Nöün Paulus Toropwe ngeni ekewe Souläng lon Rom 4:11 - Chuukese Bible

¹¹ An sirkomsais a fis me mürin. Nge an sirkomsais eu asisil mi pwärätä pwe pokiten an lükülük a küna pwüng me ren Kot me mwen an esamwo sirkomsais. Iei usun Apraham a semelapen chokewe meinisin mi lükü Kot o küna pwüng me ren, inamwo ika resap sirkomsais.

Nöün Paulus Toropwe ngeni ekewe Souläng lon Rom 4:11 Iomraidhean Croise

Keneses 17:24

Iwe, Apraham a ierini tiwe me tiu, lupwen a sirkomsais.

Kölfel 47:9

Ekewe samolun ekewe mwü ra mwichefengen, ir ewe mwichen aramas nöün än Apraham we Kot. Pun ekewe kingen fanüfan nöün Kot, i a fokun tekia mwer meinisin.

Ekistos 12:13

Ewe cha epwe eu asisilen imwemi, pun lupwen üpwe küna ewe cha, üpwe lus me womi. Esap wor feiengau epwe kükemi, lupwen üpwe afeiengaua ekewe chon Isip.

Ekistos 31:13

“Kopwe üreni ekewe aramasen Israel, ‘Oupwe apini ai ränin sapat, pun epwe eu asisil lefilei me ämi seni eu täppin aramas tori eu täppin. Ren ei oupwe silei pwe ngang ewe Samol mi Lapalap üa apinikemi.

Ekistos 31:17

Ei rän eu asisil lefilei me chon Israel tori feilfeilachök. Pun lon ükükün wonu rän ngang ewe Samol mi Lapalap üa föri läng me fanüfan, nge lon ewe afisuen rän üa ükütiu le angang o asösö.’”

Isikiel 20:12

Üa pwal ngeniir ai kewe ränin sapat pwe eu asisil lefilei me ir, pwe repwe silei pwe ngang ewe Samol mi Lapalap üa apiniir.

Isikiel 20:20

oupwe pwal apiniöchü pinin ai kewe ränin sapat, pwe repwe eu asisil lefilach. Mürin, oupwe silei pwe ngang ewe Samol mi Lapalap ämi we Kot.

Mateus 16:16

Simon Petrus a pölüeni, “En Kraist ewe Nöün Kot mi manau.”

Mateus 8:11

Üpwe ürenikemi, pwe chomong aramas repwe feito seni ötiu me lotou o mot arun chepel ren Apraham, Isaak me Jakop lon ewe kametip lon Mwün Läng.

Lukas 19:9

Jesus a üreni Sakios, “Manau a tori ei imw ikenai, pun en pwal eman mwirimwirin Apraham.

Johannes 3:33

Nge are eman epwe etiwa an kapas, a aletätä pwe Kot a let.

Johannes 3:36

Iö a lükü ewe Nau a eäni manau esemüch. Iö a lükümach ngeni ewe Nau esap eäni ewe manau, pwe än Kot song a nonom won.

Johannes 6:35

Mürin Jesus a üreniir, “Ngang ewe mongön manau. Iö a feito rei esap fokun chüen echik, nge iö a lüküei esap fokun chüen kaka.

Johannes 6:40

Pun iei letipen Semei, pwe meinisin mi nenengeni ewe Nau o lükü i repwe eäni manau esemüch. Ngang üpwe amanaueer lon ewe ränin sopolan.”

Johannes 6:47

Enlet, üpwe wesewesen ürenikemi: Iö a lüküei a eäni manau esemüch.

Johannes 8:33

Iwe, ra pölüeni, “Äm aia mwirimwirin Apraham, esap fokun wor eman a nöünikem amanau. Met wewen om apasa, ‘Ämi oupwe ngasala?’”

Nöün Paulus Toropwe ngeni ekewe Souläng lon Rom 10:11

A mak lon ekewe Toropwe mi Pin, “Iö a lükü i esap lichipüng.”

Nöün Paulus Toropwe ngeni ekewe Souläng lon Rom 10:4

Pun Kraist a fen aükätiu manamanen ekewe Allük, pwe iteiten aramas mi lükü repwe küna pwüng me ren Kot.

Nöün Paulus Toropwe ngeni ekewe Souläng lon Rom 10:6

Nge iei usun mine a mak lon ekewe Toropwe mi Pin usun än aramas repwe küna pwüng me ren Kot ren ar lükülük, “Kosap püsin ais ngonuk: Iö epwe feitä läng?” (wewen, iö epwe uwätiu Kraist).

Nöün Paulus Toropwe ngeni ekewe Souläng lon Rom 3:22

Kot a föri pwe aramas ra küna pwüng ren ar lükü Jesus Kraist. Kot a föri ei ngeni chokewe meinisin mi lükü Kraist, pun esap wor sokofesenin lefiler meinisin:

Nöün Paulus Toropwe ngeni ekewe Souläng lon Rom 3:26

Nge ikenai Kot a föri och fän iten än aramas tipis, pwe epwe pwärala an pwüng. Ren ei Kot a pwäräta pwe püsin i a pwüng, a pwal föri pwe ir mi lükü Jesus repwe küna pwüng.

