Nöün Paulus Toropwe ngeni ekewe Souläng lon Rom 10:2 - Chuukese Bible

² Üa tongeni pwärätä usur, pwe ra fokun tiliken le angang ngeni Kot, nge ar tiliken le angang esap longolong won ar silei usun mine a let.

Nöün Paulus Toropwe ngeni ekewe Souläng lon Rom 10:2 Iomraidhean Croise

2. King 10:16

Iwe, Jehu a üreni, “Kopwe etiei pwe kopwe küna ai tiliken fän iten ewe Samol mi Lapalap.” Iwe, a eti Jehu le sai won waan woken.

Kölfel 14:4

Ewe Samol mi Lapalap a ais, “Ifa usun, esap wor än ekewe chon föföringau mirit? Ir chokewe mi manau seni mine ra soläni seni nei aramas, nge resap iotek ngeniei.”

Än Salomon Fos 19:2

Esap öch pwe eman aramas epwe tiliken le föri och, nge esap wor an silelap, nge eman mi müttir le föri och epwe mwäl.

Aisea 27:1

Lon ena fansoun ewe Samol mi Lapalap epwe apwüngü Lefiatan ewe serepenit mi süla, epwe apwüngü Lefiatan ewe serepenit mi tö rikirik ren nöün ketilas mi ken me pöchökül me manaman. Iwe, epwe pwal niela ewe trakon a nom leset.

Johannes 16:2

Repwe atowukemi seni ar mwich lon ar kewe imwen felikis. Nge epwe war ewe fansoun lupwen chokewe mi nikemi repwe ekieki, pwe ar föför eu angang ngeni Kot.

Föför 21:20

Mürin ar rongorong ngeni, ir meinisin ra mwareiti Kot. Mürin ra üreni Paulus, “Pwiim Paulus, ka küna pwe mi wor chomong ngeröün chon Juta ra lükü Jesus, nge ir meinisin ra fokun achocho le apwönüetä ekewe Allük.

Föför 21:28

Ra kökkö fän leüömong, “Ämi re Israel! Oupwe alisikem! Iei i ewe mwän mi saifeil ekis meinisin o a eäni och sokun afalafal ngeni aramas meinisin mi ü ngeni ekewe aramasen Israel, än Moses kewe Allük me ei imwenfel. Nge iei a fen mwo nge uwato ekoch chon lükün Israel lon ei imwenfel o apiningaua ei leni mi pin!”

Föför 22:22

Iwe, ekewe aramas ra aüseling ngeni Paulus tori a apasatä ekei kapas. Nge mürin ra popuetä le pupuchör fän mwelier mi leüömong, “Oupwe fokun niela ätei! Esap fokun öch an epwe manau!”

Föför 22:3

“Ngang eman re Juta, üa uputiu lon ewe telinimw Tarsus lon Silisia, nge üa mämäritä ikei lon Jerusalem. Üa sukul ren ewe sense Kamaliel, a aiti ngeniei tichikin ekewe allük seni ach kewe lewo pwe üpwe apwönüretä. Üa fangala manauei ngeni Kot usun chök ämi oua föri ikenai.

Nöün Paulus Toropwe ngeni ekewe Souläng lon Rom 10:1

Ämi pwii kana, üa fokun mochen seni lon unusen letipei pwe püsin aramasei kewe repwe küna manau. Üa pwal iotek ngeni Kot fänäsengesiir.

Nöün Paulus Toropwe ngeni ekewe Souläng lon Rom 10:3

Resap silei usun mine Kot a föri, pwe aramas repwe küna pwüng me ren, nge ra fen sotuni usun ar repwe küna püsin ar pwüng. Iei usun resap atolongeer fän mine Kot a föri pwe aramas repwe küna pwüng me ren.

2. Korint 4:4

Ewe koten ei fanüfan a achuna ekiekin letipen chokewe resap lükü, pwe resap tongeni küna saramen ewe Pworausen Manau usun ewe lingen Kraist, i ewe mi lapalapeni lapalapen Kot.

2. Korint 4:6

Pun Kot, ewe mi apasa, “Saram epwe tinewu seni lon rochopwak”, i chök ewe Kot mi asarama letipem o ngenikem ewe saram, pwe aipwe silei usun än Kot we ling mi pwä won mesen Kraist.

2. Korint 8:3

Üa pwäri ngenikemi, pwe ra lifang won ükükün ar tongeni, nge pwal lap seni ar tongeni. Seni püsin mochenin letiper

Kalatia 1:14

Üa fokun fefeitä lon ai angang ngeni ewe lamalamen chon Juta lap seni chomong piloi kana me lein aramasei, üa pwal fokun tiliken le apwönüetä örünien ach kewe lewo.

Kalatia 4:15

Ämi oua fokun pwapwa! Met a fis ngenikemi iei? Püsin ngang üa tongeni pwärätä, pwe are epwe tufich oupwe alusawu föün mesemi o ngeniei.

Filipi 1:9

Ngang üa iotek pwe ämi chen epwe fokun lalapala lefilemi, oupwe pwal silei mine a let o weweöchiti mettoch meinisin,

Filipi 3:6

üa pwal fokun tiliken lon ai ariaföüü ekewe chon lükü Jesus. Are eman aramas a ekieki pwe a tongeni küna pwüng ren an aleasochisi ekewe Allük, ngang üa apwönüretä meinisin.

Kolose 4:13

Püsin ngang üa tongeni pwärätä usun an angang weires fän itemi pwal fän iten ekewe souläng lon Laotisea me Hierapolis.