Nöün Paulus Toropwe ngeni ekewe Souläng lon Rom 5:2 - Chuukese Bible

² Ren ach lükülük, Kraist a emwenikichelong lon än Kot ümöümöch, iei sia manau lon. Iei mine sia pwapwaäsini ach apilükülüköch ngeni ewe ling Kot epwe ngenikich.

Nöün Paulus Toropwe ngeni ekewe Souläng lon Rom 5:2 Iomraidhean Croise

Kölfel 17:15

Nge me rei, ngang üpwe nenengeni mesom, pun üsap föri och mi mwäl. Lupwen üpwe nenela, üpwe fokun pwapwa ren ai nenengonuk.

Kölfel 73:24

Ka emweniei fän om öüröür, nge mürin kopwe etiwaei lon ling.

Än Salomon Fos 14:32

Ekewe aramasangau ra feiengau ren püsin ar föför mi ngau, nge ekewe chon pwüng a wor ar lenien op lupwen ar mäla.

Apakuk 3:18

nge ngang üpwe chök meseik ren ewe Samol mi Lapalap, üpwe pwapwa ren Kot ai Chon Amanau.

Mateus 25:21

An we masta a üreni, ‘Om angang a fokun mürina. En eman chon angang mi mürina o allükülük. Ka fen allükülük won mine a chokükün, iei mine üpwe seikuketä won mine a chomong. Kopwe tolong o etiei lon ai pwapwa.’

Johannes 10:7

Iei mine Jesus a apasasefäli, “Enlet üpwe wesewesen ürenikemi: Ngang ewe asam fän iten ekewe sip.

Johannes 10:9

Ngang ewe asam. Iö a tolong lon ei asam epwe küna manau. Epwe tolong o towu o küna anan.

Johannes 14:6

Jesus a üreni, “Ngang ewe al me ewe let me ewe manau. Esap wor eman epwe tongeni feila ren Semei me lüki.”

Johannes 5:24

Enlet, üpwe wesewesen ürenikemi: Iö a rongorong ai kewe kapas o lükü ewe mi tinieito a eäni manau esemüch. Esap tolong lon kapwüng, pwe a towu seni mäla o tolong lon manau.

Föför 14:27

Iwe, lupwen ar tori Antiokia, ra achufengeni aramasen ewe mwichefel o apworausa ngeniir meinisin mine Kot a föri ngeniir, pwal usun an suki eu asam ngeni ekewe chon lükün Israel pwe repwe lükü Jesus.

Nöün Paulus Toropwe ngeni ekewe Souläng lon Rom 11:20

Mi pwüng. Ra kuputiu pokiten resap lükü, nge ämi oua nomotiu lon lenier pokiten oua lükü. Iwe, ousap lamalamtekia usun ei, nge oupwe niuokus.

Nöün Paulus Toropwe ngeni ekewe Souläng lon Rom 12:12

Oupwe pwapwa lon ämi apilükülüköch, oupwe mosonotam lon ämi riaföü, oupwe iotek fansoun meinisin.

Nöün Paulus Toropwe ngeni ekewe Souläng lon Rom 14:4

En iö pwe kopwe apwüngü nöün eman chon angang? Wisen nöün we masta pwe epwe apwüngala ika an angang a öch ika a ngau. Iwe, an angang epwe fokun öch, pun ach Samol a tufichin alisi pwe epwe öch an angang.

Nöün Paulus Toropwe ngeni ekewe Souläng lon Rom 15:13

Nge ewe Kot, i popun ämi apilükülük, epwe aurakemi ren watten pwapwa me kinamwe ren ämi lükü i, pwe ämi apilükülüköch epwe säsewu ren manamanen Ngünmifel.

Nöün Paulus Toropwe ngeni ekewe Souläng lon Rom 2:7

Ekoch aramas ra likitü lon ar föför mürina, ra kütta ling me iteüöch me ewe manau esap müchüla. Iwe, Kot epwe ngeniir manau esemüch.

Nöün Paulus Toropwe ngeni ekewe Souläng lon Rom 3:23

Pun aramas meinisin ra tipis, ra pwal osun lingen Kot.

