Nöün Paulus Toropwe ngeni ekewe Souläng lon Rom 2:10 - Chuukese Bible

¹⁰ Nge Kot epwe ngeni chokewe mi föri mine a mürina ling me iteüöch me kinamwe, akomwan ngeni ekewe chon Juta, nge mürin ngeni ekewe chon lükün Israel.

Nöün Paulus Toropwe ngeni ekewe Souläng lon Rom 2:10 Iomraidhean Croise

Hiop 22:21

Kopwe tipeeu ngeni Kot o kinamwe ngeni. Ren ei, feiöch epwe toruk.

Kölfel 15:2

Ätewe mi aleasochisi Kot o föri mine a pwüng fansoun meinisin, a eäni kapas wenechar seni lon lelukan.

Kölfel 29:11

Ewe Samol mi Lapalap a ngeni nöün kewe aramas pöchökül, a afeiöchü nöün kewe aramas ren kinamwe.

Kölfel 37:37

Kopwe afota ewe aramas esap wor an tipis o nenengeni ätewe mi wenechar. A wor mwirimwirin ätewe mi afisätä kinamwe,

Än Salomon Fos 11:18

Eman aramasangau a angei winnen an angang nge esor iammürin, nge eman mi föri föför mi pwüng epwe angei liwinin mi nonomola.

Än Salomon Fos 8:18

Pisekisek me iteüöch ra nom rei, pwal wöü mi chök nonomola me feiöch.

Aisea 26:12

Äm Samol mi Lapalap, kopwe ngenikem kinamwe, pun äm angang meinisin aia föri en ka afisätä.

Aisea 32:17

Iwe, uän pwüng kinamwe, nge esenipaen pwüng nonomöch me lükülük tori feilfeilachök.

Aisea 48:18

Amwo kopwe aüselinga ai kewe allük! Mürin om kinamwe epwe wewe ngeni eu chanpupu, nge om pwüng epwe wewe ngeni nomongun lematau.

Aisea 48:22

Iwe, ewe Samol mi Lapalap a apasa, “Chon föföringau kana esap wor rer kinamwe.”

Aisea 55:12

Iwe, oupwe towu seni Papilon fän pwapwa o feila fän kinamwe. Chukutekia me chukutekison repwe chietä köl me mwemi, nge irän lemäl meinisin repwe alopolop.

Aisea 57:19

Iwe, üpwe awora kinamwe, kinamwe ngeni chokewe mi toau pwal ngeni chokewe mi arap, üpwe fokun amanaueer,” iei alon ewe Samol mi Lapalap.

Jeremaia 33:6

Inamwo ai föri ei, nge üpwe apöchökülasefäli ei telinimw, üpwe pwal achikara ekewe aramas o ngeniir unusen kinamwe me nonomöch.

Numperis 6:26

ewe Samol mi Lapalap epwe wopwapwa ngenikemi o fang ngenikemi kinamwe.’

Mateus 10:13

Are aramasen ewe imw ra etiwakemi, ämi kapongen kinamwe epwe nonom rer. Nge are resap etiwakemi, ämi kapongen kinamwe epwe liwinitikemi.

Lukas 1:79

pwe epwe tinetiu won chokewe mi nom lon rochopwak me nürün mäla, epwe pwal emweni pechech ngeni ewe alen kinamwe.”

Lukas 12:37

A ifa me feiöchün ekewe chon angang nöür we masta a küneer pwe ra nennela o molotä lupwen a liwinsefäl. Enlet, üpwe ürenikemi, pwe ewe masta epwe üföüfolong üfen chon angang, epwe amoteer ngeni chepel o ngeniir aner mongö.

Lukas 19:42

A apasa, “Amwo kopwe chök silei ikenai mine kopwe kinamwe ren. Nge iei a monola senuk.

Lukas 22:14

Iwe, lupwen a tori ewe fansoun, Jesus me ekewe chon kaiö ra mot ngeni chepel.

Lukas 9:48

Iwe, a üreniir, “Iö a etiwa ei semirit fän itei, a etiwaei. Nge iö a etiwaei a pwal etiwa ewe eman a tiniei. Pun iö a kis me leimi meinisin, ina i ätewe a lap mwemi meinisin.”

Johannes 12:26

Iö a mochen angang ngeniei epwe tapweto müri, pun ia ngang üpwe nom ie, ikenan nei chon angang epwe pwal nom ie. Iwe, Semei epwe asamolu chokewe mi angang ngeniei.

Johannes 14:27

Kinamwe üa likiti ngenikemi, ai kinamwe üa fang ngenikemi. Ai lifang esap wewe ngeni än fanüfan lifang. Ousap lolilen lon lelukemi, ousap pwal niuokus.

Johannes 16:33

Ngang üa fen ürenikemi usun ekei mettoch, pwe oupwe eäni kinamwe loi. Lon fanüfan ämi oupwe riaföü, nge oupwe apilükülük, pun ngang üa akufu fanüfan.”

