Nöün Paulus Toropwe ngeni ekewe Souläng lon Rom 3:4 - Chuukese Bible

⁴ Apwi, esap fokun ina usun! Kot epwe fokun let, inamwo ika aramas meinisin ra chon chofona. Usun ewe Toropwe mi Pin a apasa, “Epwe fokun pwäla pwe en mi pwüng lupwen ka kapas. Kopwe fokun win lon kapwüng lupwen ra apwünguk.”

Nöün Paulus Toropwe ngeni ekewe Souläng lon Rom 3:4 Iomraidhean Croise

Hiop 36:3

Ai silelap a watte, üpwe aea le pwärätä pwe ewe Chon Föriei a pwüng.

Hiop 40:8

Ifa usun, kopwe amwäliei? Ifa usun, kopwe atipisiei pwe en kopwe pwüng?

Kölfel 100:5

Pun ewe Samol mi Lapalap a kirikiröch, an tong ellet a nonom tori feilfeilachök, nge an allükülük a tori ekewe täppin aramas meinisin.

Kölfel 116:11

Üa apasa lon ai niuokus, “Aramas meinisin ra chofana.”

Kölfel 119:160

Masouen om kewe kapas meinisin a let. Om kewe allük mi pwüng meinisin ra nonom tori feilfeilachök.

Kölfel 138:2

Üa chapetiu ngeni imwom mi pin o kilisou ngeni itom, pokiten om tong ellet me om allükülük. Pun en ka atekiatä itom me om kapas asen ekewe mettoch meinisin.

Kölfel 51:4

Üa tipis ngonuk, fokun ngonuk echök, o föri mine a ngau me fän mesom. Iei mine a pwüng om kopwe apwüngüei, esap pwal wor om mwäl, lupwen ka eäni kapwüng.

Kölfel 62:9

Aramas tekison ra usun chök enienin asepwäl, nge aramas tekia ra usun chök och minen chofana. Are ra kilo, esap wor chour, ra pän seni enienin asepwäl.

Mika 7:20

Kopwe pwäri om allükülük me tong ellet ngeni äm noum kei aramas, äm mwirimwirin Apraham me Jakop usun ka pwon fän akapel ngeni äm kewe lewo lon ekewe fansoun lom.

Mateus 11:19

Nge lupwen Nöün Aramas a feito, a mongö o ün, nge aramas ra apasa, ‘Ou nengeni ei mwän! I eman mi mongömong me ünümong, eman mi chiechi ngeni ekewe chon ioni takises me chon tipis.’ Än Kot tipachem a pwäla pwe a let ren an kewe föför.”

Lukas 20:16

Epwe feito o niela ekei chon mälämäl, nge epwe ngeni pwal ekoch chon mälämäl an we tanipin wain.” Lupwen ekewe aramas ra rongorong ei pworaus, ra apasa, “Apw, sap ina!”

Johannes 3:33

Nge are eman epwe etiwa an kapas, a aletätä pwe Kot a let.

Nöün Paulus Toropwe ngeni ekewe Souläng lon Rom 11:1

Iwe, üa ais: Ifa usun, Kot a pöütala nöün kewe aramas? Apwi, esap fokun ina! Püsin ngang eman chon Israel, eman mwirimwirin Apraham, eman chon ewe ainangen Peniamin.

Nöün Paulus Toropwe ngeni ekewe Souläng lon Rom 11:11

Üa pwal ais: Lupwen ekewe chon Juta ra chepetek, ra turula o unusen feiengau? Apwi, esap ina! Pokiten ra tipis, manau esemüch a tori ekewe chon lükün Israel, pwe ekewe chon Juta repwe lolloletä rer.

Nöün Paulus Toropwe ngeni ekewe Souläng lon Rom 3:31

Ifa usun, wewen pwe ren ei lükülük sipwele pöütala ekewe Allük? Apwi, esap fokun ina, nge sia fen anüküchara ekewe Allük.

Nöün Paulus Toropwe ngeni ekewe Souläng lon Rom 6:15

Iwe, nge met chök sipwe apasa? Sipwe föri tipis pokiten sisap chüen nonom fän nemenien allük, nge sia nonom fän nemenien ümöümöchün Kot? Apwi, esap fokun ina!

Nöün Paulus Toropwe ngeni ekewe Souläng lon Rom 6:2

Apwi, esap fokun ina! Kich sa mäla ngeni tipis, ifa usun ach sipwe tongeni sopwela le föföri tipis?

