Nöün Paulus Toropwe ngeni ekewe Souläng lon Rom 10:12 - Chuukese Bible

¹² Pun esap wor sokofesenin chon Juta me chon lükün Israel. Kot ewe eman chök Samolun aramas meinisin, a fokun afeiöchü chokewe meinisin mi köri i.

Nöün Paulus Toropwe ngeni ekewe Souläng lon Rom 10:12 Iomraidhean Croise

Kölfel 145:18

Ewe Samol mi Lapalap a arap ngeni ir meinisin mi köri, a arap ngeniir meinisin mi köri fän wenechar.

Kölfel 86:5

Pun en, ai Samol, ka kirikiröch o amusala tipis, om tong ellet a somwosom ngeni meinisin mi iotek ngonuk.

Aisea 55:6

Oupwe kütta ewe Samol mi Lapalap lupwen fansoun oua tongeni küna, oupwe köri, lupwen a arap.

Föför 7:59

Iwe, lupwen ar momonei Stefanus ngeni fau, i a kökkö lon an iotek ngeni ewe Samol, “Ai Samol Jesus, kopwe etiwa ngüni!”

Föför 9:14

A feito ikei fän ewe pwüüng a angei seni ekewe souasor mi lap pwe epwe fötekiniir meinisin mi fel ngonuk.”

Nöün Paulus Toropwe ngeni ekewe Souläng lon Rom 14:9

Pun Kraist a mäla o manausefäl pwe epwe samoluni ekewe chon manau me ekewe chon mäla.

Nöün Paulus Toropwe ngeni ekewe Souläng lon Rom 15:12

Aisea a pwal apasa, “Eman mwirimwirin Jesi epwe war. Epwe feito pwe epwe nemeni ekewe chon lükün Israel, nge ir repwe anomu ar apilükülük won.”

Nöün Paulus Toropwe ngeni ekewe Souläng lon Rom 2:4

Eli ka turunufasei an kirikiröch mi fokun lapalap, an songomang me tongotam! Kosap mefi pwe än Kot kirikiröch a mochen emwenuk ngeni ekieksefäl?

Nöün Paulus Toropwe ngeni ekewe Souläng lon Rom 3:22

Kot a föri pwe aramas ra küna pwüng ren ar lükü Jesus Kraist. Kot a föri ei ngeni chokewe meinisin mi lükü Kraist, pun esap wor sokofesenin lefiler meinisin:

1. Korint 1:2

aia kapong ngeni än Kot we mwichefel mi nom lon Korint, ngeni chokewe mi küna pin lon Kraist Jesus, ir mi kö pwe repwe pin fitifengen me chokewe ekis meinisin mi köri iten ach Samol Jesus Kraist, i ouach Samol:

1. Korint 15:47

Ewe aeumanün Atam a för seni pwül, nge ewe aruomanün Atam a feito seni läng.

2. Korint 8:9

Pun oua silei ewe ümöümöch än ach Samol Jesus Kraist, inamwo ika a pisekisekila, nge a wöüngauela fän itemi, pwe ämi oupwe pisekisekila ren an wöüngau.

Kalatia 3:28

Esap wor sokofesenin lefilen chon Juta me chon lükün Israel, lefilen amanau me aramas mi ngas, lefilen mwän me fefin, pun ämi meinisin oua eufengen lon Kraist Jesus.

Efisos 1:7

Pun lon Kraist sia ngasala ren chaan, pwe ach kewe tipis ra musala. A ifan me watten än Kot we ümöümöch

Efisos 2:4

Nge pokiten än Kot ümöümöch a fokun somwosomwola o an echenikich a fokun lapalap,

Efisos 2:7

A föri iei usun, pwe epwe pwärätä lon ekewe fansoun repwe feito an we ümöümöch mi fokun lapalap esap wor eman a tongeni awewei, a nom lon an we chen a pwäri ngenikich lon Kraist Jesus.

Efisos 3:16

Üa tüngor ngeni Kot pwe epwe fang ngenikemi tufichin Ngünün we seni lon wöün an we ling, pwe oupwe pöchökül lon letipemi.

Efisos 3:6

Iei ewe monomon: Ren ewe Pworausen Manau ekewe chon lükün Israel repwe eti ekewe chon Juta le feiöchüni än Kot kewe feiöch, repwe chufengen lon ewe eu chök inis o aeafengen ewe feiöchün pwon Kot a föri ren Kraist Jesus.

Efisos 3:8

Ngang ewe mi kis seni ekewe chon pin meinisin, nge Kot a ngeniei ei wis mi aüchea pwe üpwe uwei ngeni ekewe chon lükün Israel ewe Pworausen Manau usun ewe wöün Kraist esap wor epin,

Filipi 2:11

nge ir meinisin repwe pwärätä pwe Jesus Kraist i Samol, pwe Kot Sam epwe ling ren.

Filipi 4:19

Nge ai Kot epwe ngenikemi meinisin mine oua osupwang ren lon wöün mi somwola lon Kraist Jesus.

Kolose 1:27

Kot a mochen pwe epwe pwäri ngeniir an we monomon mi aüchea o ling a amolätä fän iten aramas meinisin. Iei ewe monomon pwe Kraist a nonom lomi, i ach apilükülük pwe sipwe eti lon an ling.

Kolose 3:11

Iwe, pokiten ei, esap chüen wor sokofesenin lefilen chon lükün Israel me chon Juta, chon sirkomsais me chon resap sirkomsais, chon ekis, chon kichiniwel, ekewe amanau me ekewe aramas mi ngas, pun Kraist chök a aüchea seniir meinisin a pwal nom lor meinisin.

1. Timoty 2:5

Pun mi wor eman chök Kot, pwal eman chök chon afför lefilen Kot me aramas kana, iei i ewe aramas Kraist Jesus,

Pwärätä 17:14

Repwe maun ngeni ewe Lam, nge ewe Lam epwe akufuur, pun i ewe Samol mi lap seni ekewe samol meinisin, pwal i ewe King mi tekia seni ekewe king meinisin. Nge chokewe mi tapwela mürin ir chon kö, chon fil me chon allükülük ngeni.”

Pwärätä 19:16

Won üfan pwal won wilan a mak ewe it, “Ewe King mi tekia seni ekewe king meinisin, me ewe Samol mi lap seni ekewe samol meinisin.”