Nöün Paulus Toropwe ngeni ekewe Souläng lon Rom 7:12 - Chuukese Bible

¹² Iei usun än Moses kewe Allük ra pin o mine ewe allük a apasa a pwüng o mürina.

Nöün Paulus Toropwe ngeni ekewe Souläng lon Rom 7:12 Iomraidhean Croise

Nehemia 9:13

Ka feitiu won ewe chuk Sinai seni läng, ka fos ngeniir o ngeniir ekewe pwüüng mi wenechar me ekewe allük mi pwüng o mürina.

Kölfel 119:127

Ellet, üa aücheani om kewe allük lap seni kolt me kolt mi mürina.

Kölfel 119:137

Ai Samol mi Lapalap, en ka pwüng, nge om kewe kapwüng ra pwüng.

Kölfel 119:140

Om kewe pwon ra asosotöch, ngang noum chon angang üa aücheaniir.

Kölfel 119:172

Üpwe kölü om kapas, pun om kewe allük meinisin ra pwüng.

Kölfel 119:38

Kopwe apwönüetä om pwon ngeniei ngang noum chon angang, ewe pwon ka eäni ngeni chokewe mi niuokusituk.

Kölfel 119:86

Om kewe allük meinisin ra let. Nge aramas ra chök ariaföüüei ren ar kapas chofana. Kose mochen kopwe alisiei.

Nöün Paulus Toropwe ngeni ekewe Souläng lon Rom 12:2

Ousap apirü pomwen fanüfan, nge oupwe mwüt ngeni Kot pwe epwe awilikemi o asöföla unusen letipemi. Mürin oupwe tongeni silei letipen Kot, ren met mi mürina me unusöch, pwal met mi apwapwai i.

Nöün Paulus Toropwe ngeni ekewe Souläng lon Rom 3:31

Ifa usun, wewen pwe ren ei lükülük sipwele pöütala ekewe Allük? Apwi, esap fokun ina, nge sia fen anüküchara ekewe Allük.

Nöün Paulus Toropwe ngeni ekewe Souläng lon Rom 7:14

Kich mi silei pwe ewe Allük sokun ngün, nge ngang sokun fituk, pwe üa nom fän nemenien tipis.

Nöün Paulus Toropwe ngeni ekewe Souläng lon Rom 7:16

Iwe, lupwen üa föri mine üsap mochen föri, a pwä pwe üa tipeeu ngeni pwe ewe Allük a pwüng.

Tuteronomi 10:12

“Iwe, ämi chon Israel, met ewe Samol mi Lapalap ämi we Kot a mochen pwe oupwe föri? A chök mochen pwe oupwe meniniti i o föri meinisin mine a allük ngenikemi. Oupwe echeni o angang ngeni seni unusen lelukemi me unusen ngünümi.

Tuteronomi 4:8

Nge meni mwü mi watte a wor an allük me pwüüng mi fokun pwüngüöch, usun ekei allük meinisin üa aiti ngenikemi ikenai?”

1. Timoty 1:8

Kich sia silei pwe ekewe Allük ra mürina are sia eäniir lon met pwüngün.