Nöün Paulus Toropwe ngeni ekewe Souläng lon Rom 3:5 - Chuukese Bible

⁵ Nge ifa usun, are ach föför esepwüng a pwärätä än Kot föför mi pwüng? Met sipwe tongeni apasa? Sipwe tongeni apasa pwe Kot a mwäl lupwen a liwini ngenikich liwinin ach föföringau? (Üa chök apasatä ekei kapas lon ekiekin aramas.)

Nöün Paulus Toropwe ngeni ekewe Souläng lon Rom 3:5 Iomraidhean Croise

Keneses 18:25

Ese tufich om kopwe föri ina usun, pwe kopwe niela ekewe chon pwüng fiti chon pwüngingau, pwe chon pwüng repwe chök wewe ngeni chon pwüngingau. Ese tufich om kopwe föri ina usun. Ifa usun, ewe Souapwüngün unusen fanüfan esap eäni apwüng fän pwüng?”

Hiop 8:3

Ifa usun, Kot a atoka pwüngün kapwüng? Ifa usun, Ewe mi Unusen Manaman a atoka pwüngüöch?

Nahum 1:2

Ewe Samol mi Lapalap i eman Kot mi lukomong. A apwüngü chokewe mi ü ngeni. Lon an song a ngeni chon oputan chappen ar föför.

Nöün Paulus Toropwe ngeni ekewe Souläng lon Rom 12:19

Ämi pwii kana, ousap liwini ngeni eman chappen an föför, nge oupwe mwüt ngeni Kot epwe föri. Pun a mak lon ewe Toropwe mi Pin, “Ngang üpwe ngeniir chappen ar föför, üpwe liwini ngeniir ükükün liwinin ar föför mi ngau, iei alon ewe Samol.”

Nöün Paulus Toropwe ngeni ekewe Souläng lon Rom 2:5

Nge lelukom a tipepöchökül o ülöförea. Iei mine ka püsin alapala om liwiningau lon ewe rän lupwen Kot epwe pwärala an song me an apwüngüwen.

Nöün Paulus Toropwe ngeni ekewe Souläng lon Rom 3:19

Iei sia silei pwe meinisin mine a mak lon ekewe Allük a fän iten chokewe mi nom fän ekewe Allük pwe epwe aükätiu än aramas meinisin künetipingen o atolonga unusen fanüfan fän än Kot kapwüng.

Nöün Paulus Toropwe ngeni ekewe Souläng lon Rom 3:7

Nge ifa usun, are ai likatuputup epwe afatöchü än Kot let o awattela an ling, pwota chök üpwe chüen kapwüng usun eman chon tipis?

Nöün Paulus Toropwe ngeni ekewe Souläng lon Rom 4:1

Iwe, met sipwe apasa usun Apraham, än äm chon Juta we lewo? Met a fis ngeni?

Nöün Paulus Toropwe ngeni ekewe Souläng lon Rom 5:8

Nge Kot a pwäri ngenikich ükükün an echenikich, pwe lupwen sia chüen nonom lon tipis, Kraist a mäla fänäsengesich.

Nöün Paulus Toropwe ngeni ekewe Souläng lon Rom 6:1

Iwe, met sipwe üra? Sipwe sopwela le föföri tipis, pwe än Kot ümöümöch epwe lapalapala?

Nöün Paulus Toropwe ngeni ekewe Souläng lon Rom 6:19

Üa aea kapasen awewe seni nonomun manauen aramas pokiten apwangapwangen fitukemi. Me lom oua fangatä unusen inisimi pwe oupwe chon angang ngeni föför mi limengau me föför mi ngau fänäsengesin mine a ngau. Ina usun oupwe fokun fangatä unusen inisimi pwe oupwe chon angang ngeni pwüng fänäsengesin mine a pin.

Nöün Paulus Toropwe ngeni ekewe Souläng lon Rom 7:7

Iwe, met sipwe üra? Sipwe apasa pwe ewe Allük mi tipis? Apwi, esap fokun ina usun! Nge ewe Allük a amefi ngeniei met wewen tipis. Pun üsap weweiti usun mochenia are ewe allük esap apasa, “Kosap mochenia ngeni pisekin eman.”

Nöün Paulus Toropwe ngeni ekewe Souläng lon Rom 8:31

Iwe, met sipwe tongeni apasa ren ekei mettoch? Are Kot a penikich, iö epwe tongeni pölüenikich?

Nöün Paulus Toropwe ngeni ekewe Souläng lon Rom 9:30

Iwe, met sipwe tongeni apasa? Ekewe chon lükün Israel resap kütta usun ar repwe eäni pwüng me ren Kot, ra küna pwüng ren ar lükülük.

1. Korint 15:32

Are ngang üa fiu ngeni ekewe manmwacho lon Efisos fänäsengesin ekoch popun mi fis seni ekiekin aramas, met lomotan ngeniei? Nge are ekewe mi mäla resap manausefäl, pwota sisap chök föri usun met ekewe ekoch ra apasa, “Ousipwe momongö o ükün, pun lesor sipwe mäla”?

1. Korint 9:8

Ifa usun, üa chök kapas usun pwüngün lefilen aramas? Ifa usun, ekewe Allük resap wewefengen le kapas usun ei mettoch?

2. Korint 6:4

Nge lon mettoch meinisin aia föri aia pwärätä pwe äm nöün Kot chon angang: Ren äm engila fän riaföü me weires me feiengau.

2. Korint 7:11

Oupwe nenengeni met Kot a föri ren ämi letipeta: A afisätä ämi achocho pwal ämi mochen alletätä pwe esap wor ämi tipis. A afisätä ämi song, ämi niuokus, ämi pwos, ämi tiliken me ämi mochen apwüngü mine a ngau. Ren ekei mettoch meinisin oua pwärätä pwe esap wor och mwäl remi.

Kalatia 2:18

Are ngang üa aüsefälietä ewe lamalamen Allük üa fen atala, mürin a pwä pwe üa püsin atala ewe Allük.

Kalatia 3:15

Ämi pwii kana, üpwe eäni eu pworausen awewe usun nonomun aramas: Lupwen ruoman aramas ra tipeeufengen won och o saini eu toropwen atipeeu, esap fokun wor eman a tongeni atai ewe toropwen atipeeu ika apacha och ngeni mürin an sain.

Pwärätä 15:3

Iwe, ra köl ewe köl än Moses ewe chon angang ngeni Kot, pwal ewe köl än ewe Lam: “Äm Kot, Samol mi Unusen Manaman, a tekia o amwarar om angang kana! En kingen ekewe mwü, a pwüng o let om kewe föför!

Pwärätä 18:20

En läng, kopwe fokun pwapwa pokiten ewe telinimw a tala. Oupwe fokun pwapwa ämi kewe chon pin, ämi kewe soukünö me ämi kewe soufos! Pun Kot a apwüngü ewe telinimw ren met a föri ngenikemi.