Nöün Paulus Toropwe ngeni ekewe Souläng lon Rom 12:2 - Chuukese Bible

² Ousap apirü pomwen fanüfan, nge oupwe mwüt ngeni Kot pwe epwe awilikemi o asöföla unusen letipemi. Mürin oupwe tongeni silei letipen Kot, ren met mi mürina me unusöch, pwal met mi apwapwai i.

Nöün Paulus Toropwe ngeni ekewe Souläng lon Rom 12:2 Iomraidhean Croise

Esra 10:11

Iei oupwe pwärätä ämi tipis ngeni ewe Samol mi Lapalap än ämi kewe lewo we Kot o föri letipan. Oupwe imwü seni ekewe aramas lon ei fanü, pwal seni pwülüemi kewe ekewe fin ekis.”

Kölfel 119:103

Om kewe kapasen pwon ra fokun arar me rei, ra arar seni chönün chunen me lon awei.

Kölfel 119:128

Iei mine üa apwönüetä om kewe öüröür meinisin, nge üa oput ekewe föför mi mwäl.

Kölfel 119:174

Ai Samol mi Lapalap, üa positi om kopwe amanauaei, üa fokun pwapwaiti om allük.

Kölfel 119:72

Ewe allük ka ngenikem a mürina ngeniei lap seni ngeröün föün kolt me silifer.

Kölfel 119:97

Üa fokun aücheani om allük, üa ekinlonei fansoun meinisin.

Kölfel 34:8

Oupwe neni o nengeni pwe ewe Samol mi Lapalap a kirikiröch. Ra feiöch ätekewe mi eäni i lenien op.

Kölfel 51:10

Ai Kot, kopwe föri loi eu leluk mi limöch o fangelong loi eu ngün mi fö o pos.

Ekistos 23:2

Kosap eti eu mwichemongun aramas le föri mine a ngau. Nge lupwen ka pwärätä lon kapwüng, kosap sorei mine a pwüng ren om pelieni eu mwichemongun aramas.

Isikiel 18:31

Oupwe pöütala ämi pupungau meinisin oua föriir. Oupwe angei seniei eu leluk mi fö me eman ngün mi fö. Pwota oua mochen mäla, ämi chon Israel?

Isikiel 36:26

Iwe, üpwe ngenikemi eu leluk mi fö, üpwe pwal fangelong lomi eman ngün mi fö. Üpwe angei me leutumi ewe leluk mi pöchökül usun fau o ngenikemi eu leluk mi pwetete.

Mateus 13:22

Ekewe pwükil mi mworotiu lein ekewe iräfölüföl ra wewe ngeni chokewe mi rongorong kapasen Kot, nge öürek usun manauen ikenai me pwapwan wöün fanüfan ra amopu ewe kapasen Kot, pwe esap tongeni ua.

Markus 4:19

nge öürek usun manauen ikenai me atuputupun wöün fanüfan me mochenian ekewe sokopaten mettoch ra tolong lon leluker o amopu ewe kapasen Kot pwe esap tongeni ua.

Johannes 14:30

Üsap chüen kapas chomong ngenikemi, pun ewe samolun ei fanüfan epwele war. Esap wor an nemenem woi.

Johannes 15:19

Are oupwe pop seni ei fanüfan, ei fanüfan epwe echenikemi usun nöün kana. Nge ämi ousap pop seni ei fanüfan, pun ngang üa afilikemi seni fanüfan, ina popun fanüfan a oput ämi.

Johannes 17:14

Üa ngeniir om kapas, nge fanüfan a oputeer, pun ir resap pop seni ei fanüfan, usun chök ngang üsap pop seni ei fanüfan.

Johannes 7:7

Chon fanüfan resap tongeni oputakemi, nge ra oputaei, pun üa pwäri ngeniir pwe ar föför a ngau.

Nöün Paulus Toropwe ngeni ekewe Souläng lon Rom 12:1

Iei mine üa pese ngenikemi, ämi pwii kana, pokiten watten än Kot ümöümöch ngenikich, pwe oupwe fangala inisimi pwe eu asor mi manau o pin fän iten än Kot angang o i epwe pwapwa ren. Iei usun pwüngün ämi fel ngeni Kot.

Nöün Paulus Toropwe ngeni ekewe Souläng lon Rom 13:14

Nge oupwe angei än ach Samol Jesus Kraist kewe pisekin maun, oupwe ükütiu le ekieki usun ämi oupwe apwönüetä mochenian fitukemi.

Nöün Paulus Toropwe ngeni ekewe Souläng lon Rom 7:12

Iei usun än Moses kewe Allük ra pin o mine ewe allük a apasa a pwüng o mürina.

Nöün Paulus Toropwe ngeni ekewe Souläng lon Rom 7:14

Kich mi silei pwe ewe Allük sokun ngün, nge ngang sokun fituk, pwe üa nom fän nemenien tipis.

Nöün Paulus Toropwe ngeni ekewe Souläng lon Rom 7:22

Pun seni lon letipei üa pwapwaiti än Kot allük.

1. Korint 3:19

Pun met ei fanüfan a ekieki pwe ina tipachem, a umwes me ren Kot. Iei usun a mak lon ekewe Toropwe mi Pin, “Kot a liapeni ekewe chon tipachem lon ar tipachemsolä.”

