Nöün Paulus Toropwe ngeni ekewe Souläng lon Rom 10:9 - Chuukese Bible

⁹ Are kopwe pwärätä ren awom pwe Jesus i ewe Samol o lükü lon lelukom pwe Kot a amanauasefäli seni mäla, kopwe küna manau.

Nöün Paulus Toropwe ngeni ekewe Souläng lon Rom 10:9 Iomraidhean Croise

Lukas 12:8

“Iwe, üpwe ürenikemi, pwe iö a pwäriei mwen mesen aramas, Nöün Aramas epwe pwal pwäri mwen mesen nöün Kot kewe chon läng.

Johannes 9:22

Saman me inan ra apasa ei ititin kapas, pun ra niuokusiti ekewe nöüwisen chon Juta. Pun ekewe nöüwis ra fen tipeeufengen, pwe iö mi pwärätä pwe Jesus ewe Kraist epwe katowu seni ar we mwich lon ewe imwen felikis.

Föför 16:31

Ra pölüeni, “Kopwe lükü ach Samol Jesus, iwe, ämi me chon leimwom oupwe küna manau.”

Föför 2:24

Nge Kot a amanauasefäli seni mäla. A angasala i seni manamanen mäla, pun esap tufich pwe mäla epwe amwöchü i.

Föför 2:32

Iwe, Kot a amanauasefäli ätei Jesus seni mäla, nge äm meinisin aia chon pwärätä pwe a wesewesen fis ei.

Föför 8:36

Lupwen ar sasai won ewe al, ra tori eu leni ia a wor koluk ie. Iwe, ewe nöüwis a üra, “Nengeni, a wor koluk ikei! Met a epeti ai üpwe papatais?”

Nöün Paulus Toropwe ngeni ekewe Souläng lon Rom 10:10

Pun sia lükü Jesus lon lelukach o küna pwüng me ren Kot, sia pwal pwärätä Jesus ren awach o küna manau ren.

Nöün Paulus Toropwe ngeni ekewe Souläng lon Rom 14:11

Pun a mak lon ekewe Toropwe mi Pin, “Ewe Samol a apasa: Üa akapelüei, pwe aramas meinisin repwe fotopwäsuk mwen mesei, nge aramas meinisin repwe pwärätä pwe ngang Kot.”

Nöün Paulus Toropwe ngeni ekewe Souläng lon Rom 14:9

Pun Kraist a mäla o manausefäl pwe epwe samoluni ekewe chon manau me ekewe chon mäla.

Nöün Paulus Toropwe ngeni ekewe Souläng lon Rom 4:24

Ra pwal makketiu fän itach mi küna pwüng, kich mi lükü Kot ewe mi amanauasefäli Jesus ach Samol seni mäla.

Nöün Paulus Toropwe ngeni ekewe Souläng lon Rom 8:34

Iö epwe ngeniir liwinin ar tipis? Kraist Jesus ewe mi mäla, nge a pwal fokun manausefälitä, i a nonom lepelifichin Kot, a iotek fänäsengesich o penikich.

1. Korint 12:3

Iei mine üa mochen ämi oupwe silei, pwe esap wor eman epwe tongeni apasa fän emwenien ewe Ngünün Kot, “Jesus epwe anümamau,” esap pwal wor eman a tongeni pwärätä, “Jesus i Samol”, are ewe Ngünmifel esap emweni.

Filipi 2:11

nge ir meinisin repwe pwärätä pwe Jesus Kraist i Samol, pwe Kot Sam epwe ling ren.

1. Petrus 1:21

Pokiten Kraist oua lükü Kot, ewe mi amanauasefäli i seni mäla o ngeni lingan. Iei mine ämi lükülük me ämi apilükülük a nom won Kot.

1. Johannes 4:15

Are eman a pwärätä pwe Jesus i ewe nöün Kot, Kot a nonom lon, nge i a nonom lon Kot.

2. Johannes 1:7

Chomong chon atuputup ra fetalfeil won unusen fanüfan, ir aramas resap pwärätä pwe Jesus Kraist a feito o wiliti aramas. Ei sokun aramas eman chon atuputup me ewe pölüen Kraist.