Nöün Paulus Toropwe ngeni ekewe Souläng lon Rom 8:2 - Chuukese Bible

² Pun ewe allükün Ngün mi ngenikich manau lon Kraist Jesus a angasaei seni ewe allük mi afisätä tipis me mäla.

Nöün Paulus Toropwe ngeni ekewe Souläng lon Rom 8:2 Iomraidhean Croise

Kölfel 51:12

Kopwe aliwinisefäli ngeniei ewe pwapwa mi nom rei, lupwen ka amanauaei, kopwe atufichiei pwe üpwe aleasochis ngonuk.

Isikiel 1:21

Lupwen ekewe mönümanau ra fetal, ekewe wiil ra pwal fetal. Lupwen ir ra üla, ekewe wiil ra pwal üla. Nge lupwen ir ra feitä seni won fanü, ekewe wiil ra pwal etiir le feitä, pun ngünün ekewe mönümanau ra nonom lon ekewe wiil.

Johannes 4:10

Iwe, Jesus a pölüeni, “Are kopwe chök silei än Kot lifang, pwal ätewe mi tüngor ngonuk ünüman koluk, kopwe fen tüngor ngeni, nge i epwe ngonuk ewe kolukun manau.”

Johannes 4:14

nge iö a ün seni ewe koluk ngang üpwe ngeni, esap chüen kakasefäl. Ewe koluk üpwe ngeni epwe wiliti eu lenien puächen kolukun manau leutun mi atoto manau esemüch.”

Johannes 6:63

Ngünün Kot a afisätä manau, nge pöchökülen aramas esap fokun wor aüchean. Ekewe kapas üa fen ürenikemi ra eäni Ngün me manau.

Johannes 8:32

Oupwe silei ewe let, nge ewe let epwe angasakemi.”

Johannes 8:36

Iwe, are ewe Nau a angasakemi, oupwe wesewesen ngasala.

Nöün Paulus Toropwe ngeni ekewe Souläng lon Rom 16:3

Ai kapong ngeni Prisila me Akwila, chienei kewe chon angang lon ewe angangen Kraist.

Nöün Paulus Toropwe ngeni ekewe Souläng lon Rom 3:27

Iwe, met sia tongeni aingaing won? Esor! Met popun pwe a iei usun? Pokiten sia aleasochisi ekewe Allük? Apwi, nge sia lükü.

Nöün Paulus Toropwe ngeni ekewe Souläng lon Rom 5:21

Iwe, usun tipis a nemenem, pun aramas meinisin ra mäla, iei usun än Kot ümöümöch a nemenem, pun aramas ra küna pwüng me ren o i a emwenikich ngeni manau esemüch ren Jesus Kraist ach Samol.

Nöün Paulus Toropwe ngeni ekewe Souläng lon Rom 6:14

Ousap chüen nonom fän nemenien tipis, pun ousap chüen nonom fän nemenien allük, nge oua nonom fän nemenien ümöümöchün Kot.

Nöün Paulus Toropwe ngeni ekewe Souläng lon Rom 6:18

Oua ngas seni tipis o oua wiliti chon angang ngeni pwüng.

Nöün Paulus Toropwe ngeni ekewe Souläng lon Rom 6:22

Nge iei oua ngas seni fän nemenien tipis o oua chon angang ngeni Kot. Feiöchümi pwe oua angei eu manau mi pin, nge sopolan ewe manau esemüch.

Nöün Paulus Toropwe ngeni ekewe Souläng lon Rom 7:21

Iwe, üa küna pwe ei allük a angang lon manauei: Lupwen üa mochen föri mine a mürina, üa chök filätä ai üpwe föri mine a ngau.

Nöün Paulus Toropwe ngeni ekewe Souläng lon Rom 7:23

Nge üa küna pwal eu allük a angang lon inisi, eu allük mi fiu ngeni ewe allük letipei a tipeeu ngeni, o a fötekiniei fän ewe allükün tipis, ewe a angang lon inisi.

Nöün Paulus Toropwe ngeni ekewe Souläng lon Rom 7:4

Ämi pwii kana, ina chök pwal usun ämi, oua mäla ngeni ewe Allük pokiten ämi oua eu kinikinin inisin Kraist. Iei ämi oua nöün ätewe Kot a amanauasefäli seni mäla, pwe epwe wor uän ach angang ngeni Kot.

Nöün Paulus Toropwe ngeni ekewe Souläng lon Rom 8:1

Iwe, iei esap wor liwinin tipisin chokewe mi nonom lon Kraist Jesus.

1. Korint 15:45

Pun iei usun mine a mak lon ekewe Toropwe mi Pin, “Ewe poputän aramas Atam, i eman aramas mi manau”, nge ewe amüchülan Atam, i eman Ngün mi afisätä manau.

2. Korint 3:17

Iwe, ach Samol, i ewe Ngün, nge ia Ngünün ach Samol a nom ie, ikenan a wor ngasala.

2. Korint 3:6

I ewe mi alipwäköchükem äm aipwe chon angang ngeni ewe pwon mi fö. Ei pwon esap fis ren allük mi mak, nge a fis ren Ngünmifel, pun ewe allük mi mak a afisätä mäla, nge ewe Ngünmifel a ngenikich manau.

Kalatia 2:19

Iei mine ren pwüngün ekewe Allük ngang üa fen mäla, üa mäla ngeni ekewe Allük pwe üpwe manau fän iten Kot. Ngang üa fen iräpenges me Kraist,

Kalatia 5:1

Iwe, sia ngasala, pun Kraist a angasakich. Iei mine oupwe üppos usun aramas mi ngas, ousap chüen atolongasefälikemi lon tettelin amanau.

Kalatia 6:2

Oupwe mwärelong fän wosen chiechiemi wosochou, ika oupwe föri ei, oupwe aleasochisi än Kraist allük.

James 1:25

Nge eman mi likitü le nenelong lon ewe allük mi unusöch, ewe a angasakich, o sopwela le föri ei, nge esap manlükala rongean, pwe a apwönüetä pwüngün, ei aramas epwe feiöch lon met a föri.

Pwärätä 11:11

Nge mürin ülüngat esop rän eu ngasangasen manau seni Kot a tolong lor, iwe, ra ütä o chokewe meinisin mi küneer ra fokun rükö.

Pwärätä 22:1

Mürin ewe chon läng a pwal aküna ngeniei ewe chanpupun kolukun manau, a kurufat usun ewe fau itan kristal, a pupu seni fän än Kot me än ewe Lam lenien motun king