Nöün Paulus Toropwe ngeni ekewe Souläng lon Rom 3:10 - Chuukese Bible

¹⁰ Usun ekewe Toropwe mi Pin ra apasa: “Esap fokun wor eman chon pwüng.

Nöün Paulus Toropwe ngeni ekewe Souläng lon Rom 3:10 Iomraidhean Croise

Hiop 14:4

Iö a tongeni atowu och mettoch mi limöch seni och mettoch mi limengau? Esap wor eman.

Hiop 15:14

Ifa usun, eman aramas a tongeni limöch? Ika eman mi uputiu seni eman fefin a tongeni pwüng?

Hiop 15:16

epwe fen ifan eman aramas mi kon anioput o fokun ingau, a ünümi föföringau usun an ünümi koluk?

Hiop 25:4

Ifa usun än eman aramas epwe tongeni küna pwüng fän mesen Kot? Ifa usun, eman mi uputiu seni eman fefin a tongeni limöch?

Kölfel 143:2

Kosap atolongaei lon om kapwüng, ngang noum chon angang, pun esap wor eman aramas mi manau a pwüng fän mesom.

Aisea 8:20

Apwi, oupwe chök rongorong än Kot kewe allük me pwärian. Nge are ousap apwönüetä ekei kapas, esap wor remi saram.

Jeremaia 17:9

Letipen aramas a fokun atuputup lap seni mettoch meinisin, a unusen ingau. Iö a tongeni weweiti?

Mateus 15:19

Pun seni lon lelukan a towu ekiek mi ngau, ekiekin ninni, lisowu, mocheisou, solä, chofona me aitengaua aramas.

Markus 10:18

Jesus a üreni, “Pwota ka aita ngeniei mürina? Esap wor eman a mürina pwe Kot echök.

Nöün Paulus Toropwe ngeni ekewe Souläng lon Rom 11:8

Usun a mak lon ekewe Toropwe mi Pin, “Kot a föri pwe resap tongeni mefi ika weweiti och. Tori ikenai resap tongeni küna ika rongorong.”

Nöün Paulus Toropwe ngeni ekewe Souläng lon Rom 3:11

Esap wor eman mi mirit, esap wor eman mi kütta Kot.

Nöün Paulus Toropwe ngeni ekewe Souläng lon Rom 3:23

Pun aramas meinisin ra tipis, ra pwal osun lingen Kot.

Nöün Paulus Toropwe ngeni ekewe Souläng lon Rom 3:4

Apwi, esap fokun ina usun! Kot epwe fokun let, inamwo ika aramas meinisin ra chon chofona. Usun ewe Toropwe mi Pin a apasa, “Epwe fokun pwäla pwe en mi pwüng lupwen ka kapas. Kopwe fokun win lon kapwüng lupwen ra apwünguk.”

Titus 3:3

Pun me lom püsin kich sia miritimang o aleasolap, sia pwal mwalechela. Sia nom fän nemenien sokopaten mochenia me pwapwan fanüfan. Sia manaueni eu manau mi ngau me lolowo, aramas ra oputakich, nge kich sia oputa ir.

1. Petrus 1:16

Pun a mak lon ekewe Toropwe mi Pin, “Oupwe pin, usun ngang üa pin.”

Pwärätä 21:8

Nge ekewe chon niuoken me chon lükümang, ekewe chon limengau me chon niela aramas, ekewe chon lisowu me chon angangen rong, ekewe chon angang ngeni anümwäl me chon chofona meinisin repwe nom lon ewe noom mi pulopul ren ekkei me primston, iei ewe aruen mäla.”

Pwärätä 22:15

Nge me lükün ewe telinimw a wor chon föri sokun föför mi ngau usun kolak, chon föri angangen rong, chon lisowu, chon niela aramas, chon angang ngeni anümwäl me chon chofona lon ar kapas pwal lon ar föför.