Nöün Paulus Toropwe ngeni ekewe Souläng lon Rom 16:2 - Chuukese Bible

² Oupwe etiwa neminei fän iten ewe Samol usun mine oua föri ngeni ekewe chon pin o oupwe alisi i lon mine a osupwang ren, pun i a pwal alisi chomong aramas, a pwal alisiei.

Nöün Paulus Toropwe ngeni ekewe Souläng lon Rom 16:2 Iomraidhean Croise

Mateus 25:40

Iwe, ewe king epwe pölüeni, ‘Enlet, üpwe ürenikemi: Mine oua föri ngeni eman lein ekewe pwii mi fokun kisikis, iei oua föri ngeniei.’

Föför 9:13

Ananias a üreni, “Ai Samol, üa rongorong chomong pworaus usun ei mwän me ekewe föför mi ngau meinisin a föri ngeni noumw kewe chon pin lon Jerusalem.

Föför 9:15

Nge ach Samol a üreni Ananias, “Kopwe feila, pun ei mwän üa filätä pwe epwe angang ngeniei, epwe asilefeili itei ngeni chon lükün Israel, ngeni ekewe king pwal ngeni chon Israel.

Föför 9:36

A wor eman fefin itan Tapita lon Joppa, a lükü Jesus. (Itan lon kapasen Krik Torkas, wewen: eman chia.) Neminei a fang an fansoun meinisin le föri föför mürina o alisi chon wöüngau.

Föför 9:39

Iei mine Petrus a ütä o etiir. Iwe, lupwen a tori ewe imw, ra emwenätä lon ewe ruum asan. Ikenan ekewe fefin mi mä pwülüer ra mwicheto ünükün, ra kechü o aiti ngeni Petrus ekewe söch me sokopaten üf Torkas a tei fän iter lupwen a chüen manau.

Föför 9:41

Petrus a amwöchü pöün o alisätä pwe epwe ütä. Mürin a kökköri ekewe chon lükü meinisin fiti ekewe fefin mi mä pwülüer o api ngeniir neminewe pwe a manau.

Nöün Paulus Toropwe ngeni ekewe Souläng lon Rom 15:7

Iwe, oupwe etiwafengenikemi lefilemi, usun chök Kraist a etiwakemi, pwe lingen Kot epwe fis.

Nöün Paulus Toropwe ngeni ekewe Souläng lon Rom 16:15

Ai kapong ngeni Filolokus me Julia, ngeni Nereus me fefinan we, ngeni Olimpas, pwal ngeni ekewe chon pin meinisin mi nom rer.

Nöün Paulus Toropwe ngeni ekewe Souläng lon Rom 16:23

Kaius, ätewe üa nonom ren, pwal chon ewe mwichefel a mwichfengen lon imwan ra kapong ngenikemi. Erastus, ewe chon tümwünü moni fän iten ewe telinimw, me pwiich Kwartus ra kapong ngenikemi.

Nöün Paulus Toropwe ngeni ekewe Souläng lon Rom 16:6

Ai kapong ngeni Maria, neminewe mi angang weires fän itemi.

Nöün Paulus Toropwe ngeni ekewe Souläng lon Rom 16:9

Ai kapong ngeni Urpanus chienach we chon angang lon än Kraist angang, pwal ngeni Stakis chienei we mi achengicheng.

Efisos 5:3

Pokiten ämi nöün Kot aramas mi pin, esap pwüng pwe sokopaten föförün lisowu ika mocheisou ika tipemong epwe fen mwo nge fis ika föü lefilemi.

Filipi 1:27

Iwe, iei ewe mettoch mi aüchea, pwe lapalapen manauemi epwe fich ngeni ewe Pworausen Manau usun Kraist. Mürin ese lifilifil ika ngang üpwe tongeni feila churikemi ika üsap, nge üpwe rongorong pwe oua üppos lon eu chök popun, oua pwal achocho le ütä lon eu chök tip fän iten ämi lükü ewe Pworausen Manau.

Filipi 2:29

Iwe, oupwe etiwa i fän pwapwa usun eman pwimi lon ach Samol. Oupwe meniniti ei sokun aramas,

Kolose 4:10

Aristarkus chienei chon fötek a tinala an kapong ngenikemi, pwal Markus pwiin Parnapas. (Oua fen angei ekewe kapasen öüröür usun ämi oupwe etiwa Markus are epwe feito remi.)

1. Timoty 2:10

nge repwe foute ngeniir föför mürina usun a fich ngeni fefin kana mi souläng.

2. Timoty 1:18

Ach Samol epwe ümöümöch ngeni lon ewe Ränin kapwüng! Ka fokun silei usun ükükün an alisiei me lon Efisos.

Titus 2:3

Ina chök usun om kopwe aiti ngeni ekewe chinlap fefin ar repwe usun ekewe fefin mi manaueni eu manau mi pin. Resap luapas, resap riri ngeni ükün wain. Repwe fokun asukula mine a mürina

Filimon 1:12

Ngang üa tinsefäliela reöm iei, nge lelukei a pwal etala i.

Filimon 1:17

Iei mine are ka ekieki pwe ngang eman chienom, kopwe etiwasefäli Onesimus usun chök om etiwaei.

2. Johannes 1:10

Iei mine are eman a feito remi nge esap uwato ei afalafal, ousap etiwa i lon imwemi, ousap mwo nge apasa lon ämi kapong, “Kinamwe epwe nonom reöm.”