Nöün Paulus Toropwe ngeni ekewe Souläng lon Rom 7:3 - Chuukese Bible

³ Iei mine, are neminei a pwüpwülü ngeni pwal eman mwän lupwen pwülüan we a chüen manau, epwe iteni eman fin lisowu. Nge are pwülüan we a mäla, neminei a ngas seni fän nemenien ewe allükün pwüpwülü, nge esap iteni eman fin lisowu, inamwo are a pwülüeni pwal eman mwän.

Nöün Paulus Toropwe ngeni ekewe Souläng lon Rom 7:3 Iomraidhean Croise

Ekistos 20:14

Kosap lisowu.

Lifitikos 20:10

Iwe, are eman mwän a lisowu ngeni pwülüen chon arun, ir me ruoman, ewe mwän me ewe fefin, repwe ninnila.

Mateus 5:32

Nge ngang üpwe ürenikemi: Are eman mwän epwe pöütala pwülüan, nge neminewe esap kirikiringau ngeni, ätewe a föri pwe neminewe a tipisin lisowu are a pwüpwülüsefäl, nge pwal ewe mwän mi pwülüeni ei fefin a tipisin lisowu.

Nöün Paulus Toropwe ngeni ekewe Souläng lon Rom 7:2

Eu chök awewe: Eman fefin mi pwüpwülü a riri ngeni pwülüan lon ükükün ränin manauan ren ewe allükün pwüpwülü. Nge lupwen ewe mwän a mäla, ei fefin esap chüen nonom fän ewe allükün pwüpwülü a riri ngeni pwülüan ren.

Nöün Paulus Toropwe ngeni ekewe Souläng lon Rom 7:4

Ämi pwii kana, ina chök pwal usun ämi, oua mäla ngeni ewe Allük pokiten ämi oua eu kinikinin inisin Kraist. Iei ämi oua nöün ätewe Kot a amanauasefäli seni mäla, pwe epwe wor uän ach angang ngeni Kot.

Rut 2:13

Mürin Rut a üreni, “Ka fokun ümöümöch ngeniei, ai samol, pun ka echipaei o kapas pwetete ngeni noum chon angang fefin, inamwo ika sap ngang eman lein noum kei chon angang fefin.”