Nöün Paulus Toropwe ngeni ekewe Souläng lon Rom 1:5 - Chuukese Bible

⁵ Ren Jesus Kraist, Kot a ngeniei ewe ümöümöch, pwe üpwe wiseni ewe wisen soukünö fän itan, pwe üpwe emweni aramasen ekewe mwü meinisin pwe repwe lükü i o aleasochis ngeni.

Nöün Paulus Toropwe ngeni ekewe Souläng lon Rom 1:5 Iomraidhean Croise

Malakai 1:11

Pun seni ewe ia akkar a töta me ie tori ewe ia a tuputiu me ie chon ekewe mwü ra asamolu itei. Ekis meinisin ra eäni asor apach mi pwokus ngeniei, eu asor mi limöch. Pun chon ekewe mwü ra asamoluei.

Malakai 1:14

A anümamau eman chon atuputup mi pwon pwe epwe eäni ngeniei asor eman ätemwänin sip seni nöün pwiin man, nge mürin a eäni asor eman mi wor terin. Pun ngang eman king mi lap, nge chon ekewe mwü ra meninitiei.”

Johannes 1:16

Seni an ümöümöch mi somosomola sia angei feiöch esap ükütiu.

Föför 1:25

pwe epwe tolong lon ewe wisen Soukünö siwilin Jutas, ätewe mi feila ngeni ewe leni ia epwe wesewesen nom ie.”

Föför 15:14

Simon a awewe ngenikich usun än Kot popuetä le pwäräta an ekiek ren an angei me lein ekewe chon lükün Israel eu mwichen aramas fän itan.

Föför 6:7

Iei usun ewe kapasen Kot a chöfetal. Nge ewe mwichen chon lükü Jesus lon Jerusalem ra fokun chochomongola, iwe, chomong lein ekewe souasor ra pwal lükü.

Föför 9:15

Nge ach Samol a üreni Ananias, “Kopwe feila, pun ei mwän üa filätä pwe epwe angang ngeniei, epwe asilefeili itei ngeni chon lükün Israel, ngeni ekewe king pwal ngeni chon Israel.

Nöün Paulus Toropwe ngeni ekewe Souläng lon Rom 12:3

Iwe, pokiten än Kot lifangen ümöümöch ngeniei, üpwe ürenikemi meinisin: Ousap ekiekin tipetekia seni mine a fichitikemi, nge oupwe tipetekison lon ämi ekiek o püsin apwüngükemi ngeni ewe aükükün lükülük Kot a ngenikemi.

Nöün Paulus Toropwe ngeni ekewe Souläng lon Rom 16:26

Nge iei ena monomon a pwäpwäla ren makkeen ekewe soufos, o ren än Kot, ewe mi manau tori feilfeilachök we allük a pwäla ngeni chon ekewe mwü meinisin ar repwe silei usun, pwe meinisin repwe lükü o aleasochis ngeni.

Nöün Paulus Toropwe ngeni ekewe Souläng lon Rom 3:29

Are ifa usun, Kot än chök ekewe chon Juta Kot? Esap pwal i än ekewe chon lükün Israel Kot? Ewer, pwal i ar Kot.

1. Korint 15:10

Nge ren än Kot ümöümöch üa wilila o wiliti eman soukünö. Iwe, an ümöümöch ngeniei esap lomotongau, pun mi enlet üa fokun achocho le angang lap seniir meinisin. Nge pwüngün pwe sap ngang üa föri ei angang pwe än Kot ümöümöch a nom rei.

1. Korint 9:2

Inamwo ika ekoch aramas resap etiwaei usun eman soukünö, nge fen iei mine oua föri! Pokiten ämi oua souläng, iei met a alletätä pwe ngang eman soukünö.

Efisos 1:12

Iei mine kich mi akomwen apilükülükü Kraist sipwe eu lenien mwareiti lingen Kot.

Efisos 1:6

Sipwe mwareiti Kot ren an we ümöümöch mi fokun amwarar, a lifang ngenikich lon püsin Nöün we mi achengicheng!

Ipru 5:9

Iwe, lupwen a unusöchüla manauan won fanüfan, a wiliti ewe popun küna manau esemüch fän iten chokewe mi aleasochis ngeni.