Nöün Paulus Toropwe ngeni ekewe Souläng lon Rom 2:1 - Chuukese Bible

¹ En pwii, ifa usun, ka apwüngü pwal ekoch? Esap fokun wor om künetipingen, ese lifilifil ika en iö. Pun lupwen ka apwüngü ekewe ekoch, nge mürin ka föri ekewe sokun föför usun chök ir, ka püsin atipisuk.

Nöün Paulus Toropwe ngeni ekewe Souläng lon Rom 2:1 Iomraidhean Croise

Lukas 12:14

Jesus a pölüeni, “Ätenan, iö a ngeniei ewe pwüüng pwe üpwe apwüngükemi are ineti mettochumi?”

Lukas 19:22

Iwe, ewe samol a üreni, ‘En eman chon angang mi ngau! Üpwe apwünguk won mine ka püsin apasatä. Ka fen silei pwe ngang eman mwän mi tipepöchökül, üa angei mine esap ai o kini mine üsap fotuki.

Lukas 6:37

“Ousap apwüngü aramas, pwe Kot esap apwüngükemi. Ousap atipisi aramas, pwe Kot esap atipisikemi. Oupwe amusala än eman aramas tipis, pun Kot epwe pwal amusala ämi tipis.

Nöün Paulus Toropwe ngeni ekewe Souläng lon Rom 14:22

Met ka lükü won ekei mettoch lefilom chök me Kot. A feiöch ewe aramas esap mengiringir lupwen a föri och a ekieki pwe mi pwüng.

Nöün Paulus Toropwe ngeni ekewe Souläng lon Rom 2:2

Nge kich sia silei pwe Kot a wenechar lupwen a apwüngü ekewe aramas mi föri ekei sokun föför.

Nöün Paulus Toropwe ngeni ekewe Souläng lon Rom 2:3

Nge en pwii, ka püsin föri ekei sokun föför ka apwüngü ekoch won! Ifa usun, ka ekieki pwe ka tongeni sü seni än Kot apwüng?

Nöün Paulus Toropwe ngeni ekewe Souläng lon Rom 3:9

Iwe, ifa usun kich chon Juta, sia mürina seni ekewe chon lükün Israel? Apwi! Esap fokun ina! Üa fen pwärätä pwe chon Juta me chon lükün Israel ra wewefengen, ir meinisin ra nonom fän nemenien tipis.

Nöün Paulus Toropwe ngeni ekewe Souläng lon Rom 9:20

Pwii, nge pwota ka tongeni wippin ngeni Kot? Ifa usun, eu sepi seni pwül a tongeni aisini ewe chon föri, “Pwota ka föriei pwe üpwe iei usun?”

1. Korint 4:5

Iei mine ousap apwüngü eman me mwen an epwe war ewe fansoun mi fich. Ewe amüchülan kapwüng epwe witiwit tori ach Samol epwe war. I epwe asarama mine a monomonola lon rochopwak o pwärawu mine a monomon lon ekiekin aramas. Mürin aramas meinisin repwe angei me ren Kot iteüöchür lon met a fich ngeni eman me eman.

1. Korint 7:16

En fefin mi souläng, ifa usun om kopwe silei pwe kopwe tongeni amanaua pwülüom we? Ika en mwän mi souläng, ifa usun om kopwe silei pwe kopwe tongeni amanaua pwülüom we?

James 2:20

Ka umwes! Ifa usun, ka mochen än eman epwe alletätä ngonuk, pwe lükülük ese fiti föför a mä?

James 4:11

Ämi pwii kana, ousap aitengauafengenikemi lefilemi. Iö a aitengaua eman pwiin souläng ika apwüngü, a aitengaua o apwüngü ewe Allük. Are ka apwüngü ewe Allük, mürin kosap chüen eman chon aleasochis ngeni, nge ka eman chon apwüngü ewe Allük.