Nöün Paulus Toropwe ngeni ekewe Souläng lon Rom 1:7 - Chuukese Bible

⁷ Iei mine üa mak ngenikemi meinisin mi nom lon Rom, ämi chokewe Kot a echenikemi o körikemi pwe oupwe chon pin: Kot Samach me ach Samol Jesus Kraist epwe ngenikemi ümöümöch me kinamwe.

Nöün Paulus Toropwe ngeni ekewe Souläng lon Rom 1:7 Iomraidhean Croise

Kölfel 60:5

Kopwe awinakem ren om manaman o pälüeni äm iotek, pwe noum kewe ka echeniir repwe ngasala.

Än Salomon Köl 5:1

Kofoti, en mi wor tongom me rei, üa feito ren tanipii we. Üa ionifengeni ai säfei mi aüchea itan mör me ai nofitin mongö, üa neni ai fasen chunen me chönün, üa pwal ünümi ünümei wain me ünümei milik. Oupwe mongö o ün, ämi chienei. Ämi chienei mi achengicheng, oupwe fokun ün.

Numperis 6:25

ewe Samol mi Lapalap epwe netiu womi fän an kirikiröch o ümöümöch ngenikemi,

Mateus 5:16

Iei usun ämi saram epwe tittin mwen ekewe aramas, pwe repwe küna ämi föför mürina o mwareiti Sememi lon läng.

Johannes 20:17

Jesus a üreni, “Kosap atapaei, pun üsamwo feitä ren Semei. Nge kopwe feila ren pwii kewe o üreniir, pwe üpwe feitä ren Semei pwal Semer, ren ai Kot pwal ar Kot.”

Föför 15:23

Iei masouen ewe toropwe ra tini ngeniir: “Äm pwimi kewe soukünö me souakom, aia tinala äm kapong ngeni ämi pwiim kana meinisin chon lükün Israel mi nom lon Antiokia, Siria me Silisia.

Föför 9:13

Ananias a üreni, “Ai Samol, üa rongorong chomong pworaus usun ei mwän me ekewe föför mi ngau meinisin a föri ngeni noumw kewe chon pin lon Jerusalem.

Nöün Paulus Toropwe ngeni ekewe Souläng lon Rom 1:6

Pwal ämi mi nonom lon Rom, oua pachelong lein chokewe Kot a köriir pwe oupwe nöün Jesus Kraist.

Nöün Paulus Toropwe ngeni ekewe Souläng lon Rom 5:1

Iwe, pokiten sia küna pwüng me ren Kot ren ach lükülük, sia kinamwefengen me Kot ren ach Samol Jesus Kraist.

Nöün Paulus Toropwe ngeni ekewe Souläng lon Rom 5:5

Ei apilükülüköch esap alichipwüngükich, pun Kot a iselong lon letipach an we chen ren ewe Ngünmifel, ewe i a lifang ngenikich.

Nöün Paulus Toropwe ngeni ekewe Souläng lon Rom 8:28

Sia silei pwe lon mettoch meinisin Kot a afisätä feiöchün chokewe mi echeni i, chokewe i a köriir pwe repwe föri letipan.

Nöün Paulus Toropwe ngeni ekewe Souläng lon Rom 8:39

esap pwal ekewe mettochun pekitä are ekewe mettochun pekitiu, esap fokun wor och lein förian kewe meinisin epwe tongeni aimwüfesenikich seni än Kot we chen mi torikich lon Kraist Jesus ach Samol.

Nöün Paulus Toropwe ngeni ekewe Souläng lon Rom 9:25

Iei usun mine a mak lon puken Osea, “Ekewe aramas esap ir nei, üpwe aita ngeniir ‘Nei aramas’! Chon ewe mwü üsap echeniir, üpwe aita ngeniir ‘Nei mi achengicheng’!

1. Korint 1:24

Nge ren chokewe Kot a köriir me lein chon Juta me chon lükün Israel, Kraist ewe manamanen Kot me ewe tipachemen Kot.

