Nöün Paulus Toropwe ngeni ekewe Souläng lon Rom 15:3 - Chuukese Bible

³ Pun Kraist esap chök kütta mine epwe püsin pwapwa ren. Nge iei usun a mak lon ekewe Toropwe mi Pin, “Ekewe kapasen esit mi toruk ra pwal toriei.”

Nöün Paulus Toropwe ngeni ekewe Souläng lon Rom 15:3 Iomraidhean Croise

Kölfel 69:20

Ekewe kapasen turunufas ra atatakisi lelukei pwe üa nom lon apilükingau. Üa kütta ika eman epwe tongeei, nge esap wor eman, üa pwal kütta ika eman epwe achipaei, nge esap wor eman.

Kölfel 69:9

Pun ai ekipwichi imwom mi pin a küküri leüti usun ekkei, nge ekewe kapasen esit mi toruk ra pwal toriei.

Mateus 10:25

Iei mine eman chon kaiö epwe menemenöch an epwe wewe ngeni nöün sense, nge eman chon angang epwe menemenöch an epwe wewe ngeni an masta. Are ra aita ngeni möküren ewe famili Peelsepul, epwe ifan me ngauen ewe it repwe aita ngeni chon an famili meinisin.

Mateus 26:39

Iwe, Jesus a feila ekis, a chapetiu lepwül o iotek, “Semei, are epwe tufich, kopwe angei seniei ei kapen riaföü, nge are ese tufich, letipom epwe fis, nge sap letipei.”

Mateus 26:42

Jesus a pwal liwinsefälila o iotek, “Semei, are ei kapen riaföü esap tongeni feil seniei, üpwe fokun ünümi, pun letipom epwe chök fis.”

Mateus 27:44

Pwal mwo nge ekewe chon solä mi eti Jesus le iräpenges ra turunufasei i ren ekewe chök ititin kapas.

Johannes 15:10

Are oua aleasochisi ai kewe allük, oupwe nonom lon ai chen, usun ngang üa aleasochisi än Semei kewe allük o nonom lon an chen.

Johannes 15:24

Are ngang üsap föri leir ekewe föför esap mwo wor eman a föriir, esap wor ar tipis. Iwe, iei ra küna ekewe manaman üa föriir, nge ra fen oputaei me Semei.

Johannes 4:34

Jesus a üreniir, “Anei mongö ai üpwe aleasochisi letipen ewe mi tiniei o awesala ewe angang a awisa ngeniei pwe üpwe föri.

Johannes 5:30

“Iwe, üsap tongeni föri och ren püsin inisi. Üa apwüngü aramas won met Kot a üreniei. Iei mine ai apwüng a let, pun üsap föri letipei, pwe letipen ewe mi tiniei.

Johannes 6:38

Pun üa feitiu seni läng pwe üpwe föri letipen ewe mi tiniei, nge sap püsin letipei.

Johannes 8:29

Iwe, ewe mi tinieito a etiei. Esap likitiei ai üpwe aleman, pun üa föri mine a pwapwa ren fansoun meinisin.”

2. Korint 8:9

Pun oua silei ewe ümöümöch än ach Samol Jesus Kraist, inamwo ika a pisekisekila, nge a wöüngauela fän itemi, pwe ämi oupwe pisekisekila ren an wöüngau.

Filipi 2:5

Oupwe eäni ewe chök ekiek Kraist Jesus a eäni:

Filipi 2:8

A püsin atekisonatiu o eäni aleasochis tori mäla, tori an mäla won iräpenges.