Nöün Paulus Toropwe ngeni ekewe Souläng lon Rom 10:3 - Chuukese Bible

³ Resap silei usun mine Kot a föri, pwe aramas repwe küna pwüng me ren, nge ra fen sotuni usun ar repwe küna püsin ar pwüng. Iei usun resap atolongeer fän mine Kot a föri pwe aramas repwe küna pwüng me ren.

Nöün Paulus Toropwe ngeni ekewe Souläng lon Rom 10:3 Iomraidhean Croise

Nehemia 9:33

Nge en ka pwüng won meinisin mine ka föri ngenikem. En ka allükülük ngenikem, nge äm aia tipis ngonuk.

Hiop 33:27

Iwe, epwe feito fän mesen aramas o pwärätä, ‘Üa tipis o tok seni mine a pwüng, nge Kot esap liwini ngeniei.

Kölfel 71:19

Ai Kot, om pwüng a tori ekewe läng mi tekia. En ka föri mettoch mi amwarar. Ai Kot, iö a wewe ngonuk?

Aisea 51:1

Ewe Samol mi Lapalap a apasa, “Oupwe aüselingaei, ämi mi mochen küna manau, ämi mi feito rei pwe üpwe alisikemi. Oupwe nenengeni ewe achau oua fal seni, pwal ewe lenien föüföü oua tu seni.

Aisea 51:6

Oupwe netä läng, oupwe pwal nenela won fanüfan. Iwe, läng epwe morola usun ötüöt, fanüfan epwe mesingauala usun echö katup, nge chokewe mi manau won repwe mäla usun chök nikken. Nge ai angangen amanaua aramas epwe nonom fochofoch, ai pwüng esap fokun müchüla.

Aisea 51:8

Pun repwe rosola usun echö katup pwötür ra eni, repwe pwal wewe ngeni mangaku seni ülen man mi eniman. Nge ai pwüng epwe nonom fochofoch, ai manau epwe tori ekewe täppin aramas meinisin.”

Aisea 56:1

Iei alon ewe Samol mi Lapalap, “Oupwe eäni pwüng o föri mine a let, pun üpwe müttir amanauakemi, nge ai angasakemi epwe pwä.

Aisea 57:12

Ämi oua ekieki pwe mine oua föri a pwüng, nge ngang üpwe pwärawu ämi föför, nge ämi uluulun anümwäl resap tongeni alisikemi.

Aisea 64:6

Äm meinisin aia usun chök eman aramas mi limengau, äm föförün pwüng meinisin ra usun chök mekipwülün sof mi fokun limengau. Äm meinisin aia aiolol usun chön irä, nge äm tipis a ässikeemila usun asepwäl a ässala mettoch.

Kölün kechü 3:22

Än ewe Samol mi Lapalap tong ellet esap fokun ükütiu, an ümöümöch esap fokun wesila.

Taniel 9:24

Iwe, a pwüngüla pwe ükükün fisu fän fik ier a kaüküla fän iten aramasom me om we telinimw mi pin. Mürin, pupungau epwe ükütiu, tipis epwe müchüla, epwe fis amusamusen tipis, nge pwüng esemüch epwe pwönüetä pwe alon soufos me künaer epwe fisitä, epwe pwal fis apinipinin ewe Leni mi Unusen Pin.

Lifitikos 26:41

iei popun ngang üa pwal ü ngeniir o tinirela lon fanüen chon oputer. Iwe, lupwen leluker mi ülöförea epwe tekison pwe ra angei chappen ar tipis,

Lukas 10:29

Nge ewe Sensen Allük a mochen pwärala pwe i mi pwüng, iei mine a üreni Jesus, “Iö chon ori?”

Lukas 16:15

Nge Jesus a üreniir, “Ämi oua alapalapöchükemi fän mesen aramas, nge Kot a silei lelukemi. Pun ekewe mettoch aramas ra ekieki pwe ra kon aüchea ra anioput me ren Kot.

Nöün Paulus Toropwe ngeni ekewe Souläng lon Rom 1:17

Pun ewe Pworausen Manau a pwärätä usun än Kot akot fän iten än aramas repwe küna pwüng me mwan. Ei a fis ren lükülük seni lepoputän tori lesopolan. Usun ewe toropwe mi pin a apasa, “Ewe aramas mi küna pwüng mwen mesen Kot epwe manau ren an lükülük.”

Nöün Paulus Toropwe ngeni ekewe Souläng lon Rom 10:2

Üa tongeni pwärätä usur, pwe ra fokun tiliken le angang ngeni Kot, nge ar tiliken le angang esap longolong won ar silei usun mine a let.

Nöün Paulus Toropwe ngeni ekewe Souläng lon Rom 10:20

Aisea a fokun pwora lupwen a apasa, “Chokewe resap küttaei ra künaei. Üa pwäriei ngeni chokewe resap ais usi.”

Nöün Paulus Toropwe ngeni ekewe Souläng lon Rom 11:7

Iwe, met? Ekewe aramasen Israel resap küna mine ra kütta. Eu chök kükün mwich Kot a filiiretä ra küna. Nge ekewe ekoch Kot a föri pwe resap tongeni rongorong ngeni an kö.

Nöün Paulus Toropwe ngeni ekewe Souläng lon Rom 3:22

Kot a föri pwe aramas ra küna pwüng ren ar lükü Jesus Kraist. Kot a föri ei ngeni chokewe meinisin mi lükü Kraist, pun esap wor sokofesenin lefiler meinisin:

Nöün Paulus Toropwe ngeni ekewe Souläng lon Rom 3:26

Nge ikenai Kot a föri och fän iten än aramas tipis, pwe epwe pwärala an pwüng. Ren ei Kot a pwäräta pwe püsin i a pwüng, a pwal föri pwe ir mi lükü Jesus repwe küna pwüng.

Nöün Paulus Toropwe ngeni ekewe Souläng lon Rom 5:19

Pun usun aramas meinisin ra tipis pokiten än ewe eman mwän aleasolap, ina chök usun chomong aramas repwe pwal küna pwüng me ren Kot pokiten än ewe eman mwän aleasochis.

2. Korint 5:21

Kraist esap wor an tipis, nge fän itach Kot a föri pwe i a tipisini tipisich, pwe kich sipwe küna pwüngün Kot lon i.

Tuteronomi 6:25

Are aipwe tümwünüöchü le aleasochisi ekei allük meinisin me fän mesen ewe Samol mi Lapalap ach we Kot usun a allük ngenikem, äm aipwe pwüng ren.’”

Filipi 3:9

o wesewesen eufengen me i. Üsap chüen eäni püsin ai pwüng, ewe sokun pwüng üa angei ren ai aleasochisi ekewe Allük. Iei üa eäni ewe pwüng a toriei ren ai lükü Kraist, ewe pwüng mi feito seni Kot o a longolong won ai lükü Kraist.

2. Petrus 1:1

Ngang Simon Petrus, eman nöün Jesus Kraist chon angang me soukünö, üa kapong ngeni ämi mi angei eu lükülük mi aüchea usun chök äm ren än ach Kot me Chon Amanau Jesus Kraist pwüng.