1. Korint 16:23

Ümöümöchün ach Samol Jesus epwe nonom remi.

2. Korint 13:14

Ümöümöchün ach Samol Jesus Kraist me än Kot chen me chiechifengenin Ngünmifel epwe nonom remi meinisin.

Kalatia 6:18

Ümöümöchün ach Samol Jesus Kraist epwe nonom remi meinisin, pwii kana. Amen.

Efisos 1:2

Samach Kot me ach Samol Jesus Kraist epwe fang ngenikemi ümöümöch me kinamwe.

Efisos 6:23

Samach Kot me ach Samol Jesus Kraist epwe ngenikemi ämi pwiich lon Kraist kinamwe, chen me lükü.

Tuteronomi 33:12

Iwe, a apasa usun ewe ainangen Peniamin, “Iei chon ewe ainang ewe Samol mi Lapalap a echeniir, ra nom ren fän kinamwe. A tümwünüür fansoun meinisin o imweimw rer lon fanüer mi chukutekison.”

Filipi 1:2

Samach Kot me ach Samol Jesus Kraist epwe ngenikemi ümöümöch me kinamwe.

Filipi 4:13

Meinisin a ki ngeniei ren Kraist ewe mi atufichiei.

Filipi 4:20

Ach Kot, i Samach epwe küna ling tori feilfeilachök! Amen.

Filipi 4:23

Ümöümöchün ach Samol Jesus Kraist epwe nonom remi meinisin. Amen.

Kolose 1:2

aia kapong ngeni ekewe chon pin lon Kolose, ir pwiich kewe mi allükülük lon Kraist: Samach Kot epwe fang ngenikemi ümöümöch me kinamwe.

Kolose 3:12

Ämi chon fil me ren Kot, ämi chon pin kana i a echenikemi, oupwe pwilitalong womi tong, kirikiröch, tipetekison, lukpwetete me mosonotam.

Kolose 3:15

Iwe, ewe kinamwe Kraist a ngenikemi epwe nemeni letipemi, pun Kot a körifengenikemi lon eu chök inis ngeni ei kinamwe. Iwe, oupwe kilisou ngeni Kot.

1. Tesalonika 1:1

Äm Paulus, Silas me Timoty aia kapong ngeni chon ewe mwichefel lon Tesalonika, ir nöün Samach Kot me ach Samol Jesus Kraist: Ümöümöch me kinamwe epwe nonom remi.

1. Tesalonika 1:3

Pun aia chechemeni me mwen ach Kot i Samach usun ämi lükülük mi pwä lon ämi föför, usun ämi tong mi pwä lon ämi angang weires, pwal usun ämi apilükülüköch mi nüküchar lon ach Samol Jesus Kraist.

1. Tesalonika 1:4

Ämi pwiim kana, aia silei pwe Kot a echenikemi o afilikemi pwe oupwe nöün.

1. Tesalonika 4:7

Pun Kot esap körikich pwe sipwe manau lon ei sokun manauen mocheniangau, nge a körikich pwe sipwe manaueni eu manau mi pin.

1. Tesalonika 5:28

Ümöümöchün ach Samol Jesus Kraist epwe nonom remi meinisin.

2. Tesalonika 1:2

Samach Kot me ach Samol Jesus Kraist epwe ngenikemi ümöümöch me kinamwe.

2. Tesalonika 3:16

Ach Samol, i popun ach kinamwe, epwe püsin ngenikemi kinamwe fansoun meinisin pwal ekis meinisin. Ach Samol epwe nonom remi meinisin.

2. Tesalonika 3:18

Ümöümöchün ach Samol Jesus Kraist epwe nonom remi meinisin.

1. Timoty 1:2

üa kapong ngonuk Timoty wesewesen nei lon lükülük: Samach Kot me ach Samol Kraist Jesus epwe ngonuk ümöümöch, tong me kinamwe.

