Nöün Paulus Toropwe ngeni ekewe Souläng lon Rom 12:1 - Chuukese Bible

¹ Iei mine üa pese ngenikemi, ämi pwii kana, pokiten watten än Kot ümöümöch ngenikich, pwe oupwe fangala inisimi pwe eu asor mi manau o pin fän iten än Kot angang o i epwe pwapwa ren. Iei usun pwüngün ämi fel ngeni Kot.

Nöün Paulus Toropwe ngeni ekewe Souläng lon Rom 12:1 Iomraidhean Croise

Kölfel 116:12

Met üpwe liwini ngeni ewe Samol mi Lapalap ren ekewe feiöch meinisin a ngeniei?

Kölfel 19:14

Amwo kapasen awei me ekiekin lelukei epwe mürina me fän mesom, ai Samol mi Lapalap, ai achau me ai chon amanau.

Aisea 56:7

“Üpwe emwenireto ren chuki mi pin o apwapwaar lon imwei imwen iotek. Iwe, üpwe etiwa ar asoren kek me sokun asor ra uwato won ai rongen asor, pun imwei epwe iteni imwen iotek fän iten aramasen fanüfan meinisin.”

Jeremaia 6:20

Met popun pwe ra uwato rei apach mi pwokus seni Sepa, ika ekewe nofitin mongö mi arar seni fanü toau? Üsap etiwa ar asoren kek, üsap pwal pwapwa ren ar kewe asor.

Osea 14:2

Oupwe liwiniti ewe Samol mi Lapalap o eäni ei iotek ngeni, “Kopwe amusala äm kewe tipis meinisin o etiwakem fän om ümöümöch, pwe aipwe mwareituk usun äm aia fen pwon.

Numperis 7:21

eman nienifön ätemwänin kow, eman ätemwänin sip me eman ätemwänin lam eu ierin fän iten asoren kek.

Lukas 7:47

Iei mine üa ürenuk, pokiten an kewe tipis mi chomong ra musola, iei popun an echeniei a fokun watte. Nge are än eman amusamusen tipis a kisikis, an eäni chen a pwal kisikis.”

Nöün Paulus Toropwe ngeni ekewe Souläng lon Rom 12:2

Ousap apirü pomwen fanüfan, nge oupwe mwüt ngeni Kot pwe epwe awilikemi o asöföla unusen letipemi. Mürin oupwe tongeni silei letipen Kot, ren met mi mürina me unusöch, pwal met mi apwapwai i.

Nöün Paulus Toropwe ngeni ekewe Souläng lon Rom 15:16

pwe üpwe eman chon angangen Kraist Jesus ai üpwe angang ngeni ekewe chon lükün Israel. Üa angang usun eman souasor lon ai afalafala ewe Pworausen Manau seni Kot, pwe ekewe chon lükün Israel repwe wiliti eu asor mi tiw me ren Kot, a pin ren Ngünmifel.

Nöün Paulus Toropwe ngeni ekewe Souläng lon Rom 15:30

Ämi pwii kana, üa pese ngenikemi fän iten ach Samol Jesus Kraist pwal fän iten ewe tong ewe Ngünmifel a fangeto, pwe oupwe etiei lon ämi tiliken le iotek ngeni Kot fänäsengesi.

Nöün Paulus Toropwe ngeni ekewe Souläng lon Rom 2:4

Eli ka turunufasei an kirikiröch mi fokun lapalap, an songomang me tongotam! Kosap mefi pwe än Kot kirikiröch a mochen emwenuk ngeni ekieksefäl?

Nöün Paulus Toropwe ngeni ekewe Souläng lon Rom 6:13

Ousap pwal fokun fangatä och kifetin inisimi ngeni tipis fänäsengesin föför mi ngau, nge oupwe fangala inisimi ngeni Kot usun chokewe mi towu seni mäla o tolong lon manau. Oupwe fokun fangatä unusen inisimi ngeni Kot fänäsengesin föför mi pwüng.

Nöün Paulus Toropwe ngeni ekewe Souläng lon Rom 6:16

Oua püsin silei, pwe lupwen oua fangatä inisimi ngeni eman pwe epwe nöünikemi chon angang o aleasochis ngeni, oua chon angang ngeni ätewe oua aleasochisi. Ika oupwe aleasochis ngeni tipis, sopolan oupwe mäla, ika oupwe aleasochis ngeni Kot, sopolan oupwe küna pwüng mwen mesan.

Nöün Paulus Toropwe ngeni ekewe Souläng lon Rom 6:19

Üa aea kapasen awewe seni nonomun manauen aramas pokiten apwangapwangen fitukemi. Me lom oua fangatä unusen inisimi pwe oupwe chon angang ngeni föför mi limengau me föför mi ngau fänäsengesin mine a ngau. Ina usun oupwe fokun fangatä unusen inisimi pwe oupwe chon angang ngeni pwüng fänäsengesin mine a pin.

Nöün Paulus Toropwe ngeni ekewe Souläng lon Rom 9:23

A pwal mochen pwärala an ling mi lapalap, a torikich, kich chokewe a ümöümöch ngeni, o a amolakich pwe sipwe angei an we ling.

1. Korint 1:10

Üa tüngormau ngenikemi, ämi pwii kana, fän iten ach Samol Jesus Kraist, pwe oupwe tipeeufengen lefilemi, pwe esap wor kinikinfesen leimi. Oupwe fokun tip-eu me ekiek eu.

