Nöün Paulus Toropwe ngeni ekewe Souläng lon Rom 2:4 - Chuukese Bible

⁴ Eli ka turunufasei an kirikiröch mi fokun lapalap, an songomang me tongotam! Kosap mefi pwe än Kot kirikiröch a mochen emwenuk ngeni ekieksefäl?

Nöün Paulus Toropwe ngeni ekewe Souläng lon Rom 2:4 Iomraidhean Croise

Kölfel 10:11

Nge ewe aramasangau a ekieki lon lelukan, “Kot esap ekieki usun, a aopala mesan pwe esap fokun künaei.”

Kölfel 104:24

Ai Samol mi Lapalap, ra fokun chomong ekewe mettoch ka föri. Ka föriir meinisin lon om tipachem. Fanüfan a ur ren föriom mönümanau meinisin.

Kölfel 31:19

Om kirikiröch a fokun somwola, ka eäni ngeni chokewe mi niuokusituk. Ka pwal kirikiröch ngeni chokewe mi eänuk lenien op me fän mesen aramas meinisin.

Kölfel 78:38

Nge Kot a tongeer, a amusala ar tipis, esap pwal aroserela, Fän chomong a amwöchü an song, nge esap amüchawu an lingeringer ngeniir.

Kölfel 86:15

Nge en, ai Samol, eman Kot mi ümöümöch o kirikiröch, ka songomang o wöün tong ellet me allükülük.

Kölfel 86:5

Pun en, ai Samol, ka kirikiröch o amusala tipis, om tong ellet a somwosom ngeni meinisin mi iotek ngonuk.

Ekistos 34:6

Iwe, ewe Samol mi Lapalap a lü seni Moses o kökkö, “Ngang ewe Samol mi Lapalap, ngang ewe Samol mi Lapalap, ngang eman Kot mi eäni ümöümöch me kirikiröch, üa songomang, üa pwal wöün tong me allükülük.

Än Salomon Afalafal 8:11

Are liwinin tipisin eman esap müttir fis, aramas repwe chök mochen föri föför mi ngau.

Aisea 30:18

Nge ewe Samol mi Lapalap a witiwiti chök an epwe kirikiröch ngenikemi, a pwal molotä pwe epwe ümöümöch ngenikemi. Pun ewe Samol mi Lapalap eman Kot mi unusen pwüng. Feiöchün chokewe meinisin ra anomu ar apilükülük won.

Jeremaia 7:10

Mürin, oua feito o ütä fän mesei lon ei imw mi föü itei won o apasa, ‘Sisap feiengau,’ nge oua chök sopwela le föri ekei föför mi anioput meinisin.

Isikiel 11:19

Üpwe ngeniir eu leluk mi fö, üpwe pwal fangelong lor eman ngün mi fö. Üpwe angei me leutur ewe leluk mi pöchökül usun fau o ngeniir eu leluk mi pwetete.

Isikiel 16:63

Iwe, lupwen üpwe amusala om kewe föför mi ngau meinisin, en kopwe chechemeniir o säw rer, pwe kosap chüen apasa och,” iei alon Kot ewe Samol mi Lapalap.

Osea 3:5

Mürin, ekewe chon Israel repwe kul o kütta ewe Samol mi Lapalap ar we Kot, pwal eman mwirimwirin Tafit ar we king. Repwe feito ren ewe Samol mi Lapalap fän chechech o angei an feiöch lon fansoun epwe feito.

Sona 4:2

Mürin a iotek ngeni ewe Samol mi Lapalap o apasa, “Ai Samol mi Lapalap, ifa usun, sap iei usun mine üa apasa pwe kopwe föri, lupwen üa chüen nonom won fanüei? Iei popun ai süla Tarsis, pun üa silei pwe en eman Kot mi ümöümöch o lukpwetete, ka pwal songomang o tongotam. Iwe, üa pwal silei pwe ka tipemecheres le siwili om ekiekin afeiengaua aramas kana.

Numperis 14:18

‘Ewe Samol mi Lapalap a songomang o wöün tong, a amusala föföringau me pupungau, nge esap amusafatei chon tipis, pwe a liwini än samasam tipis won nöür tori aülüngatin me arüanün tettelin aramas.’

Nöün Paulus Toropwe ngeni ekewe Souläng lon Rom 10:12

Pun esap wor sokofesenin chon Juta me chon lükün Israel. Kot ewe eman chök Samolun aramas meinisin, a fokun afeiöchü chokewe meinisin mi köri i.

Nöün Paulus Toropwe ngeni ekewe Souläng lon Rom 11:22

Iei mine oupwe ekieki usun än Kot kirikiröch me an pöchökül. A fokun pöchökül ngeni chokewe mi turutiu, nge a kirikiröch ngeni ämi. Are oua sopwela le föri mine a mürina, epwe sopwela le kirikiröch ngenikemi, nge are ousap föri iei usun, pwal ämi oupwe kuputiu.

Nöün Paulus Toropwe ngeni ekewe Souläng lon Rom 11:33

A ifan me watten wöün Kot! A ifan me alololun an tipachem me silelap! Iö a tongeni awewei an apwüng? Iö a tongeni weweiti an kewe föför?