1. Timoty 6:2

Nge ekewe amanau mi nom fän nemenien ekewe masta mi souläng resap turunufasei ar kewe masta pokiten ir pwiir souläng. Nge repwe alapala ar achocho le angang ngeniir, pun chokewe mi feiöch seni ar angang, ir chon lükü Kraist ra chen me rer. Ikei ekewe kapas kopwe aiti ngeni ekewe souläng o pese ngeniir pwe repwe aleasochis ngeni.

2. Timoty 1:2

üa kapong ngonuk Timoty nei mi achengicheng: Samach Kot me Kraist Jesus ach Samol epwe ngonuk ümöümöch, chen me kinamwe.

2. Timoty 4:22

Ach Samol epwe eti ngünum. Än Kot ümöümöch epwe nonom remi meinisin.

Titus 1:4

Üa makkei ei toropwe ngonuk, Titus, en wesewesen nei lon ewe lükülük sia eänifengeni. Samach Kot me Kraist Jesus ach Chon Amanau epwe ngonuk ümöümöch me kinamwe.

Filimon 1:25

Ümöümöchün ach Samol Jesus Kraist epwe nonom remi meinisin.

Filimon 1:3

Samach Kot me ach Samol Jesus Kraist epwe fang ngenikemi ümöümöch me kinamwe.

James 1:1

Ngang James, eman nöün Kot me ach Samol Jesus Kraist chon angang, üa kapong ngeni ekewe engol me ruu ainang mi toropasfeil won unusen fanüfan.

1. Petrus 1:15

Nge oupwe pin lon mettoch meinisin mine oua föri, usun chök Kot, ewe mi körikemi, a pin.

1. Johannes 3:1

Oupwe nengeni ükükün watten än ewe Sam echenikich! An chen a fokun tekia pwe a aita ngeni kich nöün. Iei mine kich wesewesen nöün Kot. Ina popun pwe fanüfan esap sileikich, pun esap silei Kot.

2. Johannes 1:3

Samach Kot me Jesus Kraist, i Nöün ewe Sam, epwe ngenikich ümöümöch, tong me kinamwe, repwe nonom rech lon let me chen.

Pwärätä 2:1

“Kopwe makkei ngeni ewe chon künöön ewe mwichefel lon Efisos: Iei alon ewe eman mi amwöchü ekewe füföü fü lon pöüifichin, ewe mi fetal lein ekewe fisu lenien atittin seni kolt.

Pwärätä 2:12

“Kopwe makkei ngeni ewe chon künöön ewe mwichefel lon Perkamon: Iei alon ewe mi wor ren ewe ketilas mi seisei me ruupekin.

Pwärätä 2:18

“Kopwe makkei ngeni ewe chon künöön ewe mwichefel lon Tiatira: Iei alon ewe Nöün Kot, mesan ra wewe ngeni pulopulen ekkei, pachapachan ra meriweriw usun piras mi amis.

Pwärätä 2:29

Are a wor selingen eman epwe rongorong mine Ngünmifel a üreni ekewe mwichefel!”

Pwärätä 2:8

“Kopwe makkei ngeni ewe chon künöön ewe mwichefel lon Smirna: Iei alon ewe Aemanün me ewe Amüchülan, ewe mi mäla o manausefäl.

Pwärätä 22:21

Ümöümöchün ach Samol Jesus epwe nonom ren nöün Kot kewe aramas meinisin. Amen.

Pwärätä 3:14

“Kopwe makkei ngeni ewe chon künöön ewe mwichefel lon Laotisea: Iei alon ewe eman mi iteni Amen, ewe Chon Pwärätä mi allükülük o let, i popun förien Kot meinisin.

Pwärätä 3:22

Are a wor selingen eman epwe rongorong mine Ngünmifel a üreni ekewe mwichefel!”

Pwärätä 3:7

“Kopwe makkei ngeni ewe chon künöön ewe mwichefel lon Filatelfia: Iei alon ewe eman mi pin o let, ewe mi amwöchü ewe ki än Tafit. Iwe, met a suki ngeni ewe ki esap wor eman a tongeni öpüngala, nge met a öpüngala esap wor eman a tongeni suki.