Nöün Paulus Toropwe ngeni ekewe Souläng lon Rom 15:2 - Chuukese Bible

² Kich meinisin sipwe föri mine pwiich kewe souläng repwe pwapwa o feiöch ren, pwe repwe fefeitä lon ar lükülük.

Nöün Paulus Toropwe ngeni ekewe Souläng lon Rom 15:2 Iomraidhean Croise

Nöün Paulus Toropwe ngeni ekewe Souläng lon Rom 14:19

Iei mine sipwe fokun achocho ngeni mine epwe afisätä kinamwe o alilisfengen le apöchökülafengenikich lefilach.

1. Korint 10:23

Iwe, ra apasa, “A mwümwütä ngenikich pwe sipwe föri mettoch meinisin.” Ewer, mi pwüng, nge sap mettoch meinisin ra lomot ngenikich. “A mwümwü ngenikich ach sipwe föri mettoch meinisin,” nge sap mettoch meinisin ra alisikich.

1. Korint 10:24

Esap wor eman leimi epwe chök kütta püsin an feiöch, nge epwe pwal kütta feiöchün chiechian souläng.

1. Korint 10:33

Oupwe chök föri usun mine ngang üa föri. Üa sotuni ai üpwe apwapwai aramas meinisin lon meinisin mine üa föri. Üsap kütta mine üpwe püsin feiöch ren, nge üa kütta mine ekewe chomong repwe feiöch ren, pun üa mochen pwe repwe küna manau.

1. Korint 13:5

Chen esap föri mine a asäw, esap kütta püsin an, esap koum, esap ekieki o chechemeni mine eman a mwäl ngeni won.

1. Korint 14:26

Iwe, ämi pwii kana, iei met üpwe kapas usun. Lupwen oua mwichfengen pwe oupwe fel ngeni Kot, oupwe apasa en me mefian eman echö köl, eman eu afalafal, eman eu kapasen pwärätä seni Kot, pwal eman eu fos lon kapasen ekis, nge pwal eman eu kapasen aföüü met ätewe a apasa. Nge ekei alilis meinisin repwe fokun afefetai mwichefel.

1. Korint 14:3

Nge ewe eman mi afalafala än Kot kapas, a kapas ngeni aramas, a alisiir, a apöchöküla ar souläng o echiper lon manauer.

2. Korint 12:19

Ifa usun, oua ekieki pwe äm aia püsin penikem me mwemi lon ekewe fansoun me mwan? Apwi, äm aia kapas mwen mesen Kot usun chon nom lon Kraist. Ämi pwiim kana mi achengicheng, aia föri mettoch meinisin pwe aipwe alisikemi lon ämi souläng.

2. Korint 13:9

Äm aia pwapwa lupwen aia apwangapwang, nge ämi oua pöchökül. Iei mine aia iotek pwe ämi oupwe unusöchüla lon ämi souläng.

Efisos 4:12

A föri ei pwe epwe amolöchü nöün Kot kewe aramas meinisin fän iten ewe angang souläng ra wisen föri, pwe repwe apöchökülätä ewe inisin Kraist.

Efisos 4:29

Esap wor kapas mi ngau epwe towu seni lon awemi, pwe kapas mi mürina chök, sokun kapas mi afefetai aramas o alisiir lon ar osupwang, pwe chokewe mi rongorong ngeni repwe feiöch ren.