Nöün Paulus Toropwe ngeni ekewe Souläng lon Rom 3:25

Kot a fangala Kraist, pwe ren an mäla a fis amusamusen än aramas tipis ren chaan pokiten ar lükü i. Kot a föri ei an epwe pwärätä pwe i a pwüng, pun lon an mosonotam esap apwüngü än ekewe aramas tipis ra föri me mwan.

Nöün Paulus Toropwe ngeni ekewe Souläng lon Rom 6:1

Iwe, met sipwe üra? Sipwe sopwela le föföri tipis, pwe än Kot ümöümöch epwe lapalapala?

Nöün Paulus Toropwe ngeni ekewe Souläng lon Rom 6:15

Iwe, nge met chök sipwe apasa? Sipwe föri tipis pokiten sisap chüen nonom fän nemenien allük, nge sia nonom fän nemenien ümöümöchün Kot? Apwi, esap fokun ina!

2. Korint 8:2

Ra küna watten sosot ren ekewe riaföü a toriir. Nge ar pwapwa a fokun lapalap, pwe ra fokun fangafangöch lon ar lifang, inamwo ika ra fokun wöüngau.

Efisos 1:18

Üa tüngor pwe mesen letipemi epwe nennela pwe oupwe küna an saram, pwe oupwe silei usun ewe apilükülüköch i a köri ngenikemi, pwal usun watten ekewe feiöch mi amwarar i a pwon ngeni ekewe chon pin,

Efisos 1:7

Pun lon Kraist sia ngasala ren chaan, pwe ach kewe tipis ra musala. A ifan me watten än Kot we ümöümöch

Efisos 2:4

Nge pokiten än Kot ümöümöch a fokun somwosomwola o an echenikich a fokun lapalap,

Efisos 2:7

A föri iei usun, pwe epwe pwärätä lon ekewe fansoun repwe feito an we ümöümöch mi fokun lapalap esap wor eman a tongeni awewei, a nom lon an we chen a pwäri ngenikich lon Kraist Jesus.

Efisos 3:16

Üa tüngor ngeni Kot pwe epwe fang ngenikemi tufichin Ngünün we seni lon wöün an we ling, pwe oupwe pöchökül lon letipemi.

Efisos 3:8

Ngang ewe mi kis seni ekewe chon pin meinisin, nge Kot a ngeniei ei wis mi aüchea pwe üpwe uwei ngeni ekewe chon lükün Israel ewe Pworausen Manau usun ewe wöün Kraist esap wor epin,

Filipi 4:19

Nge ai Kot epwe ngenikemi meinisin mine oua osupwang ren lon wöün mi somwola lon Kraist Jesus.

Kolose 1:27

Kot a mochen pwe epwe pwäri ngeniir an we monomon mi aüchea o ling a amolätä fän iten aramas meinisin. Iei ewe monomon pwe Kraist a nonom lomi, i ach apilükülük pwe sipwe eti lon an ling.

Kolose 2:2

Popun ai föri ei, pwe letiper epwe pöchökületä, repwe pwal tipeeufengen lon chen, pwe repwe mefi unusen aüchean ar weweöchiti o silei ewe monomonen Kot, iei i Kraist.

1. Timoty 1:16

Nge Kot a eäni tong ngeniei, pwe Kraist Jesus epwe pwärala unusen an mosonotam lon met a föri ngeniei, ngang eman chon tipis mi ngau seniir meinisin, pwe üpwe eu minen awewe ngeni chokewe repwe lükü i me mürin o repwe küna ewe manau esemüch.

1. Timoty 6:17

Kopwe allük ngeni ekewe mi pisekisek lon mettochun ei fanüfan pwe resap lamalamtekia. Resap pwal anomu ar apilükülük won wöür epwe morola, nge repwe apilükülükü Kot mi fangesom ngenikich mettoch meinisin pwe sipwe feiöch ren.

1. Petrus 3:20

Ikei ir ngünün chokewe mi aleasolap ngeni Kot, lupwen a witiwit lon an mosonotam lon ekewe rän, lupwen Noa a föri ewe waimw. Ekoch chök aramas, fokun waluman chök, ra nonom lon ewe waimw o küna manau seni ewe koluk.

2. Petrus 1:11

Ren ei oupwe fokun angei ewe pwüüng pwe oupwe tolong lon ewe Mwü esemüch än ach Samol me Chon Amanau Jesus Kraist.

2. Petrus 3:15

Oupwe ekieki usun ei, pwe ren mosonotamen ach Samol oua küna manau, usun chök pwiich we mi achengicheng Paulus a mak ngenikemi ren ewe tipachem Kot a fang ngeni.

2. Petrus 3:3

Me mwen mettoch meinisin oupwe fokun weweöchiti pwe lon ekewe ränin lesopolan ekoch aramas repwe pwä, manauer a nonom fän nemenien püsin ar mocheniangau. Repwe takirikemi

2. Petrus 3:9

Ewe Samol esap mang le apwönüetä an pwon usun ekoch ra ekieki, pwe a mosonotam ngenikemi, pun esap mochen pwe eman epwe pöütmwälila, nge a fen mochen pwe meinisin repwe ekieksefäl.

Pwärätä 2:21

Üa ngeni neminei fansoun an epwe aier seni an tipis, nge esap mochen ükütiu seni an föförün lisowu.

Pwärätä 3:20

Nengeni, üa ü lükün asam o fichifich. Are eman epwe rongorong mweliei o suki ewe asam, üpwe tolong ren o mongö ren, nge i epwe mongö rei.