Nöün Paulus Toropwe ngeni ekewe Souläng lon Rom 3:8 - Chuukese Bible

⁸ Pwota chök ekoch aramas ra apasa, “Ousipwe föri mine a ngau, pwe epwe fisitä mine a mürina”? Ewer, ekoch aramas ra fen kapasingau usi ren ar atipisiei, pwe üa apasa ei sokun fos. Ir repwe küna kapwüng usun a fich ngeniir.

Nöün Paulus Toropwe ngeni ekewe Souläng lon Rom 3:8 Iomraidhean Croise

Jeremaia 40:16

Nge Ketalia a üreni Johanan, “Kosap föri ei föför, pun esap pwüng om kapas fän iten Ismael.”

Mateus 5:11

Oua feiöch lupwen aramas ra aitengauakemi o ariaföüükemi o apasa sokopaten kapas chofona mi ngau usumi pokiten oua tapweto müri.

Nöün Paulus Toropwe ngeni ekewe Souläng lon Rom 5:20

Allük ra fisitä pwe ekewe föför mi mwäl repwe lapala. Nge ia tipis a lapala ie, än Kot ümöümöch a fokun lapalapala seni.

Nöün Paulus Toropwe ngeni ekewe Souläng lon Rom 6:1

Iwe, met sipwe üra? Sipwe sopwela le föföri tipis, pwe än Kot ümöümöch epwe lapalapala?

Nöün Paulus Toropwe ngeni ekewe Souläng lon Rom 6:15

Iwe, nge met chök sipwe apasa? Sipwe föri tipis pokiten sisap chüen nonom fän nemenien allük, nge sia nonom fän nemenien ümöümöchün Kot? Apwi, esap fokun ina!

Nöün Paulus Toropwe ngeni ekewe Souläng lon Rom 7:7

Iwe, met sipwe üra? Sipwe apasa pwe ewe Allük mi tipis? Apwi, esap fokun ina usun! Nge ewe Allük a amefi ngeniei met wewen tipis. Pun üsap weweiti usun mochenia are ewe allük esap apasa, “Kosap mochenia ngeni pisekin eman.”

2. Korint 11:15

Iei mine sisap mairü ren are nöün Satan chon angang ra siwili lapalaper pwe repwe usun itä nge ir chon angangen ewe Kot mi pwüng. Iwe, sopolan manauer repwe chök küna liwinin ar föför.

2. Korint 6:8

Ekoch ra aitöchükem o ekoch ra aitengauakem, ekoch ra turunufaseikem o ekoch ra mwareitikem. Ra apasa pwe aia chon atuputup, nge äm aia apasatä kapas mi let.

Jutas 1:4

Pun ekoch aramas resap meniniti Kot ra anifilong leich, ir chokewe mi sorei ewe kapas usun än Kot ümöümöch, pwe epwe wor ar künetipingen won ar kewe föför mi fokun ngau. Ra pwal amamäsini Jesus Kraist, i chök ach Sounemenem me ach Samol. Me lomlom ekewe Toropwe mi Pin ra osuni usun ewe kapwüng ra tolong lon.