen limelim. Ekei mettoch allük fän iten chök inisich, ra chök pöchökül tori ewe fansoun lupwen Kot epwe akotasefäli me asöföü mettoch meinisin.

Ipru 9:3

Pekilongen ewe aruachön cheech mangaku a wor eu leni mi iteni Unusen Pin.

Ipru 9:5

Won öppüngün ewe Pworun Pwon ra nom uluulun ruoman kerop, asisilen pwe Kot a nom ikiwe ie, pöükässiir ra itiwu o meresila won ewe leni ia aramas ra küna amusamusen ar tipis ie. Nge iei esap wor fansoun ach sipwe awewei tichikin ekei mettoch meinisin.

Ipru 9:6

Iei usun kokotöchün ekei mettoch meinisin. Ekewe souasor ra tolong lon ewe Leni mi Pin iteiten rän ar repwe föri ar angang.