Nöün Paulus Toropwe ngeni ekewe Souläng lon Rom 3:6 - Chuukese Bible

⁶ Apwi, esap fokun ina usun! Are Kot esap pwüng, ifa usun an epwe tongeni apwüngü chon fanüfan?

Nöün Paulus Toropwe ngeni ekewe Souläng lon Rom 3:6 Iomraidhean Croise

Keneses 18:25

Ese tufich om kopwe föri ina usun, pwe kopwe niela ekewe chon pwüng fiti chon pwüngingau, pwe chon pwüng repwe chök wewe ngeni chon pwüngingau. Ese tufich om kopwe föri ina usun. Ifa usun, ewe Souapwüngün unusen fanüfan esap eäni apwüng fän pwüng?”

Hiop 8:3

Ifa usun, Kot a atoka pwüngün kapwüng? Ifa usun, Ewe mi Unusen Manaman a atoka pwüngüöch?

Kölfel 50:6

Ekewe läng ra pwärätä pwe Kot a pwüng, pwe püsin i ewe soukapwüng.

Kölfel 9:8

Iwe, a apwüngü chon fanüfan fän pwüng, a apwüngü chon ekewe mwü fän wenechar.

Kölfel 96:13

fän mesen ewe Samol mi Lapalap, pun i epwe feito, epwe feito pwe epwe apwüngü chon fanüfan. Epwe apwüngü fanüfan fän pwüng, pwal ekewe aramas fän let.

Kölfel 98:9

Repwe köl me fän mesen ewe Samol mi Lapalap, pun epwe feito o apwüngü chon fanüfan. Epwe apwüngü chon ekewe mwü fän pwüng me wenechar.

Lukas 20:16

Epwe feito o niela ekei chon mälämäl, nge epwe ngeni pwal ekoch chon mälämäl an we tanipin wain.” Lupwen ekewe aramas ra rongorong ei pworaus, ra apasa, “Apw, sap ina!”

Föför 17:31

Pun a filätä eu rän epwe apwüngü unusen chon fanüfan meinisin fän pwüng ren eman mwän i a awisa ngeni. A fen alletätä ei ngeni aramas meinisin ren an amanauasefäli ei mwän seni mäla.”

Nöün Paulus Toropwe ngeni ekewe Souläng lon Rom 2:16

Ren pwüngün ewe Pworausen Manau üa afalafala epwe iei usun mine epwe fis lon ewe Rän lupwen Kot epwe apwüngü ekewe ekiekin aramas mi monomon ren Jesus Kraist.

Nöün Paulus Toropwe ngeni ekewe Souläng lon Rom 3:31

Ifa usun, wewen pwe ren ei lükülük sipwele pöütala ekewe Allük? Apwi, esap fokun ina, nge sia fen anüküchara ekewe Allük.

Nöün Paulus Toropwe ngeni ekewe Souläng lon Rom 3:4

Apwi, esap fokun ina usun! Kot epwe fokun let, inamwo ika aramas meinisin ra chon chofona. Usun ewe Toropwe mi Pin a apasa, “Epwe fokun pwäla pwe en mi pwüng lupwen ka kapas. Kopwe fokun win lon kapwüng lupwen ra apwünguk.”