Nöün Paulus Toropwe ngeni ekewe Souläng lon Rom 12:3 - Chuukese Bible

³ Iwe, pokiten än Kot lifangen ümöümöch ngeniei, üpwe ürenikemi meinisin: Ousap ekiekin tipetekia seni mine a fichitikemi, nge oupwe tipetekison lon ämi ekiek o püsin apwüngükemi ngeni ewe aükükün lükülük Kot a ngenikemi.

Nöün Paulus Toropwe ngeni ekewe Souläng lon Rom 12:3 Iomraidhean Croise

Än Salomon Fos 25:27

Esap öch om kopwe ünümi chomong chönün chunen, esap pwal öch om kopwe püsin kütta watten iteüöchum.

Än Salomon Fos 26:12

Ka küna eman mwän mi ikeetä pwe a tipachem? A wor watten apilükülük fän iten eman chon tiparoch lap seni ätewe mi püsin ikeetä.

Än Salomon Afalafal 7:16

Üa mefi pwe ese nien lomot om kopwe achomonga om föförün pwüng ika alapala om tipachem. Pwota ka mochen püsin afeiengauok?

Mika 6:8

En aramas, ewe Samol mi Lapalap a aiti ngonuk mine a mürina. Met a mochen pwe kopwe föri? A mochen pwe kopwe föri mine a pwüng o eäni kirikiröch, kopwe pwal tipetekison fän mesen om we Kot.

Lukas 18:11

Iwe, ewe Farisi a ütä, a iotek lon lelukan o üra, ‘Ai Kot, üa kilisou ngonuk, pwe üsap usun ekewe ekoch aramas, ir chon solä, chon pwüngingau, chon lisowu, ika fen pwal usun ei chon ioni takises.

Johannes 3:34

Iwe, ewe eman Kot a tinato a apasatä än Kot kewe kapas, pun Kot a aunusa ngeni Ngünün.

Nöün Paulus Toropwe ngeni ekewe Souläng lon Rom 1:5

Ren Jesus Kraist, Kot a ngeniei ewe ümöümöch, pwe üpwe wiseni ewe wisen soukünö fän itan, pwe üpwe emweni aramasen ekewe mwü meinisin pwe repwe lükü i o aleasochis ngeni.

Nöün Paulus Toropwe ngeni ekewe Souläng lon Rom 11:20

Mi pwüng. Ra kuputiu pokiten resap lükü, nge ämi oua nomotiu lon lenier pokiten oua lükü. Iwe, ousap lamalamtekia usun ei, nge oupwe niuokus.

Nöün Paulus Toropwe ngeni ekewe Souläng lon Rom 11:25

Ämi pwii kana, mi wor eu monomon mi enlet üa mochen pwe ämi oupwe silei, pwe ousap ekieki püsin ämi tipachem. Iei ewe monomon: Än chon Israel ülöförea lon letiper esap soposopola, nge epwe chök müchüla lupwen epwe unus iteiten chon lükün Israel repwe feito ren Kot.

Nöün Paulus Toropwe ngeni ekewe Souläng lon Rom 12:16

Oupwe tipeeufengen lefilemi. Ousap lamalamtekia, nge oupwe tipeni le föri angang mi tekisoson. Ousap ekieki pwe oua tipachem.

1. Korint 15:10

Nge ren än Kot ümöümöch üa wilila o wiliti eman soukünö. Iwe, an ümöümöch ngeniei esap lomotongau, pun mi enlet üa fokun achocho le angang lap seniir meinisin. Nge pwüngün pwe sap ngang üa föri ei angang pwe än Kot ümöümöch a nom rei.

1. Korint 3:10

Ren ewe ümöümöch Kot a fang ngeniei, ngang üa föri ewe longolong usun eman mi silelap le aüetä imw, nge eman aramas a köütä won. Iwe, eman me eman epwe tümwünüöchü met epwe aüetä won.

1. Korint 7:17

Iwe, eman me eman epwe chök nonom lon nonomun lon manauan usun ach Samol a akota ngeni lupwen Kot a köri. Iei ewe allük üa afalafala lon ekewe mwichefel meinisin.

2. Korint 10:13

Nge me rem, äm aingaing esap lu seni ewe aükük, epwe chök nom won aükükün ewe angang Kot a awisa ngenikem, a pwal pachelong äm angang leimi.

2. Korint 12:13

Pun ren met a kis ämi feiöch seni ekewe ekoch mwichefel, nge eu chök pwe üsap aweiresikemi pwe oupwe ngeniei och alilis? Ouse mochen oupwe amusala ai mwäl.

2. Korint 12:7

Pwe üsap fokun lamalamtekia ren chomongun ekewe mettoch mi amwarar üa küna lon künaei we, Kot a ngeniei eu samau üa fokun metek ren usun itä nge eman nöün Satan chon künö a wichiei, pwe üsap lamalamtekia.

