Nöün Paulus Toropwe ngeni ekewe Souläng lon Rom 4:6 - Chuukese Bible

⁶ Iei usun wewen met Tafit a apasa usun feiöchün ewe aramas mi küna pwüng me ren Kot, nge esap longolong won met ewe aramas a föri:

Nöün Paulus Toropwe ngeni ekewe Souläng lon Rom 4:6 Iomraidhean Croise

Kölfel 112:1

Ousipwe mwareiti ewe Samol mi Lapalap. A feiöch ewe aramas mi niuokusiti ewe Samol mi Lapalap, mi pwapwaiti an epwe aleasochisi an kewe allük.

Aisea 54:17

Nge esap wor och pisekin maun epwe tongeni afeiengauok. Iwe, kopwe tongeni pälüeni chokewe meinisin mi atipisuk lon kapwüng. Iei feiöchün nei kewe chon angang me rei, iei usun üa awineer.” Ewe Samol mi Lapalap a kapas.

Jeremaia 22:6

Pun iei alon ewe Samol mi Lapalap fänäsengesin imwen ewe kingen Juta, ‘En ka mürina usun ewe fanü Kiliat me rei, ika usun ungen ewe chuk Lepanon, nge üpwe fokun föri pwe kopwe wiliti eu fanüapö, ika eu telinimw esap so.

Jeremaia 33:16

Lon ena fansoun chon Juta me chon Jerusalem repwe küna manau o nonom fän kinamwe. Iwe, ewe telinimw epwe iteni ‘Ewe Samol mi Lapalap ach pwüng.’

Taniel 9:24

Iwe, a pwüngüla pwe ükükün fisu fän fik ier a kaüküla fän iten aramasom me om we telinimw mi pin. Mürin, pupungau epwe ükütiu, tipis epwe müchüla, epwe fis amusamusen tipis, nge pwüng esemüch epwe pwönüetä pwe alon soufos me künaer epwe fisitä, epwe pwal fis apinipinin ewe Leni mi Unusen Pin.

Mateus 25:19

Mürin fansoun langatam än ekewe chon angang we masta a liwinsefäl o kütta pworausen nöün kewe moni ra anganga.

Nöün Paulus Toropwe ngeni ekewe Souläng lon Rom 1:17

Pun ewe Pworausen Manau a pwärätä usun än Kot akot fän iten än aramas repwe küna pwüng me mwan. Ei a fis ren lükülük seni lepoputän tori lesopolan. Usun ewe toropwe mi pin a apasa, “Ewe aramas mi küna pwüng mwen mesen Kot epwe manau ren an lükülük.”

Nöün Paulus Toropwe ngeni ekewe Souläng lon Rom 3:27

Iwe, met sia tongeni aingaing won? Esor! Met popun pwe a iei usun? Pokiten sia aleasochisi ekewe Allük? Apwi, nge sia lükü.

Nöün Paulus Toropwe ngeni ekewe Souläng lon Rom 4:11

An sirkomsais a fis me mürin. Nge an sirkomsais eu asisil mi pwärätä pwe pokiten an lükülük a küna pwüng me ren Kot me mwen an esamwo sirkomsais. Iei usun Apraham a semelapen chokewe meinisin mi lükü Kot o küna pwüng me ren, inamwo ika resap sirkomsais.

Nöün Paulus Toropwe ngeni ekewe Souläng lon Rom 4:24

Ra pwal makketiu fän itach mi küna pwüng, kich mi lükü Kot ewe mi amanauasefäli Jesus ach Samol seni mäla.

Nöün Paulus Toropwe ngeni ekewe Souläng lon Rom 4:5

Nge eman aramas mi longolong won an lükülük, nge esap wor an föför, i a lükü Kot ewe mi tongeni pwärätä pwe eman chon tipis a pwüng. Kot a föri iei usun ngeni, pwe a küna pwüng me ren pokiten an lükülük.

Nöün Paulus Toropwe ngeni ekewe Souläng lon Rom 4:7

“Feiöchün ätekewe ar pupungau a musala, nge ar tipis a mola.

Nöün Paulus Toropwe ngeni ekewe Souläng lon Rom 4:9

Ifa usun, ei feiöch Tafit a kapas usun a chök fän iten chokewe mi sirkomsais? Apwi! A pwal fän iten chokewe resap sirkomsais. Pun sia fen apasa mine a mak lon ekewe Toropwe mi Pin: “Apraham a lükü Kot, nge pokiten an lükülük a küna pwüng me ren Kot.”

1. Korint 1:30

Nge Kot chök popun ämi nonom lon Kraist Jesus. Kot a föri pwe Kraist ach tipachem, ach pwüng, ach pin me ach ngas seni ach tipis.

2. Korint 5:21

Kraist esap wor an tipis, nge fän itach Kot a föri pwe i a tipisini tipisich, pwe kich sipwe küna pwüngün Kot lon i.

Kalatia 3:14

Kraist a föri ei, pwe ewe feiöch Kot a pwon ngeni Apraham epwe tori ekewe chon lükün Israel ren Kraist Jesus, pwe ren ach lükü sipwe angei ewe Ngünmifel Kot a fen pwon ngenikich.

Kalatia 4:15

Ämi oua fokun pwapwa! Met a fis ngenikemi iei? Püsin ngang üa tongeni pwärätä, pwe are epwe tufich oupwe alusawu föün mesemi o ngeniei.

Efisos 1:3

Sipwe kilisou ngeni Kot Semen ach Samol Jesus Kraist, pun a afeiöchükich lon Kraist ren ekewe feiöchün ngün meinisin ra nonom lon läng.

Tuteronomi 33:29

Israel, ka feiöch. Iö a wewe ngonuk? En eu mwichen aramas mi küna manau me ren ewe Samol mi Lapalap. I tittum me om soualilis, pwal i noum ketilas mi ewinnok. Chon oputom repwe feito reöm o pwarorotiu ngonuk, nge en kopwe puriretiu.

Filipi 3:9

o wesewesen eufengen me i. Üsap chüen eäni püsin ai pwüng, ewe sokun pwüng üa angei ren ai aleasochisi ekewe Allük. Iei üa eäni ewe pwüng a toriei ren ai lükü Kraist, ewe pwüng mi feito seni Kot o a longolong won ai lükü Kraist.

2. Timoty 1:9

I a amanauakich o körikich pwe sipwe manaueni eu manau mi pin, sap pokiten ach föför, nge pokiten püsin an ekiek me an ümöümöch. A ngenikich ei ümöümöch lon Kraist Jesus mwen fanüfan esamwo wor,

James 2:18

Nge eli eman epwe üra, “En ka eäni lükülük, nge ngang üa eäni föför.” Pölüan me rei, “Kopwe pwäri ngeniei om we lükülük ese fiti föför, nge ngang üpwe pwäri ngonuk ai lükülük mi fiti föför.”

2. Petrus 1:1

Ngang Simon Petrus, eman nöün Jesus Kraist chon angang me soukünö, üa kapong ngeni ämi mi angei eu lükülük mi aüchea usun chök äm ren än ach Kot me Chon Amanau Jesus Kraist pwüng.