Nöün Paulus Toropwe ngeni ekewe Souläng lon Rom 8:11 - Chuukese Bible

¹¹ Are ewe Ngünün Kot mi amanauasefäli Jesus seni mäla a nom lomi, mürin ewe mi amanauasefäli Kraist seni mäla, epwe uwalong manau lon inisimi inisin mäla ren Ngünün we mi nom lomi.

Nöün Paulus Toropwe ngeni ekewe Souläng lon Rom 8:11 Iomraidhean Croise

Aisea 26:19

Nge ir mi mäla senikem repwe manau, inisir epwe manausefäl. Ämi sotup mi möür fän pwül, oupwe nela, oupwe köl fän pwapwa. Usun amurenipwin a amanaua irän fanüfan, iei usun ewe Samol mi Lapalap epwe amanaua chokewe mi mäla me lomlom.

Isikiel 37:14

Üpwe fangelong lomi Ngüni pwe oupwe manau, üpwe pwal aleniakemi lon poputän fanüemi. Mürin oupwe silei pwe ngang ewe Samol mi Lapalap üa kapas, üpwe pwal apwönüetä,” iei alon ewe Samol mi Lapalap.

Johannes 14:17

I ewe Ngünmifel, a pwärätä mine a let usun Kot. Chon fanüfan resap tongeni angei, pun resap tongeni küna are silei i. Nge ämi oua silei i, pokiten a nonom remi, epwe pwal nonom lomi.

Johannes 5:21

Usun ewe Sam a amanaua ekewe mi mäla o ngeniir manau, ina usun ewe Nau a fang manau ngeni chokewe i a filiiretä.

Föför 2:24

Nge Kot a amanauasefäli seni mäla. A angasala i seni manamanen mäla, pun esap tufich pwe mäla epwe amwöchü i.

Nöün Paulus Toropwe ngeni ekewe Souläng lon Rom 16:10

Ai kapong ngeni Apeles, an allükülük ngeni Kraist a pwäpwäla. Pwal ai kapong ngeni chon leimwen Aristopulus.

Nöün Paulus Toropwe ngeni ekewe Souläng lon Rom 16:3

Ai kapong ngeni Prisila me Akwila, chienei kewe chon angang lon ewe angangen Kraist.

Nöün Paulus Toropwe ngeni ekewe Souläng lon Rom 16:7

Pwal ai kapong ngeni Antronikus me Junias chienei kewe chon Juta mi etiei le nom lon imwen fötek. Ra fokun iteföüla me lein ekewe soukünö o ra pwal akom le souläng mwei.

Nöün Paulus Toropwe ngeni ekewe Souläng lon Rom 16:9

Ai kapong ngeni Urpanus chienach we chon angang lon än Kraist angang, pwal ngeni Stakis chienei we mi achengicheng.

Nöün Paulus Toropwe ngeni ekewe Souläng lon Rom 6:12

Tipis esap fokun chüen nemeni inisimi inisin mäla, pun ousap chüen aleasochisi ekewe mochenian fitukemi.

Nöün Paulus Toropwe ngeni ekewe Souläng lon Rom 8:1

Iwe, iei esap wor liwinin tipisin chokewe mi nonom lon Kraist Jesus.

Nöün Paulus Toropwe ngeni ekewe Souläng lon Rom 8:12

Iwe, ämi pwii kana a wor wisach, nge esap lon ach sipwe nonom fän nemenien fituk.

Nöün Paulus Toropwe ngeni ekewe Souläng lon Rom 8:2

Pun ewe allükün Ngün mi ngenikich manau lon Kraist Jesus a angasaei seni ewe allük mi afisätä tipis me mäla.

Nöün Paulus Toropwe ngeni ekewe Souläng lon Rom 8:9

Nge ämi ousap nonom fän nemenien fituk, pwe oua nonom fän nemenien Ngünmifel are Ngünün Kot a nom lomi. Nge iö esap eäni Ngünün Kraist, esap i nöün Kraist.

1. Korint 15:16

Pun are ekewe mi mäla resap manausefäl, Kraist esap pwal manausefäl.

1. Korint 6:14

Ren än Kot manaman a amanauasefäli ach Samol seni mäla, epwe pwal amanauasefälikich.

2. Korint 4:11

Pun lon unusen manauem aia nonom lon feiengauen mäla fansoun meinisin fän iten Jesus, pwe manauen Jesus epwe pwä lon inisim inisin mäla.

2. Korint 4:14

Äm aia silei, pwe Kot ewe mi amanauasefäli ach Samol Jesus, epwe pwal amanauasefälikem fiti Jesus o uweikeemila me ämi mwen mesan.

2. Korint 5:4

Iwe, lupwen sia nom lon imwach imwen siamü, sia ngüngü fän ach weires. Esap wewen pwe sia mochen towu seni inisich me fanüfan, nge sia mochen pwe inisich me läng epwe pwilipwil woch, pwe mine a mämmä epwe wili ngeni manau.

Kalatia 6:8

Are eman a fofot lon mochenian fitukan, epwe kini mäla. Nge are eman a fofot lon Ngün, epwe kini manau esemüch.

Efisos 2:5

a amanauakich me Kraist lupwen sia mäla lon ach pupungau. Ren än Kot ümöümöch sia küna manau.

Filipi 3:21

i ätewe epwe awili inisich inisin tekison pwe epwe wewe ngeni inisin we mi ling ren an we manaman a tongeni anomu mettoch meinisin fän nemenian.

Ipru 13:20

Iwe, ewe Koten kinamwe mi amanauasefäli ach Samol Jesus seni mäla ren chaan ewe pwon mi nom tori feilfeilachök, i ewe Chon Masen sip mi fokun tekia,

1. Petrus 1:21

Pokiten Kraist oua lükü Kot, ewe mi amanauasefäli i seni mäla o ngeni lingan. Iei mine ämi lükülük me ämi apilükülük a nom won Kot.

1. Petrus 3:18

Pun Kraist a mäla fän iten tipis fän eu chök, nge a naf ngeni fansoun meinisin, ewe chon pwüng fän iten ekewe chon tipis, pwe epwe emwenikich ngeni Kot. A mäla lon inisin, nge a manausefäl lon ngünün.

Pwärätä 1:18

Ngang ewe mi manau! Üa mäla, nge iei üa manau tori feilfeilachök. A wor ai nemenem won mäla me ewe lenien sotup.

Pwärätä 11:11

Nge mürin ülüngat esop rän eu ngasangasen manau seni Kot a tolong lor, iwe, ra ütä o chokewe meinisin mi küneer ra fokun rükö.