Nöün Paulus Toropwe ngeni ekewe Souläng lon Rom 3:7 - Chuukese Bible

⁷ Nge ifa usun, are ai likatuputup epwe afatöchü än Kot let o awattela an ling, pwota chök üpwe chüen kapwüng usun eman chon tipis?

Nöün Paulus Toropwe ngeni ekewe Souläng lon Rom 3:7 Iomraidhean Croise

Keneses 37:20

Ou etto, sipwe niela o aturalong lon eu kewe pwang. Mürin sipwap üra pwe eman manmwacho a ochei. Iwe, sipwe pi ika epwe fis pwüngün mine a eäni tan.”

Ekistos 14:30

Lon ena rän ewe Samol mi Lapalap a amanaua chon Israel seni ekewe re Isip. Iwe, ekewe chon Israel ra küna somän ekewe re Isip arosetin ewe leni.

Ekistos 14:5

Iwe, lupwen ra apworausa ngeni ewe kingen Isip pwe ekewe aramasen Israel ra sü, Farao me nöün kewe nöüwis ra siwili ar ekiek fän iter. Ra apasa, “Met ei sa föri? Pwota sa mwüt ngeni ekewe chon Israel pwe ra towu seni ar angang ngenikich?”

Ekistos 3:19

Nge üa fen silei pwe ewe kingen Isip esap mwüt ngenikemi pwe oupwe feila, tori eman mi manaman a pöchökül ngeni.

Mateus 26:34

Jesus a üreni Petrus, “Enlet, üpwe ürenuk pwe lon ei chök pwinin mwen ewe chuko epwe kökkö, en kopwe amamäsiniei fän ülüngat.”

Föför 2:23

Püsin än Kot akot ei a fen apwüngala, pwe Jesus epwe oolong lepöümi, nge ämi oua niela ren ämi mwüt ngeni ekewe aramas mi tipis pwe repwe iräpengesi.

Nöün Paulus Toropwe ngeni ekewe Souläng lon Rom 3:4

Apwi, esap fokun ina usun! Kot epwe fokun let, inamwo ika aramas meinisin ra chon chofona. Usun ewe Toropwe mi Pin a apasa, “Epwe fokun pwäla pwe en mi pwüng lupwen ka kapas. Kopwe fokun win lon kapwüng lupwen ra apwünguk.”