2. Korint 10:1

Iwe, püsin ngang Paulus üa tüngormau ngenikemi, ngang ätewe aramas ra apasa pwe üa tekison lupwen üa nom remi, nge üa kapas pöchökül lupwen üa toau senikemi. Ren än Kraist tekison me kirikiröch

2. Korint 4:1

Iwe, pokiten än Kot tong a atolongakem lon ei angang, iei mine aisap apilükingau.

2. Korint 4:16

Iei mine sisap apilükingau. Inamwo ika inisich a apwangapwangala o mäla, nge manauen ngünüch a söföla rän me rän.

2. Korint 5:20

Iei mine äm aia chon arong fän iten Kraist usun itä nge Kot a nöünöü äm le tüngor ngenikemi. Äm aia tüngormau ngenikemi fän iten Kraist: Oupwe chäfengen me Kot.

2. Korint 6:1

Iwe, lon äm angangfengen me Kot, aia tüngormau ngenikemi, pwe ousap alomotongauei än Kot ümöümöch oua angei.

Efisos 4:1

Ngang eman chon fötek pokiten ai angang ngeni ach Samol, üa mochen pese ngenikemi pwe oupwe manaueni eu manau mi fich ngeni ewe kö seni Kot.

Efisos 5:10

Oupwe achocho le kütta mine ach Samol epwe pwapwa ren.

Tuteronomi 14:2

Pun ämi eu mwichen aramas mi pin fän iten ewe Samol mi Lapalap ämi we Kot. I a afilikemi me lein ekewe mwichen aramas meinisin mi nom won fanüfan, pwe oupwe nöün aramas.”

Filipi 1:20

Üa fokun ösüküsükü o apilükülükü pwe üsap achanü, pwe üpwe föri wisei, nge fansoun meinisin epwe wor ai tipepwora, fokun lon ei fansoun, pwe üpwe alinga Kraist lon unusen manauei, ese lifilifil ika üpwe manau ika üpwe mäla.

Filipi 2:17

Nge inamwo ika chai epwe ninnila usun eu asoren ün won ewe asor me ewe angang mi fis ren ämi lükülük, ngang üpwe chök pwapwa o ämi meinisin oupwe etiei lon ai pwapwa.

Filipi 4:18

Iei toropwen ekewe mettoch meinisin oua ngeniei, ewer, a fen somwosomwola. Iei a wor rei mettoch meinisin, pun üa angei seni Epafrotitus ekewe lifang oua tinato rei. Ekei lifang ra usun chök eu asor ngeni Kot mi poöch, eu lifang Kot a etiwa o pwapwa ren.

1. Tesalonika 4:1

Ämi pwiim kana, iei soposopolan met oua kaiö senikem usun ewe sokun manau oupwe manaueni pwe oupwe apwapwai Kot ren. Ewer, iei usun mine oua fen manau lon. Nge iei äm aia tüngormau o pese ngenikemi fän iten ach Samol Jesus, pwe manauemi epwe fokun mürinala.

1. Tesalonika 4:10

Enlet, oua fen echeni pwimi kewe souläng meinisin lon Masetonia. Iei mine pwiim kana, aia tüngormau ngenikemi, oupwe alapala ämi echenifengenikemi lefilemi.

1. Tesalonika 5:12

Ämi pwiim kana, aia tüngormau ngenikemi pwe oupwe meniniti ätekewe mi angang ngenikemi, ir mi emwenikemi o öüröürakemi lon manauen ämi souläng.

1. Timoty 2:3

Pun iei a mürina o apwapwai Kot ach Chon Amanau,

1. Timoty 5:4

Nge ika eman fefin mi mä pwülüan a wor nöün ika nöün nöün, ir repwe akomwen apwönüetä pwüngün wiser lon ar souläng ngeni püsin ar famili. Ren ei repwe liwini ngeni semer me iner, pwal ngeni semen me inen semer me iner mine ra piin föri ngeniir, pun iei met Kot a pwapwa ren.

Filimon 1:10

Iei mine üa tüngor ngonuk fänäsengesin Onesimus, i wesewesen nei lon Kraist, pun lupwen üa nonom lon fötek üa wiliti eman semelapan lon ngün.

Filimon 1:9

Nge pokiten ai echenuk üpwe le tüngor ngonuk. Ngang üa föri ei, inamwo ika ngang Paulus üa chinlap, nge pwal lon ei fansoun üa eman chon fötek fän iten Kraist Jesus.

Ipru 13:22

Ämi pwii kana, üa fokun tüngor ngenikemi, pwe oupwe rongorong ngeni ekei kapasen apöchökül fän tipeppos. Pun ei toropwe üa makkei ngenikemi esap langatam.

1. Petrus 2:20

Pun met lomotan ngenikemi are oupwe likitü lupwen ra wichikemi ren ämi föri föför esepwüng? Nge are oua likitü fän ämi riaföü lupwen oua föri mine a pwüng, Kot epwe afeiöchükemi.

1. Petrus 2:5

Pwal ämi oua usun chök fau mi manau. Oupwe mwüt ngeni Kot pwe epwe aükemiitä, pwe oupwe eu imwen ngün, ia oupwe angang ie lon wisen souasor mi pin, pwe oupwe eäni sokun asor Ngünmifel a tipeni, Kot a etiwa ren Kraist.