Nöün Paulus Toropwe ngeni ekewe Souläng lon Rom 8:9 - Chuukese Bible

⁹ Nge ämi ousap nonom fän nemenien fituk, pwe oua nonom fän nemenien Ngünmifel are Ngünün Kot a nom lomi. Nge iö esap eäni Ngünün Kraist, esap i nöün Kraist.

Nöün Paulus Toropwe ngeni ekewe Souläng lon Rom 8:9 Iomraidhean Croise

Isikiel 11:19

Üpwe ngeniir eu leluk mi fö, üpwe pwal fangelong lor eman ngün mi fö. Üpwe angei me leutur ewe leluk mi pöchökül usun fau o ngeniir eu leluk mi pwetete.

Lukas 11:13

Iwe, are mwo ämi aramas mi ngau oua silei ämi oupwe fang ngeni nöümi lifang mi mürina, epwe fen ifa me watten än Sememi lon läng fangela Ngünmifel ngeni chokewe mi tüngorei!”

Johannes 14:17

I ewe Ngünmifel, a pwärätä mine a let usun Kot. Chon fanüfan resap tongeni angei, pun resap tongeni küna are silei i. Nge ämi oua silei i, pokiten a nonom remi, epwe pwal nonom lomi.

Johannes 14:23

Jesus a pölüeni, “Are eman a echeniei, epwe aleasochisi ai kewe kapas. Iwe, Semei epwe echeni, o Semei me ngang aipwe feito ren o imweimw lon.

Johannes 3:34

Iwe, ewe eman Kot a tinato a apasatä än Kot kewe kapas, pun Kot a aunusa ngeni Ngünün.

Johannes 3:6

Eman aramas a upu seni saman me inan, nge manauen ngün a up ren Ngünün Kot.

Föför 16:7

Lupwen ar tori kiänin Misia, ra sotuni ar repwe tolong lon ewe fanü Pitinia, nge ewe Ngünün Jesus esap mwüt ngeniir.

Nöün Paulus Toropwe ngeni ekewe Souläng lon Rom 7:5

Pun lupwen sia manau lon fitukach, ewe Allük a aselipato ekewe mochenian tipis lon inisich. Iwe, sia chon angang ngeni mäla.

Nöün Paulus Toropwe ngeni ekewe Souläng lon Rom 8:1

Iwe, iei esap wor liwinin tipisin chokewe mi nonom lon Kraist Jesus.

Nöün Paulus Toropwe ngeni ekewe Souläng lon Rom 8:11

Are ewe Ngünün Kot mi amanauasefäli Jesus seni mäla a nom lomi, mürin ewe mi amanauasefäli Kraist seni mäla, epwe uwalong manau lon inisimi inisin mäla ren Ngünün we mi nom lomi.

Nöün Paulus Toropwe ngeni ekewe Souläng lon Rom 8:2

Pun ewe allükün Ngün mi ngenikich manau lon Kraist Jesus a angasaei seni ewe allük mi afisätä tipis me mäla.

1. Korint 15:23

Nge meinisin repwe manausefäl lon en me tettelin: Kraist a akom, mürin chokewe ir nöün Kraist repwe manausefäl lon fansoun an liwinsefäl.

1. Korint 3:16

Ifa usun, ousap silei pwe ämi än Kot imwenfel, nge Ngünün Kot a nom lomi.

1. Korint 6:17

Nge iö a chufengen me ach Samol a eufengen me i lon ngün.

1. Korint 6:19

Ousap silei pwe inisimi eu imwenfelin Ngünmifel a nom lomi, ewe Ngün Kot a ngenikemi? Ousap püsin nemenikemi, pwe ämi nöün Kot,

2. Korint 10:7

Ämi oua chök nenengeni met a pwä me lükün. Are mi wor eman a ekieki pwe i nöün Kraist, i epwe ekiekisefäli usun püsin i, pun pwal äm nöün Kraist usun chök i.

2. Korint 6:16

Ifa usun, än Kot imwenfel me uluulun anümwäl ra tongeni nonomfengen? Pun kich än ewe Kot mi manau imwenfel. Usun Kot a apasa, “Üpwe nonom rer o fetalfeil lefiler. Ngang üpwe ar Kot, nge ir repwe nei aramas.”

Kalatia 4:6

Iwe, pokiten ämi oua nöün Kot, Kot a tinato Ngünün Nöün we lon lelukemi, ewe Ngün mi apasa, “Sam, Semei!”

Kalatia 5:24

Iwe, chokewe ir nöün Kraist Jesus ra iräpengesi mochenian fituker me sokun ar mocheniangau me mochenian leluker.

Efisos 1:13

Pwal ämi oua wiliti nöün Kot aramas lupwen oua rongorong ewe kapasen Kot mi let, iei ewe Pworausen Manau oua küna manau ren. Ämi oua lükü Kraist, nge Kot a pwaunikemi pwe oupwe nöün ren an ngenikemi ewe Ngünmifel, usun i a fen pwonei.

Efisos 2:22

Lon Kraist pwal ämi oua köüpökütä fiti ekewe chon lükü, pwe oupwe eu leni ia Kot epwe nonom ie ren Ngünün.

Efisos 3:17

Üa iotek pwe Kraist epwe nonom lon lelukemi ren ämi lükü i. Üa pwal iotek pwe oupwe warar o longolong won chen,

Filipi 1:19

pun üa silei pwe pokiten ämi iotek, pwal ren än Ngünün Jesus Kraist alisiei üpwe ngasala.

2. Timoty 1:14

Ren manamanen ewe Ngünmifel mi nom loch kopwe tümwünüöchü ewe Pworausen Manau Kot a lükü ngonuk.

1. Petrus 1:11

Ra küttafichi inet fansoun me lapalapen an epwe feito. Iei ewe fansoun ewe Ngünün Kraist mi nom lor a itini lupwen ra kapas usun ekewe riaföü Kraist epwe tolong lon, pwal usun ewe ling epwe tori me mürin.

1. Johannes 3:24

Eman mi aleasochisi än Kot kewe allük a nom lon Kot, nge Kot a nom lon. Iwe, pokiten ewe Ngünmifel Kot a fang ngenikich sia silei pwe Kot a nom loch.

1. Johannes 4:13

Sia silei pwe sia nonom lon Kot o i a nonom loch, pun a fang ngenikich Ngünün we.

1. Johannes 4:4

Nge ämi nei kana, oua nöün Kot, oua akufu ekewe soufos chofona, pun ewe Ngün mi nom lomi a manaman seni ewe ngün mi nom lon chokewe ra pop seni fanüfan.

Pwärätä 13:8

Iwe, aramas meinisin mi nom won fanüfan repwe fel ngeni, chilon chök chokewe iter a mak lon ewe puken iten chon manau me mwen än Kot esamwo föri fanüfan, iei ewe puk än ewe Lam mi ninnila.

Pwärätä 20:15

Iö esap mak itan lon ewe puken iten chon manau a koturulong lon ewe nomun ekkei.