Nöün Paulus Toropwe ngeni ekewe Souläng lon Rom 7:5 - Chuukese Bible

⁵ Pun lupwen sia manau lon fitukach, ewe Allük a aselipato ekewe mochenian tipis lon inisich. Iwe, sia chon angang ngeni mäla.

Nöün Paulus Toropwe ngeni ekewe Souläng lon Rom 7:5 Iomraidhean Croise

Mateus 15:19

Pun seni lon lelukan a towu ekiek mi ngau, ekiekin ninni, lisowu, mocheisou, solä, chofona me aitengaua aramas.

Johannes 3:6

Eman aramas a upu seni saman me inan, nge manauen ngün a up ren Ngünün Kot.

Nöün Paulus Toropwe ngeni ekewe Souläng lon Rom 1:26

Pokiten ar föri iei usun, Kot a asechiirelong lon sokun mocheniangau mi fokun asäw. Ekewe mwo fefin, nge ra sorei pwükütän ekewe föför mi öch ngeni inisiir ngeni sokun föför esap öch ngeniir.

Nöün Paulus Toropwe ngeni ekewe Souläng lon Rom 3:20

Pun esap wor eman aramas epwe küna pwüng ren an apwönüetä pwüngün ekewe Allük. Nge mine ekewe Allük ra föri, ra aiti ngeni aramas pwe ra tipis.

Nöün Paulus Toropwe ngeni ekewe Souläng lon Rom 4:15

Pun ekewe allük ra atoto än Kot song, nge ia esap wor allük ie, esap pwal wor aleasolap ngeni allük.

Nöün Paulus Toropwe ngeni ekewe Souläng lon Rom 5:20

Allük ra fisitä pwe ekewe föför mi mwäl repwe lapala. Nge ia tipis a lapala ie, än Kot ümöümöch a fokun lapalapala seni.

Nöün Paulus Toropwe ngeni ekewe Souläng lon Rom 6:13

Ousap pwal fokun fangatä och kifetin inisimi ngeni tipis fänäsengesin föför mi ngau, nge oupwe fangala inisimi ngeni Kot usun chokewe mi towu seni mäla o tolong lon manau. Oupwe fokun fangatä unusen inisimi ngeni Kot fänäsengesin föför mi pwüng.

Nöün Paulus Toropwe ngeni ekewe Souläng lon Rom 6:19

Üa aea kapasen awewe seni nonomun manauen aramas pokiten apwangapwangen fitukemi. Me lom oua fangatä unusen inisimi pwe oupwe chon angang ngeni föför mi limengau me föför mi ngau fänäsengesin mine a ngau. Ina usun oupwe fokun fangatä unusen inisimi pwe oupwe chon angang ngeni pwüng fänäsengesin mine a pin.

Nöün Paulus Toropwe ngeni ekewe Souläng lon Rom 6:21

Met sokun feiöch oua angei seni ekei föför oua föriir me lom? Iei oua säw ren, pun sopolor mäla.

Nöün Paulus Toropwe ngeni ekewe Souläng lon Rom 6:23

Pun liwinin tipis mäla, nge än Kot lifang manau esemüch lon Kraist Jesus ach Samol.

Nöün Paulus Toropwe ngeni ekewe Souläng lon Rom 7:23

Nge üa küna pwal eu allük a angang lon inisi, eu allük mi fiu ngeni ewe allük letipei a tipeeu ngeni, o a fötekiniei fän ewe allükün tipis, ewe a angang lon inisi.

1. Korint 15:56

Mäla a angei an manamanen akafeiengau seni tipis, nge tipis a angei an manaman seni ekewe Allük.

2. Korint 10:3

Mi pwüng pwe aia nom lon ei fanüfan, nge aisap maun lon lapalapen fanüfan.

Kalatia 3:10

Iwe, chokewe meinisin mi anomu ar apilükülük won ar aleasochisi ekewe Allük ra anümamau. Pun a mak lon ekewe Toropwe mi Pin, “Iö esap aleasochisi meinisin mine a mak lon ewe puken Allük epwe anümamau!”

Kalatia 5:24

Iwe, chokewe ir nöün Kraist Jesus ra iräpengesi mochenian fituker me sokun ar mocheniangau me mochenian leluker.

Efisos 2:11

Iwe, ämi chon lükün Israel lon pekin fituk, ekewe chon Juta ra aita ngenikemi “chon resap sirkomsais”, nge ir ra püsin aita ngeniir “chon sirkomsais”, (aramas ra föri ei ngeni püsin inisiir) oupwe chechemeni met sokun lapalap oua eäni me lom.

Efisos 2:3

Enletin, oukich meinisin sia usun chök ir me lom, sia manau lon mochenian fitukach, sia chök apwönüetä mochenin inisich me ekiekin letipach. Pokiten sia usun chök aramas meinisin, sia nom fän riaföün än Kot song.

Kolose 3:5

Iei mine oupwe amäloi ekewe mochenian fanüfan mi nom remi: sokopaten föförün lisowu, lüangau, mocheisou, mocheniangau me tipemong. (Pun tipemong och sokun angang ngeni anümwäl.)

Titus 3:3

Pun me lom püsin kich sia miritimang o aleasolap, sia pwal mwalechela. Sia nom fän nemenien sokopaten mochenia me pwapwan fanüfan. Sia manaueni eu manau mi ngau me lolowo, aramas ra oputakich, nge kich sia oputa ir.

James 1:15

Iwe, are än eman mochenia a liapeni letipan, a fis an tipis, nge are an tipis a unusela, a fis an mäla.

James 4:1

Ia ra feito me ie fiu me anini lefilemi? Resap feito seni ämi mochenia kana mi fiufengen lon letipemi?

1. Johannes 3:4

Eman mi föri tipis a atai än Kot allük, pun tipis wewen atai allük.