2. Korint 4:4

Ewe koten ei fanüfan a achuna ekiekin letipen chokewe resap lükü, pwe resap tongeni küna saramen ewe Pworausen Manau usun ewe lingen Kraist, i ewe mi lapalapeni lapalapen Kot.

2. Korint 5:17

Iei mine are eman a nonom lon Kraist, i eman förien Kot mi fö. Ewe manauen lom a wes, nge eu manau mi fö a fis.

Kalatia 1:4

Kraist a fangala manauan fänäsengesin ach tipis kana ren an aleasochisi letipen ach Kot i Samach pwe epwe angasakich seni ei fansoun mi ngau.

Efisos 1:18

Üa tüngor pwe mesen letipemi epwe nennela pwe oupwe küna an saram, pwe oupwe silei usun ewe apilükülüköch i a köri ngenikemi, pwal usun watten ekewe feiöch mi amwarar i a pwon ngeni ekewe chon pin,

Efisos 2:2

Lon ena fansoun oua manaueni ewe manauen fanüfan mi ngau. Oua aleasochis ngeni ewe mi nemeni ekewe ngününgau mi nom fän läng, ewe ngün mi nemeni ekewe aramas mi aleasolap ngeni Kot iei.

Efisos 5:17

Iei mine ousap föri föförün chon tiparoch, nge oupwe achocho le kütta met letipen ach Samol fän itemi.

Kolose 1:9

Iei popun, seni ewe rän aia rongorong usumi, aisap ükütiu le iotek fän itemi. Aia tüngor ngeni Kot pwe epwe aurakemi ren tufichin silei letipan me unusen mirit me weweöchiti ekewe mettoch lon pekin ngün.

Kolose 3:10

nge oua pwilitalong ewe manau mi fö. Iei ewe aramas mi fö Kot a förätä, epwe pwal akasöfösefäli lon püsin lapalapan, pwe ämi silei Kot epwe unusöch.

Kolose 4:12

Kapong seni Epafras, pwal i eman chon ämi we mwich me eman nöün Kraist Jesus chon angang. A fokun achocho le iotek fän itemi o tüngor ngeni Kot an epwe anükücharakemi, pwe oupwe mirit lon ämi souläng, nge ousap tipemwaramwar, oupwe pwal fokun aleasochisi letipen Kot.

1. Tesalonika 4:3

Pun iei letipen Kot pwe oupwe pin o unusen ngas seni sokun föförün lisowu.

Titus 3:5

i a amanauakich, esap pokiten föriach föförün pwüng, nge pokiten an tong. A amanauakich ren ewe Ngünmifel, ewe mi aupusefälikich o ngenikich eu manau mi fö ren an limetikich.

James 1:27

Än eman souläng limöch me pwüng mwen mesen Samach Kot a fis are epwe iei usun: epwe tümwünü ekewe mi mäsen me ekewe fefin mi mä pwülüer lon ar riaföü, epwe pwal püsin tümwünü i, pwe esap limengau ren ngauen ei fanüfan.

James 4:4

Ämi aramas mi kirikiringau! Ousap silei pwe chiechi ngeni fanüfan wewen fiu ngeni Kot? Iö a mochen chiechi ngeni fanüfan, i ewe aramas mi fiu ngeni Kot.

1. Petrus 1:14

Oupwe aleasochis ngeni Kot. Ousap mwüt ngeni manauemi epwe nom fän nemenien ekewe mocheniangau oua eäni me lom lupwen ousap mwo silei Kot.

1. Petrus 1:18

Pun oua silei pwe ousap mö ren mettoch mi morokai usun silifer ika kolt pwe oupwe ngas seni ewe manau mi lomotongau oua angei me ren ämi kewe lewo,

1. Petrus 2:3

Usun a mak lon ekewe Toropwe mi Pin, “Ämi oua püsin neni pwe ewe Samol a kirikiröch.”

1. Petrus 4:2

Iei mine seni ikenai tori ekewe lusun ränin manauemi oupwe manaueni eu manau mi nom fän nemenien letipen Kot, nge esap nom fän nemenien mochenian fituk.

2. Petrus 1:4

Ren ei lapalap a fen fang ngenikich ekewe feiöchün pwon mi fokun watte o aüchea, pwe ren ekei feiöch oupwe tongeni sü seni mochenian ei fanüfan mi afeiengau o oupwe tongeni angei sokun Kot.

2. Petrus 2:20

Are aramas ra sü seni limengauen tipisin ei fanüfan ren ar silei ach Samol me Chon Amanau Jesus Kraist, nge mürin ra tupusefälilong lon o kuf rer, ekei sokun aramas repwe feiengau lesopolan lap seni lepoputän.

1. Johannes 3:13

Ämi pwii kana, ousap weitifengenikemi are aramasen fanüfan ra oputakemi.

1. Johannes 5:19

Sia silei pwe kich sia nöün Kot, inamwo ika unusen fanüfan a nom fän nemenien Ewe mi Ngau.

Pwärätä 12:9

Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.

Pwärätä 13:8

Iwe, aramas meinisin mi nom won fanüfan repwe fel ngeni, chilon chök chokewe iter a mak lon ewe puken iten chon manau me mwen än Kot esamwo föri fanüfan, iei ewe puk än ewe Lam mi ninnila.