Nöün Paulus Toropwe ngeni ekewe Souläng lon Rom 11:5 - Chuukese Bible

⁵ Iei usun mine a pwal fis ikenai. Mi wor eu kükün mwichen aramas, ir chokewe Kot a filiiretä pokiten an ümöümöch.

Nöün Paulus Toropwe ngeni ekewe Souläng lon Rom 11:5 Iomraidhean Croise

2. King 19:4

Eli ewe Samol mi Lapalap om we Kot a rong alon ewe meilapen sounfiu, ätewe an samol ewe kingen Asiria a tinato pwe epwe turunufasei ewe Kot mi manau. Ewe Samol mi Lapalap om we Kot epwe apwüngü ren an kewe kapas a apasa. Iei mine kopwe iotek fän iten chokewe mi chüen manau.”

Aisea 4:3

Iwe, ekewe aramas mi chüen manau lon Sion pwal lon Jerusalem repwe iteni chon pin, ir meinisin mi mak iter lon ewe puk pwe ra manau lon Jerusalem.

Nöün Paulus Toropwe ngeni ekewe Souläng lon Rom 11:28

Iwe, pokiten ekewe chon Juta resap etiwa ewe Pworausen Manau, ir chon oput Kot fänäsengesin ämi chon lükün Israel. Nge pokiten Kot a filiiretä, ir ra chen me ren fänäsengesin ar kewe lewo.

Nöün Paulus Toropwe ngeni ekewe Souläng lon Rom 9:11

Nge me mwen än ekewe lippwe resamwo uputiu, ika me mwen ar resamwo föri och föför mi mürina ika mi ngau, (pwe än Kot ekiek lon an fil epwe pwönüetä,

Nöün Paulus Toropwe ngeni ekewe Souläng lon Rom 9:27

Iwe, Aisea a kökkö fän leüömong usun Israel, “Inamwo ika ekewe chon Israel ra chomong usun pien aroset, ekoch chök me leir repwe küna manau,