Kalatia 6:3

Are eman a ekieki pwe mi wor itan, nge esap fokun wor, ätewe a püsin atupu.

Efisos 3:2

Üa lükü pwe oua fen rong, pwe lon än Kot ümöümöch a ngeniei ei angang pwe üpwe föri fänäsengesimi.

Efisos 3:4

Nge are oupwe aleani mine üa fen makkeetiu, oupwe tongeni silei usun ai weweiti ewe monomonen Kraist.

Efisos 4:16

Fan an nemenem ekewe sokopaten kifetin ewe inis meinisin ra masfengen, nge unusen ewe inis a kochufengen ren ekewe kirupun lekupukup meinisin mi wor ren. Iei usun lupwen eu me eu kewe kifetin inis a föri wisan, unusen ewe inis epwe mämäritä o püsin pöchökületä ren tong.

Filipi 2:13

pun Kot ewe a angang lomi, epwe afisätä ämi mochen me ämi tufichin apwönüetä letipan.

Kolose 1:29

Üa fokun angang weires pwe epwe fis ei o üa aea ewe watten pöchökül Kraist a ngeniei, ewe a pwal akangang loi.

Kolose 2:13

Me lom oua mäla lon pekin ngün pokiten oua tipis, pwal pokiten oua chon lükün Israel, esap nom remi än Moses kewe Allük. Nge iei Kot a amanauakemi fiti Kraist. A amusala ach tipis meinisin

1. Timoty 1:14

Iwe, ach Samol a tinatiu woi an ümöümöch mi somwola o fang ngeniei lükülük me chen mi nom lon Kraist Jesus.

1. Timoty 2:15

Nge ekewe fefin repwe küna manau ren ar nöünöü, are repwe likitü lon ar lükü, lon ar eäni chen, lon ar pin me mirit.

1. Timoty 2:9

Üa pwal mochen pwe ekewe fefin repwe üföüföch, repwe öüköchü üfer o üföüf sokun üf mi fich ngeni souläng. Resap firesi mökürer ren sokopaten fifires, ika mwärämwär kolt ika fau aüchea ika üföüf üf mi mömong,

Titus 2:12

Än Kot ümöümöch a aiti ngenikich ach sipwe likitala ach turunufas me mochenian fanüfan, nge sipwe eäni mirit, pwüng me soulängöch lon ach manau lon ei fanüfan.

Titus 2:2

Kopwe aiti ngeni ekewe chinlap mwän ar repwe tipefesir me tipepwetete, repwe tufichin nemeni püsin inisiir, repwe pöchökül lon ar lükülük, lon ar chen, pwal lon ar likitü.

Titus 2:4

lon ar aiti ngeni ekewe föpwül usun ar repwe echeni pwülüer me nöür kana,

Titus 2:6

Ina chök usun om kopwe fönöü ekewe alüal ar repwe nemeni püsin inisiir.

James 4:6

Nge Kot a awattei ngenikich an ümöümöch. Iei mine a mak lon ekewe Toropwe mi Pin, “Kot a ü ngeni ekewe chon lamalamtekia, nge a ümöümöch ngeni ekewe chon tipetekison.”

1. Petrus 1:13

Iei mine oupwe amolätä ekiekimi ngeni ei angang. Oupwe püsin tümwünükemi o fokun anomu ämi lükülük won ewe feiöch epwe torikemi lupwen Jesus Kraist epwe pwäto.

1. Petrus 4:11

Are eman a afalafal, epwe fokun afalafala än Kot Kapas. Are eman a alisi aramas, epwe alilis lon ükükün an pöchökül Kot a ngeni lon ewe angang, pwe lon mettoch meinisin Kot epwe küna ling ren Jesus Kraist, ewe mi eäni ling me manaman tori feilfeilachök. Amen.

1. Petrus 4:7

Iwe, a arapoto sopolan mettoch meinisin. Iei mine oupwe püsin nemeni letipemi o mamasakemi, pwe epwe tongeni fis ämi iotek.

1. Petrus 5:5

Ina usun pwal ämi alüal kana, oupwe aleasochisi ekewe chinlap. Ämi meinisin oupwe fokun eäni tipetekison lon ämi alilisfengen lefilemi. Pun a mak lon ekewe Toropwe mi Pin, “Kot a ü ngeni chon lamalamtekia kana, nge a ümöümöch ngeni chon tipetekison kana.”

1. Petrus 5:8

Oupwe amolakemi o mamasa, pun Tefil, ewe chon oputakemi, a fetalfeil usun eman laion mi wörüwör, nge a kütta iö epwe oromala.

3. Johannes 1:9

Ngang üa makkei echö toropwe ngeni mwichefel, nge Tiotrefes, ätewe mi mochen an epwe nemenem, esap aüseling ngeni met üa apasa.