Nöün Paulus Toropwe ngeni ekewe Souläng lon Rom 2:7 - Chuukese Bible

⁷ Ekoch aramas ra likitü lon ar föför mürina, ra kütta ling me iteüöch me ewe manau esap müchüla. Iwe, Kot epwe ngeniir manau esemüch.

Nöün Paulus Toropwe ngeni ekewe Souläng lon Rom 2:7 Iomraidhean Croise

Hiop 17:9

Iei mwo nge ekewe chon pwüng ra chök föföri mine a pwüng, nge chokewe mi limöch pöür ra chök pöpöchökülela.

Kölfel 27:14

Kopwe apilükülükü ewe Samol mi Lapalap, kopwe pöchökül o tipepwora. Ewer, kopwe apilükülükü ewe Samol mi Lapalap.

Kölfel 37:3

Kopwe apilükülükü ewe Samol mi Lapalap o föri mine a mürina, pwe kopwe nonom lon ewe fanü fän kinamwe.

Kölfel 37:34

Kopwe anomu om apilükülük won ewe Samol mi Lapalap o aleasochisi an kewe allük. I epwe atekioketä pwe kopwe fanüeni ewe fanü, nge en kopwe nenengeni, lupwen ekewe aramasangau repwe kasüla.

Isikiel 18:17

Esap tipeni mine a pwüngingau, esap awattela winnen nöün moni ika angei manauan, nge a apwönüetä ai kewe allük o aleasochisiir. Ätewe esap mäla pokiten än saman tipis, nge epwe fokun manau.

Mateus 25:46

Iwe, chokei repwe feila ngeni ewe apwüng esemüch, nge ekewe chon pwüng repwe feila ngeni manau esemüch.”

Lukas 21:19

Ren ämi likitü oupwe püsin amanauakemi.

Lukas 8:15

Nge ekewe pwükil mi mworotiu lon pwül mi mürina ra wewe ngeni chokewe mi rongorong kapasen Kot o amwöchü lon eu leluk mi mürina o aleasochis, ra likitü tori ra ua.

Johannes 4:36

Ewe aramas mi kini ewe räs epwe angei liwinin, epwe ionifengeni ekewe ua fän iten manau esemüch. Iei usun ewe aramas mi fofot pwal ewe mi kinikin repwe pwapwafengen.

Johannes 5:44

Ämi oua sani ämi oupwe iteföüla me ren eman me eman leimi, nge ousap kütta ämi iteföüla me ren Kot. Epwe ifa usun ämi oupwe tongeni lüküei?

Nöün Paulus Toropwe ngeni ekewe Souläng lon Rom 2:10

Nge Kot epwe ngeni chokewe mi föri mine a mürina ling me iteüöch me kinamwe, akomwan ngeni ekewe chon Juta, nge mürin ngeni ekewe chon lükün Israel.

Nöün Paulus Toropwe ngeni ekewe Souläng lon Rom 6:23

Pun liwinin tipis mäla, nge än Kot lifang manau esemüch lon Kraist Jesus ach Samol.

Nöün Paulus Toropwe ngeni ekewe Souläng lon Rom 8:18

Ngang üa lükü, pwe ekewe riaföü mi torikich lon fansoun ikenai resap löllö ngeni ewe ling epwe pwä ngenikich.

Nöün Paulus Toropwe ngeni ekewe Souläng lon Rom 9:23

A pwal mochen pwärala an ling mi lapalap, a torikich, kich chokewe a ümöümöch ngeni, o a amolakich pwe sipwe angei an we ling.

1. Korint 15:42

Iei usun mine epwe fis lupwen ekewe mi mäla repwe manausefäl. Ewe inis mi fotutiu a mämmä, nge ewe inis mi manausefäl esap mämmä.

1. Korint 15:50

Ämi pwii kana, iei wewen ai kei kapas: Mine a för seni fituk me cha esap tongeni mwüni mwün Kot, nge mine a morola esap tongeni eäni mine esap morola.

1. Korint 15:58

Iei mine ämi pwii kana mi achengicheng, oupwe apposakemi, ousap mwöküt seni ämi souläng. Oupwe alapalafochei ämi achocho lon ewe angangen ach Samol, pun oua silei pwe esap lomotongau ämi angang lon ach Samol.

Kalatia 6:9

Iwe, sisap achanü le föföri mine a mürina. Pun are sisap achanü, epwe war ewe fansoun lupwen sipwe kini ewe räs.

Efisos 6:24

Än Kot ümöümöch epwe nonom remi meinisin ämi mi echeni ach Samol Jesus Kraist ren ewe chen esap ükütiu.

Kolose 1:27

Kot a mochen pwe epwe pwäri ngeniir an we monomon mi aüchea o ling a amolätä fän iten aramas meinisin. Iei ewe monomon pwe Kraist a nonom lomi, i ach apilükülük pwe sipwe eti lon an ling.

1. Timoty 1:17

Ewe King mi nonom tori feilfeilachök, ewe eman chök Kot, ewe esap tongeni mäla, esap wor eman a tongeni küna, sipwe meniniti o alinga tori feilfeilachök! Amen.

2. Timoty 1:10

nge iei a pwäla ngenikich ren wareton ach chon Amanau Kraist Jesus. I a awesi ewe manamanen mäla o pwärala lon saram ren ewe Pworausen Manau eu sokun manau esap tongeni mäla.

Ipru 2:7

Ka föri pwe i epwe kis fän ekewe chon läng lon fansoun mochomoch. Ka ämwärämwära ngeni ling me iteüöch

Ipru 6:12

Äm aisap mochen pwe oupwe chipwang, nge oupwe wewe ngeni chokewe mi angei mine Kot a eäni pwon ren ar lükü me mosonotam.

Ipru 6:15

Apraham a likitü fän mosonotam, iei mine a fis ngeni mine Kot a eäni pwon.

1. Johannes 2:25

Iwe, iei met Kraist a püsin pwon ngenikich: ewe manau esemüch.