Nöün Paulus Toropwe ngeni ekewe Souläng lon Rom 3:30

Kot eman chök, i epwe föri pwe ekewe chon Juta repwe küna pwüng pokiten ar lükülük, i epwe pwal föri pwe ekewe chon lükün Israel repwe küna pwüng ren ar lükülük.

Nöün Paulus Toropwe ngeni ekewe Souläng lon Rom 4:10

Inet a fis ei? A fis mwen än Apraham sirkomsais ika me mürin? A fis me mwan, nge sap mürin.

Nöün Paulus Toropwe ngeni ekewe Souläng lon Rom 9:30

Iwe, met sipwe tongeni apasa? Ekewe chon lükün Israel resap kütta usun ar repwe eäni pwüng me ren Kot, ra küna pwüng ren ar lükülük.

Nöün Paulus Toropwe ngeni ekewe Souläng lon Rom 9:33

usun ewe Toropwe mi Pin a kapas usun, “Nengeni, üa anomu lon Sion eföü fau aramas repwe chepetek ren, eu achau aramas repwe opuri. Nge iö a lükü i esap küna lichipüng.”

Nöün Paulus Toropwe ngeni ekewe Souläng lon Rom 9:6

Ngang üsap apasa pwe än Kot we pwon esap pwönüetä. Pun sap chon Israel meinisin ra nöün Kot aramas.

2. Korint 1:22

o pwaunikich pwe sipwe nöün. A fangelong lon lelukach Ngünün pwe allükülükün mettoch meinisin mine a molotä fän itach.

Kalatia 3:22

Nge a mak lon ekewe Toropwe mi Pin pwe unusen fanüfan a nom fän nemenien tipis. Iei mine ewe lifang Kot a pwon, a longolong won än eman lükü Jesus Kraist, a tori chokewe mi lükü.

Kalatia 3:29

Are ämi oua nöün Kraist, mürin oua mwirimwirin Apraham, iwe, oupwe angei ewe mine Kot a fen pwonei.

Kalatia 3:7

Iei mine oupwe silei, pwe ekewe wesewesen mwirimwirin Apraham, ir ekewe aramas mi wor ar lükülük.

Kalatia 5:5

Nge kich sia apilükülükü pwe Kot epwe föri pwe sipwe küna pwüng me ren. Iei met sia witiwiti ren ewe manamanen Ngünün Kot mi angang loch ren ach lükülük.

Kalatia 6:16

Kinamwe me tong epwe nom ren chokewe meinisin mi aleasochisi ai kei kapas lon manauer, ewer, epwe nonom rer pwal ren nöün Kot kewe aramas meinisin.

Efisos 1:13

Pwal ämi oua wiliti nöün Kot aramas lupwen oua rongorong ewe kapasen Kot mi let, iei ewe Pworausen Manau oua küna manau ren. Ämi oua lükü Kraist, nge Kot a pwaunikemi pwe oupwe nöün ren an ngenikemi ewe Ngünmifel, usun i a fen pwonei.

Efisos 4:30

Ousap achouala Ngünmifel, ewe Ngünün Kot, oua pwau ren tori ewe ränin än Kot epwe angasakemi.

Tuteronomi 30:6

Ewe Samol mi Lapalap ämi we Kot epwe limeti lelukemi me leluken mwirimwirimi kewe, pwe oupwe echeni i ren unusen lelukemi pwal ren unusen ngünümi, pwe oupwe manau.

Filipi 3:9

o wesewesen eufengen me i. Üsap chüen eäni püsin ai pwüng, ewe sokun pwüng üa angei ren ai aleasochisi ekewe Allük. Iei üa eäni ewe pwüng a toriei ren ai lükü Kraist, ewe pwüng mi feito seni Kot o a longolong won ai lükü Kraist.

Ipru 11:7

Ren än Noa lükü, a rongorong än Kot kapasen fön usun ekewe mettoch repwe fis lon ekewe fansoun repwe feito, nge esamwo tongeni küna. A aleasochisi Kot o föri efoch waimw ia i me chon an famili ra tongeni manau ie. Ren an lükü a pwä pwe fanüfan a tipis. Nge Noa a angei ewe sokun pwüng me ren Kot pokiten an lükü.

2. Petrus 1:1

Ngang Simon Petrus, eman nöün Jesus Kraist chon angang me soukünö, üa kapong ngeni ämi mi angei eu lükülük mi aüchea usun chök äm ren än ach Kot me Chon Amanau Jesus Kraist pwüng.

Pwärätä 9:4

Iwe, Kot a allük ngeniir pwe resap afeiengaua ekewe fetil ika ekewe petewöl ika ekewe irä, nge repwe chök afeiengaua ekewe aramas resap eäni än Kot we pwau won chamwer.