Nöün Paulus Toropwe ngeni ekewe Souläng lon Rom 7:13

Met wewen ei? Epwe wewen pwe mine a mürina a aworato ai mäla? Apwi, esap fokun ina! Tipis a föri ei. Ren an aea mine a mürina, tipis a aworato mäla ngeniei, pwe epwe pwäpwäla wesewesen lapalapen tipis. Iei usun ren ewe allük a pwäla pwe tipis a fokun ngau.

Nöün Paulus Toropwe ngeni ekewe Souläng lon Rom 7:7

Iwe, met sipwe üra? Sipwe apasa pwe ewe Allük mi tipis? Apwi, esap fokun ina usun! Nge ewe Allük a amefi ngeniei met wewen tipis. Pun üsap weweiti usun mochenia are ewe allük esap apasa, “Kosap mochenia ngeni pisekin eman.”

Nöün Paulus Toropwe ngeni ekewe Souläng lon Rom 9:14

Iwe, ifa usun, sipwe apasa pwe Kot a föri mine esap pwüng? Apwi, esap ina!

1. Korint 6:15

Ousap silei pwe inisimi eu kinikinin ewe inisin Kraist? Ifa usun, üpwe angei eu kinikinin inisin Kraist o föri pwe epwe eu kinikinin inisin eman fin lisowu? Apwi, esap fokun ina!

2. Korint 1:18

Nge usun Kot a enletin allükülük, ai pwon ngenikemi esap “Ewer” me “Apw”.

Kalatia 2:17

Nge lupwen sia kütta pwe sipwe küna pwüng me ren Kot ren ach eufengen me Kraist, a pwä pwe kich chon tipis usun chök ekewe chon lükün Israel. Iwe, ifa usun, wewen ei pwe Kraist eman mi alisätä tipis? Apwi, esap fokun ina!

Kalatia 2:21

Üsap fokun mochen pwe üpwe pöütala än Kot ümöümöch. Pun ika eman aramas epwe küna pwüng me ren Kot ren ekewe Allük, wewen pwe än Kraist mäla a lomotongau!

Kalatia 6:14

Nge ngang won inisi üpwe chök aingaing won ewe iräpengesin ach Samol Jesus Kraist. Pun ren an we iräpenges fanüfan a iräpenges ngeniei, nge ngang üa iräpenges ngeni fanüfan.

Tuteronomi 32:4

I ewe achau, an föför ra unusen mürina, pun an kewe al meinisin ra pwüng. I eman Kot mi allükülük, esap wor an mwäl, a pwüng o wenechar.

1. Timoty 3:16

Kich sia pwärätä pwe a fokun lapalap monomonen ach lükülük: I a pwäla lon fituk, a pwä pwe a pwüng me ren Ngünmifel, chon läng kana ra küna i, chon fanüfan ra rongorong pworausan, won fanüfan mi wor chon lükü itan, Kot a angeatä lon lingan.

Titus 1:2

Iei ewe let mi longolong won ach apilükülük ngeni ewe manau esemüch. Kot, ewe esap chofona, a pwon ngenikich ei manau me mwen fansoun esepop,

Ipru 6:18

Ikkei ekewe ruu mettoch resap tongeni siwil, pun esap tufich pwe Kot epwe tongeni chofona. Iei mine kich mi nom fän tümwünüan sia fokun tipepwora lon ach kamwöchünük lon ewe apilükülüköch a anomu mwach.

1. Johannes 5:10

Iei mine eman mi lükü Nöün Kot a eäni ei kapasen pwärätä lon letipan. Nge iö esap lükü Kot a achofonai Kot, pun esap lükü met Kot a pwärätä usun Nöün we.

1. Johannes 5:20

Sia pwal silei pwe Nöün Kot a feito o fang ngenikich ach weweöch, pwe sipwe silei ewe Kot mi let. Sia nonom lon ewe Kot mi let pwal lon Nöün we Jesus Kraist. I ewe Kot mi let me ewe manau esemüch.

Pwärätä 3:7

“Kopwe makkei ngeni ewe chon künöön ewe mwichefel lon Filatelfia: Iei alon ewe eman mi pin o let, ewe mi amwöchü ewe ki än Tafit. Iwe, met a suki ngeni ewe ki esap wor eman a tongeni öpüngala, nge met a öpüngala esap wor eman a tongeni suki.