Nöün Paulus Toropwe ngeni ekewe Souläng lon Rom 13:4 - Chuukese Bible

⁴ Pun ir nöün Kot chon angang, ra angang fänäsengesimi pwe oupwe feiöch. Nge are oua föri mine a ngau, oupwe niuokusitiir, pun a wor ar pöchökül le apwüngü aramas. Ir nöün Kot kewe chon angang, ra wisen apwönüetä pwüngün än Kot we apwüng ngeni chokewe mi föri mine a ngau.

Nöün Paulus Toropwe ngeni ekewe Souläng lon Rom 13:4 Iomraidhean Croise

1. King 10:9

Üpwe mwareiti ewe Samol mi Lapalap om we Kot mi pwapwaituk o atolongok lon ewe wisen king lon Israel. Pokiten ewe Samol mi Lapalap a echeni Israel tori feilfeilachök, iei mine a seikuketä pwe kopwe nöür king o eäni kapwüng me pwüng ngeniir.”

2. Kronika 19:6

Iwe, a üreni ekewe soukapwüng, “Oupwe ekieköchü mine oupwe föri lon kapwüng. Pun ousap angei wisemi seni aramas, pwe seni ewe Samol mi Lapalap. I epwe nom remi, lupwen oua eäni kapwüng.

Än Salomon Fos 16:14

Än eman king lingeringer a usun chök eman chon künö mi uwato pworausen mäla, nge eman mi mirit a tongeni amanasösötiu an lingeringer.

Än Salomon Fos 20:2

Än eman king lingeringer a usun chök wörüwörün eman laion, nge eman mi asonga a püsin afeiengaua manauan.

Än Salomon Fos 20:26

Eman king mi tipachem a tongeni asila iö a föri mine a ngau. Epwe apwüngü ekewe aramasangau, nge esap eäni tong.

Än Salomon Fos 20:8

Eman king mi mot won an lenien mot o eäni kapwüng a tongeni asila mine a ngau, lupwen a küna.

Aisea 1:17

Iwe, oupwe kaiö föföröch o kütta pwüngüöch, nge oupwe epeti angangen chon mwänewüs. Oupwe peni chokewe mi mäsen, oupwe pwal alisi ekewe fefin mi mä pwülüer.”

Jeremaia 5:28

ra pwal kitinupula o lükümisimis. Ar föföringau esap wor aükükün. Resap alisi ekewe mi mäsen lon kapwüng pwe repwe win, resap pwal peni ekewe chon mwelele pwe epwe toriir ar pwüüng.

Isikiel 22:27

Ekewe nöüwis mi nom lon ra usun chök wolif mi ochei liaper. Iwe, ra nimanauei aramas, pwe repwe pisekisekila ren.

Isikiel 25:14

Nei kewe aramasen Israel repwe ngeni chon Etom chappen ar föför fän itei. Ir repwe eäni ai song me lingeringer ngeni chon Etom. Ren ei repwe silei pwe ngang üa ngeniir chappen ar föför,” iei alon Kot ewe Samol mi Lapalap.

Mika 3:9

Oupwe rongorong, ämi kewe mi emweni ekewe mwirimwirin Jakop pwal ämi mi nemeni ekewe chon Israel, ämi chokewe mi oput pwüng o atoka meinisin mine a wenechar,

Nöün Paulus Toropwe ngeni ekewe Souläng lon Rom 12:19

Ämi pwii kana, ousap liwini ngeni eman chappen an föför, nge oupwe mwüt ngeni Kot epwe föri. Pun a mak lon ewe Toropwe mi Pin, “Ngang üpwe ngeniir chappen ar föför, üpwe liwini ngeniir ükükün liwinin ar föför mi ngau, iei alon ewe Samol.”

Nöün Paulus Toropwe ngeni ekewe Souläng lon Rom 13:6

Iei pwal popun pwe ämi oupwe mönätiu ämi takises, pun ekewe nöüwis ra angang fän iten Kot lupwen ra apwönüetä wiser.

1. Tesalonika 4:6

Iwe, ren ei lapalap esap wor eman mwän epwe föri och mi mwäl ngeni chiechian souläng ika föri angangen atuputup ngeni. Äm aia fen ürenikemi ei me mwan o aia fokun fönöü ngenikemi, pwe ach Samol epwe apwüngü chokewe mi föri ei sokun föför mi ngau.

Josua 20:5

Nge are ewe mi kütta liwinin chan aramasan a tapweri, ekewe souakom resap asechalong ewe mi niela eman aramas lepöün. Repwe tümwünü, pokiten a niela chon arun fän chechengau, nge esap oput i me mwan.

Josua 20:9

Ikkei ekewe telinimwen op mi kefilitä fän iten ekewe aramasen Israel meinisin, pwal fän iten chon ekis mi siamü lefiler. Pun iteiten eman me eman mi niela eman aramas fän chechengau a tongeni sü ngeniir, pwe esap mäla ren ätewe mi kütta liwinin chan aramasan, tori a fis kapwüngün fän mesen ewe mwichen aramas.

1. Petrus 2:14

pwal ngeni ekewe kepina, i a awiser pwe repwe apwüngü chokewe mi föföringau o aitöchü chokewe mi föri mine a mürina.