Föför 10:35

nge a etiwa aramas mi niuokusiti i o föri mine a pwüng seni ekewe mwü meinisin.

Nöün Paulus Toropwe ngeni ekewe Souläng lon Rom 14:17

Pun Mwün Kot esap longolong won anach me ünümach, nge a longolong won pwüng, kinamwe me pwapwa mi feito seni ewe Ngünmifel.

Nöün Paulus Toropwe ngeni ekewe Souläng lon Rom 15:13

Nge ewe Kot, i popun ämi apilükülük, epwe aurakemi ren watten pwapwa me kinamwe ren ämi lükü i, pwe ämi apilükülüköch epwe säsewu ren manamanen Ngünmifel.

Nöün Paulus Toropwe ngeni ekewe Souläng lon Rom 2:7

Ekoch aramas ra likitü lon ar föför mürina, ra kütta ling me iteüöch me ewe manau esap müchüla. Iwe, Kot epwe ngeniir manau esemüch.

Nöün Paulus Toropwe ngeni ekewe Souläng lon Rom 2:9

Epwe wor osukosuk me riaföü epwe tori aramas meinisin mi föri mine a ngau, akomwan epwe tori ekewe chon Juta, nge mürin epwe pwal tori ekewe chon lükün Israel.

Nöün Paulus Toropwe ngeni ekewe Souläng lon Rom 5:1

Iwe, pokiten sia küna pwüng me ren Kot ren ach lükülük, sia kinamwefengen me Kot ren ach Samol Jesus Kraist.

Nöün Paulus Toropwe ngeni ekewe Souläng lon Rom 8:6

Are sia nonom fän nemenien fituk, sopolan mäla, nge are sia nonom fän nemenien Ngünmifel, sopolan manau me kinamwe.

Nöün Paulus Toropwe ngeni ekewe Souläng lon Rom 9:21

Ifa usun, ewe chon för sepi esap wor an pwüng an epwe föri met a mochen seni ewe eu chök pwül? Esap tongeni föri eu sepi fän iten rän mi aüchea, pwal eu sepi fän iten iteiten rän?

Nöün Paulus Toropwe ngeni ekewe Souläng lon Rom 9:23

A pwal mochen pwärala an ling mi lapalap, a torikich, kich chokewe a ümöümöch ngeni, o a amolakich pwe sipwe angei an we ling.

Kalatia 5:22

Nge iei ekewe uän Ngün: chen, pwapwa, kinamwe, mosonotam, kirikiröch, aramasöch, allükülük,

Kalatia 5:6

Pun lupwen sia fen nonom lon Kraist Jesus, esap chüen wor lomoten ach sipwe sirkomsais ika sisap sirkomsais, nge met chök a aüchea, iei ach lükü Jesus mi pwä lon ach echeni aramas.

Filipi 4:7

Iwe, än Kot kinamwe mi tekia seni ach tongeni weweiti epwe tümwünü lelukemi me ekiekimi lon Kraist Jesus.

1. Timoty 1:17

Ewe King mi nonom tori feilfeilachök, ewe eman chök Kot, ewe esap tongeni mäla, esap wor eman a tongeni küna, sipwe meniniti o alinga tori feilfeilachök! Amen.

Ipru 2:7

Ka föri pwe i epwe kis fän ekewe chon läng lon fansoun mochomoch. Ka ämwärämwära ngeni ling me iteüöch

James 2:22

Ka küna pwe an lükülük me an föför ra angangfengen, nge an lükülük a unusöchüla ren an föför.

James 3:13

Iö leimi a ekieki pwe a tipachem o mirit? Epwe alletätä ren an manaueni eu manau mi mürina me an föför mürina a föri fän tipetekison me tipachem.

1. Petrus 1:7

Popun ämi tolong lon sosot, pwe epwe pwä enletin ämi lükülük. Kolt mi tongeni tala, nge a ketel lon ekkei pwe epwe pwä ewe enletin kolt. Iei usun ämi lükülük mi aüchea seni kolt epwe fokun küna sosot, pwe epwe nükücharala. Mürin oupwe küna iteüöch me ling me itetekia lon ewe Rän lupwen Jesus Kraist epwe pwä.

1. Petrus 5:4

Iwe, lupwen ewe Meilapen Chonmas epwe pwä, oupwe angei ewe mwärämwär mi ling esap fokun aiolol.

1. Samuel 2:30

Iei mine ewe Samol mi Lapalap ewe Koten Israel a apasa, ‘Üa pwon me lom pwe om kewe lewo me mwirimwirir repwe wiseni ewe wis tori feilfeilachök. Nge iei üa apasa pwe esap chüen ina usun. Pun chokewe mi asamoluei üpwe asamoluur, nge chokewe mi turunufaseei repwe küna turunufas.