Nöün Paulus Toropwe ngeni ekewe Souläng lon Rom 2:9 - Chuukese Bible

⁹ Epwe wor osukosuk me riaföü epwe tori aramas meinisin mi föri mine a ngau, akomwan epwe tori ekewe chon Juta, nge mürin epwe pwal tori ekewe chon lükün Israel.

Nöün Paulus Toropwe ngeni ekewe Souläng lon Rom 2:9 Iomraidhean Croise

2. Kronika 6:23

mürin kopwe aüseling me läng o apwüngü noum kewe chon angang. Kopwe atipisi ewe mi tipis o ukun ngeni an föför, nge kopwe pwärala pwüngün ewe chon pwüng o liwini ngeni won ükükün an pwüng.

Kölfel 32:10

A wor chomong än ekewe aramasangau riaföü, nge ewe Samol mi Lapalap a tongei o tümwünü chokewe mi anomu ar apilükülük won.

Än Salomon Fos 11:23

Än ekewe chon pwüng mochen a sopolong lon mine a mürina, nge mine ekewe aramasangau ra apilükülüküni a sopolong lon kapwüng.

Isikiel 18:4

Ngang üa nemeni manauen aramas meinisin, manauen samasam pwal manauen nöünöü kana. Iwe, ewe aramas mi tipis i chök epwe mäla.

Isikiel 22:31

Iei mine üa awarato ai song wor, üa aroserela ren choun ai lingeringer o liwini ngeniir liwinin ar föför,” iei alon Kot ewe Samol mi Lapalap.

Amos 3:2

“Ämi chök üa filikemiitä seni lein chon ekewe mwü meinisin won fanüfan. Nge pokiten ämi kewe tipis ra kon fokun ngau, iei mine üpwe fokun apwüngükemi.”

Mateus 16:26

Epwe met lomoten än eman aramas epwe feiöchüni feiöchün unusen fanüfan, nge manauan epwe pöüt seni? Esap wor och eman aramas a tongeni fangala pwe epwe angesefäli manauan.

Lukas 24:47

Ren itan oupwe afalafala chon ekewe mwü meinisin, pwe repwe ekieksefäl, pwe Kot epwe amusala ar tipis, nge oupwe popuetä lon Jerusalem.

Föför 11:18

Lupwen ra rongorong ei pworaus, ra ükütiu le esita Petrus, ra mwareiti Kot o apasa, “Kot a pwal mwüt ngeni ekewe chon lükün Israel pwe repwe ekieksefäl o küna manau.”

Föför 13:26

Ämi pwii kana re Israel, ämi mwirimwirin Apraham me ämi chon lükün Israel meinisin mi fel ngeni Kot: Ei kapasen manau Kot a fen tinato ngenikich!

Föför 20:21

Üa apöchöküla ai fön ngeni ekewe chon Juta me ekewe chon lükün Israel, pwe repwe kul seni ar tipis kana o kul ngeni Kot, repwe pwal lükü ach Samol Jesus.

Föför 26:20

Üa afalafal akom lon Tamaskus me Jerusalem, mürin lon unusen fanüen ekewe chon Juta, pwal lein ekewe chon lükün Israel, pwe repwe aier seni ar tipis o kul ngeni Kot, pwe repwe föri sokun föför mi pwärätä pwe ra ekieksefäl.

Föför 28:17

Mürin ülüngat rän, Paulus a körato ekewe souemwenin ekewe chon Juta mi chon lefanüla lon Rom pwe repwe mwichfengen. Iwe, lupwen ar chufengen, Paulus a üreniir, “Ämi pwii kana chon Israel! Inamwo ika ngang üsap föri och mi ü ngeni aramasach ika örüniach kewe sia angei seni ach kewe lewo, nge ra fötekiniei lon Jerusalem o atolongaei fän nemenien chon Rom.

Föför 28:28

Iei mine ngang üa mochen pwe ämi oupwe silei, pwe än Kot kapasen manau a tori ekewe chon lükün Israel o ir repwe aüselinga.”

Föför 3:26

Iei usun Kot a filätä nöün Chon Angang o tinato akom remi, pwe epwe afeiöchükemi ren an alisikemi pwe ämi meinisin oupwe kul seni ämi föför mi ngau.”

Nöün Paulus Toropwe ngeni ekewe Souläng lon Rom 1:16

Üsap säwäsini ewe Pworausen Manau, pun iei ewe manamanen Kot mi tongeni amanaua chokewe meinisin mi lükü, a akom ngeni ekewe chon Juta, nge mürin pwal ngeni ekewe chon lükün Israel.

Nöün Paulus Toropwe ngeni ekewe Souläng lon Rom 10:12

Pun esap wor sokofesenin chon Juta me chon lükün Israel. Kot ewe eman chök Samolun aramas meinisin, a fokun afeiöchü chokewe meinisin mi köri i.

Nöün Paulus Toropwe ngeni ekewe Souläng lon Rom 2:10

Nge Kot epwe ngeni chokewe mi föri mine a mürina ling me iteüöch me kinamwe, akomwan ngeni ekewe chon Juta, nge mürin ngeni ekewe chon lükün Israel.

Nöün Paulus Toropwe ngeni ekewe Souläng lon Rom 8:35

Meta epwe tongeni aimwükich seni än Kraist we chen? Ifa usun osukosuk, are weires, are riaföü, are echik, are mwelele, are feiengau, are mäla ra tongeni aimwükich?

Nöün Paulus Toropwe ngeni ekewe Souläng lon Rom 9:24

Pun kich chokewe i a köriir, sap chök seni me lein ekewe chon Juta, nge pwal seni me lein ekewe chon lükün Israel.

Kalatia 3:28

Esap wor sokofesenin lefilen chon Juta me chon lükün Israel, lefilen amanau me aramas mi ngas, lefilen mwän me fefin, pun ämi meinisin oua eufengen lon Kraist Jesus.

Kolose 3:11

Iwe, pokiten ei, esap chüen wor sokofesenin lefilen chon lükün Israel me chon Juta, chon sirkomsais me chon resap sirkomsais, chon ekis, chon kichiniwel, ekewe amanau me ekewe aramas mi ngas, pun Kraist chök a aüchea seniir meinisin a pwal nom lor meinisin.

2. Tesalonika 1:6

Enlet, Kot epwe föri mine a pwüng: Epwe atoto riaföü won chokewe mi ariaföüükemi,

1. Petrus 4:17

A tori ewe fansoun pwe Kot epwe popuetä le eäni kapwüng, nge epwe akomwen popuetä won nöün Kot aramas. Iwe, are epwe popuetä rech, epwe ifa usun sopolan chokewe resap aleasochisi ewe Pworausen Manau seni Kot?