Nöün Paulus Toropwe ngeni ekewe Souläng lon Rom 5:5

Ei apilükülüköch esap alichipwüngükich, pun Kot a iselong lon letipach an we chen ren ewe Ngünmifel, ewe i a lifang ngenikich.

Nöün Paulus Toropwe ngeni ekewe Souläng lon Rom 8:1

Iwe, iei esap wor liwinin tipisin chokewe mi nonom lon Kraist Jesus.

Nöün Paulus Toropwe ngeni ekewe Souläng lon Rom 8:24

Pun ren ei apilükülük sia küna manau. Nge are sia küna mine sia eäni apilükülük, ei esap wesewesen apilükülüköch. Pun iö epwe apilükülükü mine a fen küna?

1. Korint 15:1

Iwe, ämi pwii kana, iei üa mochen achema ngenikemi usun ewe Pworausen Manau üa fen afalafala ngenikemi, ewe oua etiwa o alonga ämi lükülük won.

2. Korint 3:18

Nge kich meinisin esap pwölüpwöl won mesach, sia nenengeni lingen ach Samol o lingela ren. A awilikich ngeni eu ling tori pwal eu ling, tori sipwe fokun wewe ngeni i lon ususun. Ei a pop seni ach Samol, i ewe Ngünmifel.

2. Korint 4:17

A müchükai ach riaföü, a pwal pal, nge epwe atoto ngenikich eu watten ling esemüch a fokun lapalap seni ekei riaföü.

Efisos 2:18

Pun ren Kraist kich meinisin, chon Juta me chon lükün Israel, sia tongeni feito mwen mesen Samach ren eman chök Ngün.

Efisos 3:12

Lon Kraist pwal ren ach lükü i sia pwora o apilükülük lon ach churi Kot.

Efisos 6:13

Iei mine oupwe pwilitalong womi än Kot kewe pisekin maun iei! Mürin, lupwen epwe war ewe rän mi ngau, oupwe tongeni pworacho ngeni än ewe chon oputemi maun ngenikemi. Iwe, mürin oupwe chök üpöchökül tori lesopolan ämi maun.

2. Tesalonika 2:16

Püsin ach Samol Jesus Kraist me Samach Kot, ewe mi echenikich o fang ngenikich chipen letipach fansoun meinisin pwal ach apilükülüköch ren an ümöümöch,

Ipru 3:6

Nge Kraist a allükülük lon wisen eman nau o nemeni imwen Kot. Iwe, kich imwen Kot are sia likitü lon ach tipepwora me ach apilükülük lon met sia apilükülük ngeni.

Ipru 6:18

Ikkei ekewe ruu mettoch resap tongeni siwil, pun esap tufich pwe Kot epwe tongeni chofona. Iei mine kich mi nom fän tümwünüan sia fokun tipepwora lon ach kamwöchünük lon ewe apilükülüköch a anomu mwach.

1. Petrus 3:18

Pun Kraist a mäla fän iten tipis fän eu chök, nge a naf ngeni fansoun meinisin, ewe chon pwüng fän iten ekewe chon tipis, pwe epwe emwenikich ngeni Kot. A mäla lon inisin, nge a manausefäl lon ngünün.

Pwärätä 21:11

a saramaram ren än Kot we ling. Ewe telinimw a tittin usun eföü fau aüchea itan jasper, a kurufat usun ewe fau itan kristal.

Pwärätä 21:23

Esap lomot ngeni ewe telinimw tinen akkar ika tinen maram, pun än Kot ling a tinetiu won, o ewe Lam iei an atitin.

Pwärätä 21:3

Iwe, üa rong mwelien eman mi leüömong a kapasowu seni ewe lenien motun king, “Nengeni, imwen Kot a nom lein aramas! Iwe, Kot epwe nonom lefiler o ir repwe aramasan, nge püsin Kot epwe etiir pwe epwe ar Kot.

Pwärätä 3:21

Iö mi pwora ngeni mine a ngau üpwe mwüt ngeni pwe epwe etiei le mot won ewe lenien motun king, usun pwal ngang üa pwora o mot ren Semei won an lenien motun king.