Nöün Paulus Toropwe ngeni ekewe Souläng lon Rom 4:2 - Chuukese Bible

² Are i a küna pwüng me ren Kot ren ekewe föför a föri, epwe wor met epwe tongeni aingaing won. Nge esap tongeni aingaing mwen mesen Kot.

Nöün Paulus Toropwe ngeni ekewe Souläng lon Rom 4:2 Iomraidhean Croise

Keneses 12:18

Mürin, Farao a körato Apram o apasa, “Pwota ka föri ngeniei ei sokun? Pwota kosap asile ngeniei pwe neminei pwülüom?

Keneses 12:20

Mürin, Farao a allük ngeni nöün kewe chon angang pwe repwe emwenala Apram. Iwe, ra angei Apram me pwülüan we me mettochun meinisin o emwenawu seni ewe fanü Isip.

Isikiel 8:9

Kot a üreniei, “Kopwe tolong lon ewe rum o nengeni ekewe föför mi ngau o anioput ra föri lon.”

Nöün Paulus Toropwe ngeni ekewe Souläng lon Rom 15:17

Iei mine lon ai eufengen me Kraist üa tongeni aingaing lon ai angang ngeni Kot.

1. Korint 1:29

Iei popun esap wor eman aramas epwe tongeni aingaing mwen mesen Kot.

1. Korint 1:31

Pun iei usun a mak lon ekewe Toropwe mi Pin, “Iö a mochen aingaing epwe aingaing won ach Samol.”

1. Korint 4:7

Pun iö a seikuketä pwe kopwe lap seni ekewe ekoch? Ifa usun, Kot esap fang ngonuk mettoch meinisin mine ka eäni? Pwota ka aingaing won met mi wor reöm usun itä nge esap minen lifang?

1. Korint 9:16

Nge esap wor ai pwüüng pwe üpwe aingaing pokiten üa afalafala ewe Pworausen Manau, pun iei wesewesen wisei Kraist a allük ngeniei pwe üpwe föri. Feiengauei are üsap afalafala ewe Pworausen Manau!

2. Korint 11:12

Iwe, ngang üpwe chök sopwela le föri mine üa föri iei, pun üa mochen pinei än ekewe pwal ekoch “soukünö” aingaing pwe ra föri ar angang usun chök äm.

2. Korint 11:30

Are ngang üpwe fokun aingaing, üpwe aingaing won ekewe mettoch mi pwärätä ai apwangapwang.

2. Korint 5:12

Äm aisap mochen sotunisefäli le allükülükü püsin äm ngenikemi, nge aia mochen ngenikemi och popun mi mürina pwe oupwe sikäsinikem, pwe oupwe tongeni pölüeni chokewe mi sikesik won met ra küna ren lapalapen eman aramas me lükün, nge esap met a nom lon letipan.

Kalatia 3:22

Nge a mak lon ekewe Toropwe mi Pin pwe unusen fanüfan a nom fän nemenien tipis. Iei mine ewe lifang Kot a pwon, a longolong won än eman lükü Jesus Kraist, a tori chokewe mi lükü.

Efisos 2:9

esap pwal liwinin ämi angang, pwe esap wor eman epwe tongeni aingaing ren.

Filipi 3:9

o wesewesen eufengen me i. Üsap chüen eäni püsin ai pwüng, ewe sokun pwüng üa angei ren ai aleasochisi ekewe Allük. Iei üa eäni ewe pwüng a toriei ren ai lükü Kraist, ewe pwüng mi feito seni Kot o a longolong won ai lükü Kraist.

Josua 24:2

Iwe, Josua a üreni ekewe aramasen Israel meinisin, “Iei alon ewe Samol mi Lapalap ewe Koten Israel, ‘Me lomlom, ämi kewe lewo ra nom pekilan ewe chanpupu Oifrat o fel ngeni pwal ekoch kot. Eman me leir itan Tera semen Apraham me Nahor.