Nöün Paulus Toropwe ngeni ekewe Souläng lon Rom 13:1 - Chuukese Bible

¹ Aramas meinisin repwe aleasochisi nöüwisen ewe mwü mi nemeniir. Pun esap wor ar nemenem are Kot esap mwütätä ngeniir, nge Kot a ngeni ekewe nöüwis wiser pwe repwe nemenem.

Nöün Paulus Toropwe ngeni ekewe Souläng lon Rom 13:1 Iomraidhean Croise

Kölfel 62:11

Eu mettoch Kot a kapas usun. Ruu mettoch üa rongorong usun, pwe en Kot echök ka manaman.

Än Salomon Fos 24:21

Nei kopwe niuokusiti ewe Samol mi Lapalap o asamolu ewe king, nge kosap chiechi ngeni chokewe mi ü ngeniir.

Taniel 2:21

A siwili fansoun me kinikinin, a asapwilätiu king kana o seikiretä lon wiser, a pwal fang ngeni chon tipachem ar tipachem o ngeni chon silelap ar silelap.

Taniel 4:17

Ei allük a pwüngüla me ren ekewe chon künö mi pin, a pwal rongofeil me rer, pwe aramas repwe silei pwe Ewe mi Fokun Tekia a nemeni mwün aramas, repwe pwal silei pwe a fangala nemenem ngeni iö a mochen fang ngeni o seikätä chon tekison pwe repwe nemenem.’

Taniel 4:32

Aramas repwe asuukela seni me leir pwe kopwe nonom lein ekewe mönün lemäl. Kopwe mongö fetil usun chök kow lon ükükün fisu ier, tori kopwe mefi pwe Ewe mi Fokun Tekia a nemeni mwün aramas, nge a ngeni iö a mochen fang ngeni.”

Mateus 6:13

Iwe, kosap atolongakem lon sosot, nge kopwe angasakem seni ewe mi ngau. [Pun om chök mwü me manaman me ling feilfeilachök. Amen’]

Johannes 19:11

Jesus a pölüeni, “A chök wor om pwüüng woi pokiten Kot a ngonuk. Iei mine ätewe mi atolongaei lepoumw a kon watte an tipis lap seni om.”

Föför 2:41

Iwe, chomong me leir ra lükü an afalafal o ra papatais. Lon ewe rän ina epwe ükükün ülüngat ngeröü aramas ra pach ngeni ewe mwichen chon lükü Jesus.

Nöün Paulus Toropwe ngeni ekewe Souläng lon Rom 12:21

Kosap mwüt ngeni ngau epwe akufuk, nge kopwe akufu met mi ngau ren om föföröch.

Nöün Paulus Toropwe ngeni ekewe Souläng lon Rom 13:2

Are eman a ü ngeni ekewe nöüwis, a ü ngeni met Kot a akota. Nge ika eman epwe föri iei usun, epwe küna kapwüng.

Efisos 5:21

Oupwe aleasochisfengen lefilemi pokiten oua asamolu Kraist.

Tuteronomi 17:12

Nge are eman a aücho pwe esap aleasochis ngeni mine a kapwüngüla me ren ewe soukapwüng ika souasor mi angang ngeni ewe Samol mi Lapalap ämi we Kot, ewe aramas epwe fokun ninnila. Iei usun oupwe limetawu mine a ngau seni lon Israel.

1. Timoty 2:2

fänäsengesin ekewe king me ekewe nöüwis meinisin, pwe sipwe manaueni eu manau fän mosonoson me kinamwe, sipwe pwal asamolu Kot o aramasöch ngeni aramas.

Titus 3:1

Kopwe achema ngeni noumw kewe souläng, pwe repwe fokun aleasochis ngeni ekewe samol me sounemenem, repwe pwal molotä ngeni ar repwe föri sokun föför mi mürina.

Jutas 1:8

Lon ewe chök sokun lapalap, ekei aramas a wor künaer mi aselipa ngeniir ar repwe tipis ngeni püsin inisiir. Ra turunufasei än Kot nemenem o esita ekewe meilap lon läng mi wor ar ling.

Pwärätä 1:5

pwal seni Jesus Kraist ewe chon pwärätä mi allükülük, ewe mwänichi, Kot a amanauasefäli seni mäla, i ewe mi nemeni ekewe king won fanüfan. I a echenikich o angasakich seni ach tipis ren chaan,

Pwärätä 17:14

Repwe maun ngeni ewe Lam, nge ewe Lam epwe akufuur, pun i ewe Samol mi lap seni ekewe samol meinisin, pwal i ewe King mi tekia seni ekewe king meinisin. Nge chokewe mi tapwela mürin ir chon kö, chon fil me chon allükülük ngeni.”

Pwärätä 19:16

Won üfan pwal won wilan a mak ewe it, “Ewe King mi tekia seni ekewe king meinisin, me ewe Samol mi lap seni ekewe samol meinisin.”

1. Samuel 2:8

A aütai ekewe chon wöüngau seni lon pwül, a ekiewu chon mwelele seni lon ewe ioien falang, a amoteer ren ekewe samol o alenier won än chon iteföüla lenien mot. Pun ekewe longolongun fanüfan än ewe Samol mi Lapalap. I a aüetä fanüfan wor.